峇里堂

📌 峇里堂 - 尖沙咀彌敦道176號The Nate3樓🗓(14/12) 星期三 ⏰ 晚上7點左右 💈特式：峇里島係印尼出名嘅旅遊地方，呢間峇里堂都係主打印尼風味嘅餐廳，香港食真正印尼食物嘅地方可能唔算好多，反而比泰國同越南菜佔左大多數，我今次就同大家嚟試下呢間正宗嘅印尼餐廳。🥩🍔🌭🌮🥗🥯🥘🍲🍝🍣🥟🍤🍱食物：今日雖然得兩個人食，但都叫多d特色野同大家分享下，等我又同大家講下峇里味道先。不是「南乳豬手」是「巴東豬手」 - 我本身係好鐘意食豬手，有時都會係屋企自己整南乳豬手，佢呢個巴東豬手個色真係同南乳豬手好似，唔怪得知佢個名要特登喇咁叫，呢個巴東豬手一客會有3件，件頭都幾大件，亦係多肉少骨，個汁就同南乳汁唔同，係有少少咖哩香同偏向微辣嘅口感。印尼沙爹炒豬肉飯 - 呢個炒豬肉飯份量一d都唔細兩個人都夠食，個沙爹汁好香同比起正常食開嘅沙爹汁偏甜，但個汁配飯食都幾夾，d豬肉份量都足夠，同埋應該有燒香過，食落有好香嘅豬肉味。蝦醬炒通菜 - 呢個係好普通嘅家常菜，好多餐廳都有，但唔係度度都炒得好食，但呢間都做得唔錯，味道平衡得幾好，微辣得嚟又唔會比辣味搶晒其他味道。雙色咖央多士 -

二訪了，今次晚市來到，食物全部都有齊，要食得豐富啲!對印尼食物不熟悉，頂多也只是吃過之前家中的印尼姐姐手勢，她總是弄得調味較甜（這店的醬汁也是甜!），然後很喜歡吃辣和炸物！小時候去過一次印尼但印象不深刻，找了一下有關這店在印尼的相關地 - 峇里島Bali，（巴厘和峇里是翻譯上的不同）旅遊勝地，陽光與海灘的渡假type！🤓現在沒事就去別人的旅遊blog, 或者在香港吃異國風味的餐廳。印尼風味用多種香料，當地人喜歡用薑、薑黃、蒜、椰汁、花生、辣椒，已會用豐富出產的蕉葉去包住食物烹調。🍽峇里式豬肋骨飯 ($59)豬肋骨豬得好軟腍，輕易能將骨肉分開，講起個飯，這次終於叫到金貝飯了！香茅同黃薑味，然後個飯的形狀呈長條形，像是東南亞品種，我本身對呢種形狀的飯冇太大好感，因為好散，但這次有點改觀，佢個形狀係肥嘟嘟，食落有香糯感。（我再看看店家的介紹，是用了珍珠米，難怪！加入香茅、檸檬葉、薑黃等配料，混合椰汁，要整6個鐘！）食飯真係要食飯，好重視米飯質素，會影響成個飯既觀感，所以店家在這方面下了不少心機。🍽不是「南乳豬手」是「巴東豬手」Rendang Pork Knuckle($52)一碟三件豬手，醬

朋友介紹呢間印尼菜好正宗 好似咁大個人都未食過印尼菜上網睇過啲相有啲似印度咖哩 今日book咗枱去試吓佢❣️ 不是「南乳豬手」是「巴東豬手」$54個顏色真係同南乳豬手一樣 好彩Menu上面有強調 唔係真係以為南乳豬手嘅話無嗌到都試到 豬手唔算炆得好淋 但一份有三大舊都幾多下 每舊肉嘅比例都多過骨 咖喱有少少微辣 炆得好入味 係必食之選❣️ 峇里堂海鮮煎 $71賣相同感覺都好似台灣嘅柯仔煎 只係多咗啲芽菜蝦片同海鮮🦞賣相唔算好靚 好似啲雜菜炒埋一碟咁 唯一有特色係中間pat咖哩 如果無的話真係可以唔洗嗌❣️ 峇里式燒豬汁比高 $57啲豬肉多到跌晒出嚟 而且啲燒豬汁好濃煮得好入味好淋 加埋啲青瓜 成個包食落好Juicy好開胃一人一個都得❣️ 巴東牛肉飯 $72牛肉飯嘅咖喱同豬手咖哩個味道差唔多 牛肉粒都唔少 亦一樣煮得好淋好好味 飯嘅份量都多 啲汁多到撈埋每一粒飯整體嚟講呢間餐廳嘅CP值幾高 兩個人食人均百幾蚊已可以試咁多唔同嘅菜式 可以列入二訪名單✌🏻

終於開番晚市堂食，假日唔知係味落雨關係，少人係街上面，餐廳唔算多人，客人之間都相隔一張枱。餐廳玻璃多，望到好多街景，環境感覺舒服。峇里式豬肋骨飯($59)， 峇里醬甜甜的，入口帶香茅香味。豬肋骨肉軟，一客3條肋骨相連，非常入味，配飯一流。吃不停口·巴東牛肉A.O.P牛角包($52)，牛角包好脆身，食到chopchop聲。牛肉有碎有塊件，醬汁好微辣，開胃，仲有青瓜點綴，冇咁heavy既感覺。同出名麵包店既牛角包有得比較，酥脆度不相伯仲(?)。不是「南乳豬手」是「巴東豬手」($52)，搞鬼既改名，有新意。豬手3大件，每件都沾滿醬汁。醬汁好濃稠，惹味，調味會濃郁。食哂d豬手，會剩好多醬汁，配飯食一流。雙色咖央多士($39)， 估唔到內餡既口感好似乳酪，仲有咖央醬，麵包烘過帶脆，細細份淺嚐。峇里堂珍多公雞冰冰($58)，色彩繽紛，碎冰用公雞碗裝，連匙羹都係公雞圖案。雪糕口味揀左椰子，仲有d焦糖糖漿，溶化後混合碎冰一齊食，唔錯。配料有紅豆、大樹菠蘿肉(?)、珍多，每款份量都多，啖啖都食到，唔會變到最後得番冰。整體，侍應有禮，好樂意幫忙影相。食物送菜速度亦快，味道仲要唔錯，偶爾食下唔多國家既菜，生