9月份好評餐廳十強的首次上榜食店中，無獨有偶其中兩間都是不設座位的小食店──以醬汁變化多而馳名的愛爾蘭瘋薯，以及賣台灣正宗口味的阿土麵線，而阿土麵線更奪得上月的冠軍位置，令長期佔榜首的時新屈居第二位。
（Cover Photo by積奇祖安 ~ 為食之旅）

*排名機制：以當月的笑臉減去喊臉食評數目計算，如結果相同再按笑臉數目以及當月餐廳所得的平均得分排名。

注目上榜餐廳

（Photo by 積奇祖安 ~ 為食之旅）

第一位 阿土麵線
於今年4月開業的阿土麵線，與不少台灣的麵線店一樣不設堂食，食客都要買完企在街邊享用。阿土的老闆曾於台灣夜市麵線檔工作兩年，店內供應的麵線由台灣入口，跟隨台灣做法，所以味道可說是夠正宗，客人又可任加辣蘿蔔、榨菜等8種配料，十多元就有交易，難怪旺場。

積奇祖安 ~ 為食之旅：係我食之前，我就加咗辣菜甫及辣蘿蔔，不過下次唔會落咁多，因為真係好辣，但係又好惹味喎!!!柯仔夠大粒，而且唔會好腥，good，帶子就普通!!!
馬荳糕：嘩！原來好好食，豬腸就麻麻，蟹柳好甜，最好食嘰係蚵仔，好甜好夠味，唔怪得咁多人食，d辣菜甫都好好食，夠曬辣30蚊一碗，好似貴左d，但唔緊要，好食，下次我行過會再食。
不眠王子：麵線味道跟台灣似足8成，若麵條再幼身啲就更佳，大腸非常爽滑但份量太少，蟹肉反而出手意料咁鮮味，仔就更有驚喜，大大隻新鮮肥美，睇張相就知！

（Photo by 愛吃小伙子）

第四位 愛爾蘭瘋薯
來自台灣的愛爾蘭瘋薯開業不久，已風靡不少愛「薯」之士，雖然薯條只作外賣，但16種醬料及5種味粉選擇的新穎食法，令食客都甘心乖乖地等。食家都欣賞薯條即炸熱辣辣，當中以芝士及酸忌廉較受歡迎，雖然店內同時供應洋蔥圈、熱狗等選擇，但還是薯條最暢銷。

唔熟52：要左個酸忌廉+芝士($33)，D芝士溶晒係薯條上面。仲有D酸忌廉加埋，食落唔會好肥利…真係10級好味，為左佢要去多幾次銅鑼灣喇!!
凡比：薯條即叫即炸，熱騰騰都幾好味，加上sour cream 少少酸酸的味道，好味過點茄汁，現在食薯條並非單一化噢!
愛吃小伙子：新鮮熱辣嘅薯條 配以香濃芝士，十分可口!薯條分量同芝士分量都比想像中多，d芝士食到底都仲有!正~喜歡芝士嘅朋友一定要試試!!

（Photo by 細路仔_樂）

第十位 膳食小廚
經過電視飲食節目介紹後，口碑口耳相傳，結果令位於灣仔的街坊小店好評數目多到打入每月十大榜。店內掛著牌匾「榮式雞扒稱霸」，就知道招牌菜就是榮哥炮製的雞扒，即叫即燒，雞肉嫩滑，雞皮脆身，而蓮藕餅亦很受歡迎，加上蔥油食非常下飯。

bb6392：雖然佢話雞扒係佢既招牌但係我就覺得藕餅好味啲啦，食落好有家庭feel加埋個豉油汁撈飯真係一流，午餐加杯凍檸茶HK$36蚊呢個價錢都可以接受啦，起碼唔會呻苯個種囉。
DragonFire：雞扒肉質嫩滑，雞皮燒至薄物少肥膏而脆口，多來幾件雞皮也絕對可以﹔雖說是雪藏貨但不失其原來雞味。豬頸肉亦因為雞扒的出色而變作"綠葉"了....
細路仔_樂：而本身不喜歡吃蓮藕的我，也不得不屈服它的蓮藕餅，蓮藕與肉的比例剛好，一個字"得"呀～把葱油撈埋飯一起食，簡值正呀～