天竜 (Closed)

今次食lunch揀咗喺呢一間荃灣嘅日本餐廳，見到佢哋嘅lunch set都吸引，而且選擇都好多，有刺身、壽司亦有其他熟食嘅丼。因為係小店所以座位都唔係話特別多，會有少少迫夾但可以接受！今次黎嘅時段都唔算特別多人。係主食之前佢亦都會送上前菜同麵豉湯，麵豉湯唔會好鹹，而且又好飲。以佢前菜都好好香，有筍、木耳同埋其他嘅蔬菜。而今次中午叫咗個三文魚帆立貝丼，三文魚好厚身，而且都算新鮮。而帆立貝都好鮮甜，整體成個刺身都好新鮮👍🏻可惜啲飯有啲濕又冇乜壽司醋味，唯獨是呢一點我唔太鍾意。但以咁嘅價錢來講已經好抵食！另外叫多個滑蛋豬扒丼，豬扒炸得非常之香脆，蛋亦都好滑，有少少紫菜喺面，呢個真係好好食！👍🏻總結來講，下次會返嚟再試吓佢哋其他嘅嘢食👍🏻

又口痕想食日本野, 同事介紹路德圍美食圈入面開咗間新O既日本餐廳, 新張期內堂食免加一仲有9 折, 我哋一行幾人就LUNCH TIME 一齊衝去試下! 好彩訂咗位咋, 入到去係FULL 晒! 食店留咗最入面O既枱俾我哋, 斜對面就係廁所 (下圖門簾果度), 雖然閂咗門, 但都好大陣廁所味呀! 係食到中間可能個鼻聞慣咗先唔覺! 希望呢部份可以改善一下! 三文魚帆立貝丼 - 有3 塊三文魚 (算厚), 2 件帆立貝 (都算厚), 仲有蟹籽。食材新鮮,  而且好多飯! $64 一個餐, 包埋湯同小食, 性價比高! 新張期內仲要免加1 同有9 折, 絕對抵! 午餐選擇都算多, 價錢中等。晚餐都好多選擇。

慶祝老公生日🎂為左方便個仔食野所以都係揀日本菜因為會有牛肉烏冬岩我仔食見到附近有新開既日本野個招牌仲貼緊紅色不過見到堂食九折免加一外賣八折🤩就決定入去食入面地方唔算好大但中間通道空間都算Ok可能見我有小朋友就比左入面最大果張枱比我一黎都係叫左個安格斯牛肉稻庭烏冬比個仔食先都勁大碗，份量又多烏冬係幼身較易入口岩哂我仔食而牛肉就比想像想爭少少入口比較無甘容易咬開因為之前食過類似價錢既係較入口即溶但都係好味，湯都好濃我仔食左三分二而我老公就叫左鵝肝安格斯牛肉飯一嚟到就見到鵝肝好大舊好重本一吉開d油滲入d飯入面D飯食落有油香好正但牛肉都係差啲最推介新係尼個極上壽司盛合每一件壽司🍣都係好厚肉小飯配搭真心厚肉同埋我凣乙第一次食赤身都覺好好味好似食緊中拖羅甘但大拖羅係入口即溶😍完全唔覺得有啲根阻住哂基本上每一件都好新鮮海膽都唔腥但又未去到有叮一聲果種感覺由於未飽同埋大拖羅太貴最後叫多2件時令（唔知佢叫咩名😂）但魚味好出，肉質係較厚實最後我行左出去買左個cake仔慶祝老公生日問職員借火機都好好人仲無收切餅費（可能係因為一件仔所以無收掛定唔知本身唔收）最後埋單都係$45x左右真係幾抵因為見佢有lunch