幾時都話呢個世界咩都有可能，連賣開雞嘅KFC都賣埋pizza喇，叫薄餅雞。其實唔新㗎喇，早前新加坡同日本等地都已經有得食，而香港就最近先出囉。

介紹返，薄餅雞英文係chizza，批底係雞扒嚟，上面再疊芝士、菠蘿同粟米，仲有千島醬。

薄餅雞一盒4件，size都唔細。由於係外賣嘅關係，件薄餅雞上到嚟已經腍咗些少，但依然可以做到拉芝嘅效果嘅。塊雞扒冇骨，食落都幾方便。不過，感覺就唔似食緊pizza，而係食緊一隻搽咗千島醬嘅雞咁囉。

暫時只係得外賣先有，堂食冇嘅，千其唔好咁傻豬走咗落舖頭然後話想柯打呀科科。

文、相、片：Kar