一起果醬 (Moved) New Location

之前天寒地凍入咗西貢hea....食咗成日想試嘅Let’s Jam，難得tea time嚟到唔駛等位，可能因為真係太凍所以成個西貢都好少人～同frd子每人點咗一個個九宮格多士，真係唔錯，多士本身新鮮焗超，個邊脆口得嚟唔會𠝹口。果醬每款口味都各有特色，店員仲同我哋講係隨機九隻味，所以我哋每食一款都要自己估係咩味，哈哈。個人覺得最特別嘅係個蛋黃菠蘿果醬，菠蘿嘅甜味滲咗少少鹹味，令到成個醬好有層次，估唔到蛋黃做jam係可以咁夾味果醬花茶嘅款式都好多，不過感覺同多士上面用嘅果醬一樣味

中秋過後，天氣開始變得清涼，亦都係郊遊既好時機。是日星期日，天氣又好，一於同朋友兩個入黎西貢行下。「一起果醬」都算出名，係尖沙咀同西貢各有分店，而西貢分店都相當有特色，帶俾人好舒服既感覺。座位有分室外同室內，雖然天氣清涼，坐室外都應該幾舒服，不過為免俾等位既客人望住，我地都係選擇坐室內。因為之前都去過尖沙咀分店好幾次，所以都大約知道想食D咩。九宮格多士 餐廳叫「一起果醬」，黎到又點可以唔食果醬呢? 所以呢味「九宮格多士」係每次黎都必定會叫既。雖然食材只有多士同埋果醬，但係感覺非常特別，烘脆左既多士分開九小格，每格都有唔同味道既自家製果醬，每種裡面都有D果肉粒，口感唔錯，色彩繽紛，賣相都好吸引，就好似細個寫毛筆字既九宮格咁。唯一美中不足既就係唔知果九種果醬分別係咩味，如果可以用張牛油紙托住塊多 士，上面寫住各種果醬既種類，就真係完美啦。果醬雞翼 蜜糖雞翼平時就食得多，但係果醬雞翼都係第一次試。炸雞翼外皮微脆，雞肉嫩滑，上面塗滿半溶既士多啤梨果醬，食既時候多左一份果醬既甜味，感覺好清新。Cream Tea Set Cream Tea 係英式茶點之一，將佢直譯為中文，你可能以為係有cream

難得連續三天休假，沒有颱風下雨，於是跑到西貢跟陽光玩遊戲！前往沙灘前，當然要試試西貢的特式Cafe 。想起附近就有很久以前想去吃的一起果醬，Let's Go!!因為一起果醬的旁邊是另外一家以天藍色和白色做主題的Cafe,兩家幾乎相連，差點便走錯了！雖然室外區天然採光良好，適合拍照，但今天天氣仍很悶熱，還是暫時跟冷氣為伍好了All day breakfast 有分葷素兩款，肉食性動物的我們就選了這份！因為想吃Scone 加了$7 試吃很喜歡玫瑰蘋果醬，濃濃玫瑰香，果醬有蜜糖味！Scone 也不錯呢！有人說All day breakfast 最不值得到外面吃，因為過於簡單。我會說一份好吃的ADB應該是每一個細節都必須配合得剛好, 炒蛋不能過熟要滑滑的、蕃茄、蘑菇和煙肉要熟有少許煎過的色澤卻不能焦，整體來說這裡的ADB 作的恰到好處！減分處是牛油似乎過多，蓋過雞蛋鮮味了！然後再來一份小食～如果世上有燈神，祂說可以幫你實現三個願望，我會說可否給我九個願望！有什麼比滿足三個願望更令人感動，那就是九個！九宮格多士-表面塗上九款果醬！有玫瑰蘋果、桂花雪梨、肉桂蘋果、芒果、雜莓、士多啤梨、蛋黃菠蘿、黑

佢個多士係即叫即整攞出黎嗰陣仲係熱辣辣架！九宮格多士即係一舊多士劃分咗九格，然後每一格都有唔同味嘅果醬係上面。小編覺得呢一個超級適合未食過佢哋鋪頭D果醬嘅人，因為可以一次過試晒九隻味。1️⃣士多啤梨醬佢嘅味道食落就有啲似能得利嘅士多啤梨糖味，另外佢都有一粒完整既士多啤梨喺度。2️⃣桂花雪梨醬食落雖然就冇咩雪梨味，但係就超級重桂花糖味。另外佢哋嘅雪梨係一粒粒所以食落口都幾有咬口架！3️⃣雜莓醬小編覺得食落口超級似利賓納嘅味道，而且係果醬入面仲有啲雜莓既皮係到架！4️⃣丁香香橙一開始食落口嗰陣小編覺得有少少薑嘅味道，不過食食吓啲橙味就即刻擁晒出嚟，而且佢仲有啲橙絲喺裏面添。5️⃣蛋黃菠蘿醬裏面有一粒粒嘅菠蘿喺度，不過小編就唔係好食得出佢有蛋黃味係到。6️⃣黑糖四物醬佢裏面係有黑糖、桂圓、紅棗、薑喺度。食入口真係feel到好薑。雖然黑糖、桂圓、紅棗嘅味道就唔多覺，不過小編都見到上面有啲一塊塊嘅紅棗皮係度。7️⃣玫瑰蘋果醬小編就最鍾意呢一個雖然都係冇咩蘋果味但係玫瑰味就真係超級重，而且將蘋果打成蓉都唔錯架！8️⃣玉桂蘋果醬佢呢一覺得樣都係蘋果蓉尼，不過就加左啲肉桂喺裏面。佢呢個嘅玉桂味真係超級無敵咁重啊！不過就唔算話太特別。