第10位 麥上日光（*新上榜）
奧地利老字號手工麵包店，最多香港人Like嘅佢地嘅奧地利五層流心芝士軟包，分量夠大之餘Cream Cheese亦夠多，新鮮出爐嘅時候仲有流心效果！其他麵包例如瑞士朱古力包亦係真材實料，加上奧地利古法烘焙技巧可以鎖住水分，咬落特別實在，絕對唔會係空氣麵包。
Photos by ms.b & ksmeow第9位 Plato
油麻地隱世英倫Cafe，呢個月繼續留喺10強榜上面。除咗小食水牛雞翼依然Keep住水準之外，主食美國黑豚肉眼扒彈牙無肉渣，黑椒紅桑子醬汁就酸甜帶微辣，解膩之餘有新鮮感。而黑松露野菌牛肋粒意大利飯就充滿黑松露香味，米粒軟硬適中。
Photos by wahwah1224 & yukiyuki827第8位 炭魚（*新上榜）
今年一月真係非常凍，似乎因為咁所以多咗人去食辣嘢。呢間主打烤魚嘅四川菜館最特別嘅地方係用炭爐加熱，炭火令爐受熱更平均。烤魚醬汁亦有多款選擇，有辣有唔辣，除咗魚肉鮮嫩，其他配料亦一樣搶鏡。唔單止有烤魚，另外亦有港人摯愛之一雞煲，麻辣惹味。
Photos by 小年糕 & Jeffery_leung1030第7位 樓下冰室（*新上榜）
荃灣懷舊冰室，唔少街坊去都會叫佢地嘅兩大名物：蕃茄濃湯通粉配牛乳炒蛋同瑞士雞髀。蕃茄濃湯夠足料，唔係用茄膏開出嚟嘅例湯，通粉亦軟硬度啱啱好。瑞士雞髀嘅亮點在於香濃而且甜甜地嘅瑞士汁，而且瑞士汁已經完全入味，雞髀咬到中間都仲食到瑞士汁嘅香甜。
Photos by 花喱花碌 & Hunter115第6位 泰廚泰國菜館（*新上榜）
旺角抵食泰菜館，由沙律、串燒、小食、小菜炒粉麵飯等都一應俱全，多人聚會就可以試哂唔同款式。比較多食客推薦嘅包括有齊蝦餅、魚餅、春卷、蝦片同串燒泰式小食拼盤，亁身惹味嘅泰式炒金邊粉，泰式汁調味得宜嘅海南雞等等。而且消費滿指定金額仲可以用$1喺四款美食加點一款，生蝦同木瓜沙律都有唔少好評。
Photos by erika5kit & J Food第5位 好燒味（*新上榜）
香港人一向都係唔使急，最緊要快，呢間喺中環嘅外賣燒味店就完全符合呢個標準，想嗌外賣，可以預早用WhatsApp落定單，做嘢做到咁上下時間先至落去舖頭拎飯，連等嘅時間都慳返，啱晒日忙夜忙連食個飯都要快嘅中環打工仔。除咗服務，食物當然有返咁上下水準，有單拼雙拼三拼揀，識食一定揀叉燒，半肥瘦，甜甜地、條邊夠脆肉質夠腍，完勝。
Photos by Food Adventurer & Happy365第4位 芝心糖人街（*新上榜）
睇個名就知呢間餐廳係食芝士同甜品。芝士控又要失控喇，爆多芝士醬嘅芝士撈麵唔講嘞，講下芝士魚蛋同芝心蛋白流心吐司。芝士魚蛋係即叫即整嘅，如果你以為淨係得流心芝士就真係太睇少佢哋喇，再配埋另一個芝士醬㗎，問你點忍？而個吐司，啲蛋白發到大一大，入面仲有蛋醬同芝士醬流出，見到肯肯定忍唔住尖叫。
Photos by 小_田_田 & Amanbb第3位 Burger Joys
第二次上榜嘅Burger Joys，個burger份量有幾重相信唔使我多講，但要講下餐廳有幾貼心，通常咁大個burger，食嗰陣都好唔方面，又要（扮）斯文咁樣細細啖又要一啖食到多幾種料，都幾狼狽，唔係成手醬就係啲料跌晒出嚟，不過呢度係用一個半身高嘅紙盒裝住個burger，拎住成個盒嚟食，就解決咗。同埋再提多次，burger同薯條真係絕配，而呢度除咗有黑松露薯條，仲有芝士薯條同蕃薯薯條，明知邪惡都想瘋狂食囉！
Photos by 糖不甩Natalie第2位 鮨文
又係鮨文，連續兩個月都上榜，不過佢嘅Omakase真係抵佢上！主廚跟時令、食材來貨同食客喜好tailor-made張餐單畀食客，由淡至濃一道一道慢慢上。用幾板海膽同甜蝦整嘅海膽杯，見一次流一次口水，仲有用原隻日本赤鮑做嘅鮑魚刺身，配鮑肝醬，鮮甜到一個點！
Photos by VCY & hkfoodom第1位 CHOO CHOO （*新上榜）
第1次上榜就成功榮登榜首嘅Choo Choo，當然有佢獨特嘅魅力。餐廳格局以火車做主題，食客就好似坐喺車卡度用餐咁，仲要真到有個mon喺度播風景！餐牌上嘅菜式亦都充滿特色，就好似一道叫LJK嘅甜品咁，就咁睇個名都唔知咩嚟，原來係類似cheese ball嘅自家研製品。成個波波咁嘅LJK，切開之後有紅桑莓醬流出嚟，連埋雜莓脆餅同蜜糖脆脆一齊食，又幾fresh喎。
Photos by mohkc & 愛吃達人按此瀏覽「最新餐廳排行榜30強」
文：Marcus/Kar/Cathy
隨時接收最新資訊
讚好OpenRice專頁！
Keyword
排行榜
流心芝士軟包
Omakase
burger
芝士
Copied to Clipboard