Video
Read full review
2019-02-18
558 views
自從形點開張後，好多時覓食都已經習慣喺openrice search Yoho Mall搵吓有咩推介，最近搵到呢間「亞蘇爾」，除咗有唔少食評外，每次行過去某日式放題餐廳時都會經過見到有人排緊隊，所以想試咗好耐。今個週末諗起佢，一於同男朋友試試佢。｜入座｜星期六8點入座當然有人等緊位，目測大約都有5-6張枱等緊。我哋因為已經訂左枱，去到報低名之後就已經被安排入庭，侍應亦非常友善比左四人卡位我哋兩位坐，位置寬敞，座位都乾淨，第一印象不俗。｜菜單｜菜單選擇有好多，從前菜、小食拼盤、主菜、甜品到飲料，應有盡有。值得一提嘅係佢有一份wine list，望到入面除左有大路嘅red同white之外仲有rose，選擇之多令人驚喜。但今次主要想試佢哋嘅菜式，前一晚亦飲過啤酒盡過興，所以無點酒類。其實由一開始話想食亞蘇爾嘅時候我一心係想試葡國雞，食過咁多港式嘅葡國雞都想試試正宗口味，不過男朋友一見到乳豬後就抵受唔住誘惑，所以無試到葡國雞，下次可以值得一試。｜上菜｜焦糖葡撻（$14/1）估唔到首先上嘅竟然係葡撻，由甜品變成前菜。葡撻上枱時帶微熱餘溫，係可以接受嘅溫度範圍，值得比個like。一咬落去感覺口感非
｜入座｜
星期六8點入座當然有人等緊位，目測大約都有5-6張枱等緊。我哋因為已經訂左枱，去到報低名之後就已經被安排入庭，侍應亦非常友善比左四人卡位我哋兩位坐，位置寬敞，座位都乾淨，第一印象不俗。
｜菜單｜
菜單選擇有好多，從前菜、小食拼盤、主菜、甜品到飲料，應有盡有。值得一提嘅係佢有一份wine list，望到入面除左有大路嘅red同white之外仲有rose，選擇之多令人驚喜。但今次主要想試佢哋嘅菜式，前一晚亦飲過啤酒盡過興，所以無點酒類。
其實由一開始話想食亞蘇爾嘅時候我一心係想試葡國雞，食過咁多港式嘅葡國雞都想試試正宗口味，不過男朋友一見到乳豬後就抵受唔住誘惑，所以無試到葡國雞，下次可以值得一試。
｜上菜｜
焦糖葡撻（$14/1）
焦糖葡撻
$14
23 views
0 likes
0 comments
估唔到首先上嘅竟然係葡撻，由甜品變成前菜。葡撻上枱時帶微熱餘溫，係可以接受嘅溫度範圍，值得比個like。一咬落去感覺口感非常紥實，奶香味濃，酥皮亦都做到酥脆嘅口感。不過味道偏甜，而且都幾飽肚，食完又無覺得好驚艷嘅感覺，我個人覺得$14一個唔算太化算，不過不失。
亞蘇爾小食拼盤（2人用）（$162）
亞蘇爾小食拼盤（2人用）
$162
54 views
0 likes
0 comments
一上枱我同男朋友都比佢巨大嘅size嚇親！而且擺盤做得幾精緻，令人食指大動。首先試咗辣肉腸芝士脆多士先，因為驚耐咗就唔脆，口感影響好大。其實食嘅時候已經唔記得咗佢係辣肉腸，但入口非常之香，帶鹹味，當然亦都保持到香脆嘅口感，個人都比幾高分。第二個試嘅係霹靂魷魚，呢個就唔太啱我自己個人口味，我食咗一條就交比男朋友繼續解決，因為佢嘅辣度我唔太接受得到。我食咗一條覺得口味偏酸，但男朋友就覺得酸酸甜甜幾好食，都好睇每個人嘅口味。之後試埋黑醋豬手，呢個好有驚喜！雖然豬手食嘅時候比較唔方便，用叉真係食唔到，最後都係用紙巾拎住食，但豬手嘅軟骨非常有彈性，凍冰冰好爽口，配上開胃黑醋，我十分推薦！最後嘅芝心馬介休球亦都好香口，好中意帶薯蓉嘅口感，不過芝士同整體口味都偏鹹，一舊起兩舊止。整體呢個拼盤表現算係唔差，但食到呢到我已經有少少飽飽哋，同埋不停飲水，因為每款小食嘅口味都頗重，適合重鹹朋友仔。
葡式香烤脆皮乳豬件配薯菜（$188）
葡式香烤脆皮乳豬件配薯菜
$188
42 views
0 likes
0 comments
主菜終於上菜！擺盤利用蔬菜同醬汁打造奪目鮮艷色彩，好值得影相。一碟總共有5件乳豬件，其實與菜單圖片係相符，但始終覺得唔算太抵食。加上每件乳豬件嘅肉唔多，不過我都明白客人們想要呢個乳豬件係為咗香口嘅乳豬皮，而我個人覺得佢係做到呢一點嘅。但我略嫌佢仍然烤得有啲乾身，口味一樣偏鹹，所以不停飲水……喜歡食肉嘅男朋友就對呢碟餸讚口不絕，佢鐘意就可以啦哈哈！個人另一稱讚位係佢啲薯條，每條size適中，夠厚身有口感，配上酸甜偏甜嘅茄汁，我係食哂嘅！
路氹香脆豬扒包（$72）
路氹香脆豬扒包
$72
40 views
0 likes
0 comments
最後上枱嘅係豬扒包，其實我同男友都已經6、7分飽，但因為我自己好鐘意食豬扒包，所以仍然食左半舊～因為前面食咗幾款肉都開始有啲滯，所以見到生菜蕃茄好開心，入口都算清爽，令我覺得有驚喜嘅係豬扒非常之腍同香口，不過如果沙律醬多番啲去中和成個包嘅油膩感就會更perfect！
食完後我同男友都覺得好夠飽，份量都好夠大，但一致認同亞蘇爾菜色嘅調味略嫌偏鹹，但整體味道唔錯，如果下次經過諗唔到食咩都可以再試，不過下次應該會揀番葡國雞同蔬菜，唔洗一味食咁多偏乾嘅菜式。
Post
