嚟到7月，無論你係咪學生有無得放暑假，都可以期待一下各大酒店嘅自助餐！皆因唔少餐廳都會喺呢個時候更換主題，好似今年就有唔同國家菜式，亦有港人最愛嘅各款海鮮畀大家選擇。減肥？食飽啲先有力減㗎係咪？
 

味遊異地系列

法國x越南滋味　中西 ‧環

通常自助餐本身已經有唔少選擇，西環呢間酒店餐廳仲同時以法國菜同越南菜做主題，啱哂貪心嘅你！推薦菜式包括法式慢煮油封鴨脾、越式牛肉湯粉同越式扎肉烤法包。每位客人仲會免費獲贈蒜香珍寶越南大頭蝦配香煎鴨肝伴紅酒梨一份，兩位以上同行仲送埋新鮮焗製嘅珍寶香橙荔枝梳乎厘呀。

「仲夏情迷法越夜」自助晚餐 
供應日期：即日起至2018年9月30日
供應時間：18:15-21:30
價錢：
星期日至四：成人$408/位，長者或小童$288/位
星期五、六、公眾假期及其前夕：成人$448/位，長者或小童$328/位
*用OpenRice優惠券可享最高75折優惠（條款及細則）

 

惹味星馬菜式　尚廚

將軍澳呢間餐廳亦係同時供應兩個地方嘅地道菜式：馬來西亞同新加坡呀。好似娘惹鮑魚沙律、花膠肉骨茶、鮑魚海南雞飯、星洲辣椒炒蟹配炸饅頭等等，唔少都相當香辣惹味，夏天開胃一流。加上東南亞風味甜品，例如新加坡班蘭椰子芒果卷、榴槤千層蛋糕、金不換菠蘿撻等等，唔洗飛一轉都感受到熱帶風情。

「美味馬拉星」自助晚餐
供應日期：即日起至2018年8月31日
供應時間：18:30-21:30
價錢：
星期一至五：成人$498/位，長者$398/位，小童$298/位
星期六、日、公眾假期及其前夕：成人$538/位，長者$438/位，小童$338/位
*用OpenRice優惠券可享最高65折優惠（條款及細則）

 

細嘗加拿大風味　Promenade 西餐廳

以上國家嘅菜式對你嚟講欠缺少少新鮮感？加拿大菜點睇呢，紅磡呢間酒店餐廳7月自助晚餐以坊間比較少見嘅加拿大作為主題。迷你酥皮焗肉批係用酥皮包住肉丸烤焗，而串燒加拿大雪花牛肉配楓糖黑椒汁就選用加拿大地道特產楓糖。其他特色菜仲有松木板烤香草比目魚、脆炸加拿大多春魚配青檸他他蛋黃醬同蒙特婁式煙薰肉。

味遊「加」國自助晚餐
供應日期：即日起至2018年7月31日
供應時間：18:30-22:00
價錢：
星期一至四：成人$588/位，小童$388/位
星期五至日、公眾假期及其前夕：成人$628/位，小童$418/位
*用OpenRice優惠券可享85折優惠（條款及細則）
 

 
海鮮主題精選

即開生蠔+蠔肉菜式　Bistro on the Mile

最愛食生蠔但平時要就住就住嘅你，今次可以開懷盡情食啦！尖沙咀呢間酒店餐廳推出以生蠔味主題嘅自助餐，重頭戲當然係三款即開新鮮生蠔：紐西蘭嘅Rock Oyster，澳洲嘅Smokey Bay同Coffin Bay！而以蠔為主嘅菜式都有唔少，包括蠔肉凍湯、香檳蠔肉啫哩、蠔夀司卷、炸蠔、砵酒焗蠔等等，可以「蠔」返晚喇。

滋味生蠔海鮮自助餐
供應日期：即日起至2018年8月31日
供應時間：18:00-21:15
價錢：
星期日至四：成人$569/位，長者$455/位，小童$398/位
星期五至六：成人$639/位，長者$511/位，小童$447/位

 

韓國海膽x波士頓龍蝦　城景閣

港人另一至愛海膽都有呀，油麻地呢間酒店餐廳呢輪選用韓國海膽加上波士頓龍蝦，最吸引嘅係每位都有原板韓國海膽一客！而其他菜式亦相當吸引，好似海膽龍蝦四式涼拌豆腐、海膽蟹子焗大蝦、龍蝦海膽抹茶冷麵同海膽龍蝦炒飯。連甜品都以士多啤梨同抹茶做主題，好似抹茶雞蛋仔、沖繩岩鹽士多啤梨芝士餅同抹茶蛋糕卷，夠哂滿足。

海膽龍蝦薈‧海鮮自助晚餐
供應日期：即日起至2018年7月31日
供應時間：18:30-21:30
價錢：
星期一至四（公眾假期除外）：成人$438/位，長者$368/位，小童$288/位
星期五至日及公眾假期：成人$458/位，長者$388/位，小童$288/位
*需出示官方網頁以享以上優惠價，詳情請到網站查詢

 

鮮甜龍蝦+黑安格斯牛　Park café

尖沙咀呢間酒店同樣有龍蝦，今次加埋肉味香濃嘅黑安格斯，同時滿足海鮮迷同食肉獸嘅願望！海鮮迷必試精選有百里香蕃茄龍蝦蝴蝶粉、焗酥皮干邑龍蝦湯同芝士芒果波士頓龍蝦薄餅。而食肉獸就唔好錯過迷你芝士黑安格斯竹碳漢堡、燒美國斧頭牛扒同炭燒黑松露黑安格斯牛肉粒意大利飯啦。

「黑安格斯‧龍蝦大戰」海鮮自助晚餐
供應日期：即日起至2018年9月10日
供應時間：18:30-21:30
價錢：
星期一至四：成人$448/位，小童$328/位
星期五至日、公眾假期及其前夕：成人$518/位，小童$338/位
*用OpenRice優惠券可享7折優惠（條款及細則）

文：Cathy