各位酒鬼們，一年一度嘅香港美酒佳餚巡禮又返嚟喇！今年Wine & Dine將會於11月1日至11月30日以全新面貌登場，疫情下除咗繼續以線上及線下形式舉行，今年再搞搞新意思，將實體盛事帶入多區，首推遊「酒」香港自助行。線上方面推出「美酒佳話On-air」網上直播節目，令大家一嚐全新品酒體驗。另外有創新嘅「中菜廚師發辦」、介紹餐飲界冒起新星以及超過400間餐廳推出低至7折嘅優惠及特色餐單～

亮點一：遊「酒」香港自助行

Wine & Dine首次「酒」入堅尼地城、中環、灣仔同尖沙咀四區，顧客可以以優惠價品味期間限定餐單，合共近50間餐廳同酒吧參與！四個社區各有唔同主題，如中環區就有多間專門酒吧，可以深入認識氈酒、清酒等單一酒種，包括2021年亞洲最佳酒吧Tell Camellia同The Wise King；堅尼地城區就較寫意，多為「朝啡晚酒」餐店，可以邊飲邊食邊打卡；灣仔區就較多元化，品嚐到多國美食同酒品；而尖沙咀則有酒店餐廳可以飽覽維港美景。

每間參與餐廳會提供3-5款期間限定或優惠美酒小食，每款以1-3張品味通行證換購，品味通行證分入門版（包5張品味券）同標準版（包10張品味券、餐飲及美酒優惠，另贈2隻精美酒杯）。

購買方法：（按此）

亮點二：美酒佳話On-air

安在家中都可以品酒同埋學到品酒知識！Wine & Dine將於11月連續兩個星期六、日(11月6-7日及11月13-14日)舉行合共9場網上直播節目，同酒界專家品鑑美酒，交流互動，了解潮流，仲可以享受難得嘅品酒體驗，例如率先試「期酒」，包括同世界知名酒評家James Suckling品鑑5款酒花、同專業品酒師Nelson Chow品鑑5款列級酒莊靚酒、波爾多國際認證講師Corinne Mui講解波爾多混釀美學，更包含6款紅酒白酒體驗裝。

成功預訂到限量發售品酒套裝嘅話，就可坐定定喺屋企，等住以精緻又富創意嘅試管盛載嘅特別版品酒套裝，直送上門，最平$250就有交易。

品味通行證及品酒套裝開售日期:10月26日
預訂網址：（按此）

亮點三：中菜廚師發辦 + 全城餐廳優惠

通常食Omakase都係日本菜，今年Wine and Dine有創新嘅「中菜廚師發辦」，18位中菜大師以時令食材精心炮製大師發辦菜單，每位約$1,000至$3,000不等，參與餐廳包括澐、卅二公館及JW萬豪酒店─萬豪金殿等。當然唔少得超過400間餐廳推出低至7折嘅優惠及特色餐單，午餐每位$128起，晚餐每位$248起；想食好啲，60間米芝蓮或得獎餐廳提出期間限定「廚神美饌」特色餐單，午餐每位$348起，晚餐每位$$688起，平時好難得可以用呢個價錢食到，要把握機會！

訂購日期：
「中菜廚師發辦」：10月26日起
「業界新星料理」+ 米芝蓮或得獎餐廳特色菜單：11月1日起

訂購網址：（按此）

更多活動詳情：（按此）