復活節假期就到，想去曼谷嚟個Relax之旅嘅各位除咗買機票Book酒店之外，不如Book埋餐廳兼享優惠？OpenRice網上訂座服務而家已經擴展到泰國曼谷啦！多間餐廳包括四星級酒店自助餐都有訂座優惠，出發前Book定唔洗煩，去到可以盡享美食同折扣優惠，一次過滿足哂三個願望！
任食生蠔自助餐半價起 The Square
泰國嘅自助餐出名抵食又多選擇，呢間就係其中一個好例子。位於港人必去Siam Square嘅諾富特酒店，Siam BTS站一出就係唔怕搵唔到。晚市係多國特色自助餐，新鮮生蠔係必食嘅回本位，另外各式泰式冷盤同琳瑯滿目嘅甜品亦不容錯過。
高CP值海鮮自助餐半價起 Cafe @ 2
叫得高CP值，當然唔係得個抵字咁簡單啦，位於曼谷最新購物熱點Phloen Chit BTS站附近，最啱Shopping完去大擦一餐補充體力。可以選擇食晚市自助餐，盡情享受各款新鮮海鮮同國際美食；亦可以食午市自助餐，自在地嚟個滋味Lunch。
多元化自助餐6折 Twenty Seven Bites Braserrie
去到曼谷當然想食泰國菜，但又心大心細想食多啲唔同選擇？鄰近Terminal 21百貨，Asok BTS站嘅呢間酒店自助餐廳就絕對滿足到你嘅要求。午市同晚市嘅現代自助餐唔單止有地道泰國菜，仲有西餐、日式、中式、越南同印度美食任揀。
更多優惠推介： |
互動式廚房自助餐7折 Flavors
圖：PanGWeT
Chit Lom BTS站附近嘅呢間酒店自助餐就以互動嘅半開放式廚房作招徠，特別係泰式串燒可以睇住廚師即席燒製，青木瓜沙律亦可以自由配搭配料。而其他泰式熱盤亦選擇眾多，不過講到回本位就要提到任食嘅長腳蟹同鵝肝多士！
新式Fusion泰國菜85折起 Cafe de Salil (Thonglor 1)
去曼谷當然要盡情享受陽光，呢間酒店餐廳嘅戶外露天座位就最啱大家嚟嘆返個悠閒早餐或者Brunch。早餐係自助餐形式，提供泰、日及各款國際美食。其餘時間佢地嘅la carte menu亦包括唔同小食、歐洲同泰國菜式。另外Nana BTS站嘅分店亦有低至75折優惠！
記得善用切換地區（圖左）同Bookmark（圖右）功能！
仲有更多曼谷餐廳網上訂座優惠等大家逐一發掘，用OpenRice apps輕鬆切換地區，揀啱心水餐廳亦可以先Bookmark，輕鬆收藏餐廳資料同優惠！網上訂座服務亦已經擴展到台北同澳門，去人氣餐廳唔洗大排長龍兼享優惠！
文：Cathy