媽咪雞蛋仔 (Moved) New Location

媽咪雞蛋仔一路以黎都算係保持到水準，而且間唔中會出下新口味，所以頗得我歡心，每隔一陣子點都會黎食下🙈▪️ 伯爵茶雞蛋仔 💲28呢個係兩個月前左右出既伯爵茶味，對我黎講都算新新地咁啦🤣買完之後等緊既時候，有個人企係我後面睇緊買咩味好，佢第一句就話已經試過伯爵茶唔掂，我聽到之後心諗唔係咁慘中伏掛🤪所以出到黎都係抱住中伏既心態去食，依舊係保持到外脆內軟，伯爵茶既佛手柑味好香濃喎，仲會有少少回甘，作為茶控我幾滿意，不過攞到返屋企之後，老豆話得陣茶味好單調，即刻明曬口味呢家嘢真係人人唔同🤤🔎 整體評分（7.5/10）

想食格仔餅同班戟一定去紅磡雞蛋仔，但係想食雞蛋仔，始終都係會選擇媽咪雞蛋仔。◆𝐒𝐔𝐌𝐌𝐀𝐑𝐘◇要排隊，服務態度麻麻，選擇多，價錢越來越貴，出品唔穩定，運氣好果陣味道好好，外脆內韌超滿足。整體性價比一般。——————————————————————照舊，寫重點推介【鹹味最愛】◆肉鬆白芝麻雞蛋仔◇ HKD29 😍鹹香味十足，肉鬆比例啱啱好，似鳳凰卷嘅味道◆黃金雞蛋仔◇ HKD35 😋半年前$30已經覺得貴，所以淨係食左一次。記憶中鹹蛋味唔算好重，不過作為鹹蛋控，點都要俾個like嘅【甜味推薦】◆抹茶紅豆雞蛋仔◇ HKD34 😍&😐認真，之前$28我會買，依家就...以前食好重綠茶味，又有好多紅豆，微苦回甘，煙煙韌韌，真係好中意。不過加價之後買左兩次都食唔到紅豆，甜味時有時無，失望左啦◆伯爵茶雞蛋仔◇HKD28 😍 新品，亦即上圖，挽回少少分數，今次超水準發揮，真正外脆內軟。極濃伯爵茶味，未到手已經聞到香氣。食落亦是微苦，兩個人分住食就差唔多了。◆紫薯番薯雞蛋仔◇ HKD30 😋澱粉澱粉全部都係澱粉啊~韌度同飽腹感Top 1，不過外表就唔夠脆◆香蕉朱古力雞蛋仔◇ HK