其實喺香港都搵到可以媲美日本質素嘅吉列豬扒㗎！今次搜羅咗5間畀大家，每間都有自己嘅獨家製法，各有捧場客，睇下邊間啱你口味～
目錄
► 超人氣人龍店：Porker |
超人氣人龍店 Porker
圖：一間好有人氣嘅吉列豬扒店，連喺居港嘅日本人圈子中都小有名氣，可見佢真係唔簡單！選用日本直送嘅三元豚豬肉，肉味零舍突出同鮮甜，推介大家食Full House Set，一份包晒熟成豚西冷、豬柳及芝士豚肉餅三款，啱晒心思思唔知食咩好嘅朋友，吉列外層香脆唔油膩，溫馨提示芝士豚肉餅嘅流心芝士非常熱，食嗰陣要小心呀。另外吉列熟成豚肉眼定食都好受歡迎，比西冷同豬柳有較多脂肪，肉質軟腍同更juicy！
引入低溫油炸技術 TONKATSU HAKURA 
圖：通常成日聽炸豬扒都要高溫炸先好食，但呢間新開嘅日式炸豬扒就使用新技術，主打低溫慢炸白豬扒，保持肉質白而粉嫩，亦能鎖住肉汁～餐廳好有日式風格，以淺木色同金色為主，仲可以近距離欣賞日本師傅即席烹調低温炸豬扒！分別供應午市同晚市套餐，重頭戲炸豬扒包裝吉列北海道豬柳、吉列佐賀豬扒及吉列免治豬肉球，款款都好粉嫩，肉味都好鮮香，難怪一新開就咁多捧場客。
日本過江龍 勝博殿日式炸豬排
圖：來自日本，喺高級日式炸豬扒仲未流行時已經屹立於香港嘅炸豬扒店，比較受歡迎有元祖三色豬柳卷套餐，包括芝士、蘆筍同紫蘇烏梅三個口味，豬柳脂肪較少但入口鬆軟，配埋香脆嘅外皮係最佳配搭！另外仲有好多唔同嘅炸物配搭，如勝博殿套餐有齊炸海蝦、炸豬扒同忌廉蟹肉餅；鐵板滑蛋吉列豬排套餐都唔錯，滑蛋配上豬扒同甜甜嘅醬汁，送飯一流。
長沙灣抵食小店 大丈夫食堂
圖： fatkonggirl
超抵食但又高質嘅日式小店，連出名嘴刁嘅蘇施黃都係fans～招牌Deep Fried Breaded Pork Loin Cutlet，豬扒大大塊炸得啱啱好，入口外層係酥脆唔係硬脆，肉質都唔會太肥但keep到有肉汁，豬肉帶點粉嫩，配埋酸酸甜甜嘅醬汁又清新啲。午飯時間只係$105就食到，跟埋湯、沙律同白飯，晚市都只係$115，呢個價錢咁高質素真係邊度搵～
高質連鎖店 丼吉日式吉列豬排專門店
圖： 另一間好出名食日式吉列豬扒嘅連鎖店，選用日本黑豚肉，含油份較多，所以特別鮮嫩多汁，一咬開首先係香脆口感，然後係滿滿嘅油香，食時蘸上混合芝麻嘅秘製醬汁，味道又更上一個層次。推介鹿兒島厚切豚肉定食，豬扒外脆肉嫩，炸漿好薄，唔會覺得油膩，重點夠厚身真係啖啖肉呀。
文: Yanica
