而家食嘢都唔淨止用個口食，仲要用埋對眼，所以啲嘢食除咗要好味之外，睇得都好緊要。於是就有火焰雪山呢類超視覺效果嘅甜品誕生咗，最近，進化到連飲品都有火山喇！
呢間英式餐廳喺倫敦度取食經，引入咗兩款女生們見到一定嘩嘩聲嘅即製燒棉花糖火山飲品！啲棉花糖係即場新鮮打發，堆滿咗喺飲品上面，再用火槍燒焦佢嘅。
更多【飲食潮流】： |
一杯係燒棉花糖火山鮮奶咖啡，咖啡係用危地馬拉單品咖啡豆烘焙而成，有花香都有黑朱古力味，仲有些微嘅肉桂味，飲嗰陣，直接插隻匙羹落啲棉花糖中間嗶嚟飲就得。另一杯係燒棉花糖火山朱古力，兩樣甜物放埋一齊，冧死甜魔喇！
BRICK LANE
地址：金鐘添美道1號中信大廈4樓404號舖、
尖沙咀棉登徑17-23號地下
文：Kar