見到7月份嘅十強名單，就知道香港人有幾掛住日本嘅美食了……10間餐廳入面有近半都係日本料理！
第10位 鮨逸（*新上榜） 
圖：舔舔俐
近期Omakase大行其道，好多人都捨得食咗。首次打入十強嘅呢間廚師發辦，口碑甚高。想食得豐富啲嘅，就叫個25道菜嘅menu啦~ 由前菜到刺身、主食等都非常新鮮，而且師傅更會對應每樣食材，花心思配搭各種嘅調味。幸運嘅話，重分分鐘有活紫海膽食呢~
第9位 家後（*新上榜） 
圖：l主打手工餃子嘅呢間小店，走新民路線。無論係湯餃定煎餃都有水準，餡料未必算係最特別，但皮薄餡多，好似招牌洋蔥豬肉餃咁，重好juicy添。而小店除咗賣餃子，居然重有自家手作嘅芝士蛋糕，口感軟綿。每日都唔同味架，例如原味、抹茶、開心果等。
第8位 Thaiology 
圖：繼續上榜嘅呢間泰國餐廳，佢哋嘅shake shake海鮮袋當然功不可沒。煮好嘅海鮮，混入自選醬料倒入袋內搖勻，夠晒入味。另外，亦有供應多款經典泰菜，不論係生蝦、串燒定芒果糯米飯都係人氣之選。
訂座優惠：正價88折 單點餐牌
第7位 燒肉臻
圖：以日式燒肉為主打嘅燒肉店，最貼心就係有專人可以幫手燒，確保每塊肉都可以燒到啱啱好，大家唔使自己估估下嚿肉到底熟未。牛肉盛合同雞肉盛合都各有多款部位，要軟嫩有軟嫩，要煙韌有煙韌，可以一次過試到唔同嘅口感。食燒肉最好梗係飲埋酒，呢度有自助清酒售賣機，有成18款選擇呢。
訂座同時訂餐： [2人用]燒肉盛合
第6位 浪．居酒屋（*新上榜）
圖：新開唔係好耐嘅居酒屋，好快就上榜，相信同佢哋嘅原條鰻魚丼不無關係。原條喎，長長der蓋過成日本產米飯，望見都吸引，食落啖啖魚油香氣。另外必食鮮味大爆發嘅Nami卷，滿到就瀉嘅餡有吞拿魚蓉、三文魚籽、海膽同魚子醬等，大滿足。
訂座優惠：消費券堂食獎賞 : 凡堂食消費滿$500 (10% 服務費前) 即可享八五折優惠
第5位 玄鮨
圖：隔咗一年重新上榜嘅呢間日本餐廳，既有廚師發辦，亦有lunch set供應。壽司刺身款款魚材新鮮，金目鯛、銀鱈魚等款式都有機會食到。要特別介紹下鮮甜無比嘅魚湯煮烏冬，烏冬又有咬口，絕對有驚喜，而且係omakase先有得食到咋。
第4位 日月堂（*新上榜）
圖：食台灣菜，鴨血、牛肉麵走唔甩。呢間餐廳選擇幾多，推介麻辣鴨血夠晒滑身又彈牙，索晒香辣嘅麻辣湯汁，愈食愈開胃。想一次過食多幾款牛嘅，招牌牛三寶就啱晒，牛𦟌牛筋牛肋條都有齊，湯底味道濃香，連帶麵條都掛滿湯汁，係惹味嘅。
第3位 MOO MOO（*新上榜）
圖：漢堡一向係唔少人嘅comfort food，呢間漢堡店除咗有大路嘅肉堡、素食選擇嘅菇堡之外，亦有迎合潮流創新嘅鹹蛋黃雞堡，鹹香味道配搭剛好，有爽脆生菜、蕃茄等夾埋，令到啖啖重口鹹蛋黃味都唔會感覺太膩。有創意有質素，入三甲無懸念。
第2位 PokéToké（*新上榜）
圖：主打低卡同高蛋白質嘅poke bowl，hit中愈嚟愈注重飲食健康嘅香港人，難怪開業冇耐就可以上榜。呢度嘅poke bowl，自選食材又得，揀官配嘅又得，唔要飯要沙律底都得，夠晒自由。不過有時自由太多，選擇困難症朋友就頭痕，咁揀大滿貫就最啱，咩都有得試少少，好似三文魚吞拿魚牛油果等等都有。
第1位 牡蠣小屋（*新上榜）
圖：7月榜首位置係屬於呢間以日本牡蠣為主題嘅餐廳，多款菜式都以牡蠣入饌，嚟到當然要食生蠔啦，配埋海膽同三文魚子等，份外鮮甜。另外推介特色鐵盒燒生蠔，原隻蠔放入鐵盒內再加清酒，燒9分鐘，燒嘅過程已經飄出陣陣蠔香，相當吸引。
