韓珍 (寶勒巷)

Open Now

Now Closed

生日就當然想吃一餐好的！我和男友都喜歡吃烤肉，所以他就選了韓珍這韓式燒烤的餐廳，好像是明星開的呢！愛吃肉的我們，第一眼就被這些八色珍味拼盤吸引了，就點了相對便宜的八色五花肉。吃韓菜，有大量前菜是指定動作。清爽的、酸酸的都有，非常配合燒肉。既有生菜，醬料的種類又多，可搭出多種食法。烤肉前先喝個人蔘雞湯來補一補身。原隻雞煲的超軟，軟得連骨也能咬溶，到底煮了多久才能軟成這樣！肉也是柔軟的，一點也不粗糙。湯溫和清甜，加上釀米，其實都頗飽肚！原來叫珍味拼盤會送蛋餅呢！熱騰騰上桌，蛋鬆軟幼滑，不錯呢。重點八色五花肉，八款滋味各一卷，雖然看起來好像不多肉，不過在燒的時候就知道真的很多肉了！近鏡一下，八款味道分別是蒜蓉、人蔘、黑椒、咖喱、香草、大醬、辣椒醬和日式燒汁。某些看起來已很明確是哪款味道了。爐的大小夠每次烤兩卷，每一卷都頗長，要剪一半才能燒。每份都調味十足，愈吃愈惹味呢！尤其辣椒醬味和咖喱味是我最喜歡的，味道很香又濃郁。黑椒味會比較刺激，因為整片肉都佈滿黑椒粒啊！差不多烤熟時再把肉剪成小片，再烤熟為止才可以吃。除了直接吃，感受香脆脂肪層外，也可放到生菜上，加上想用的醬汁、蒜片或其他配料，包起來

好耐無食過韓式燒肉，香港有好多選擇，有平有貴，豐儉由人今次聽咗朋友推介，韓珍係佢極力推薦，啲肉係靚，唔係側重調味，本身肉質已經係好高班，咁約到個時間就一於嚟驗證下真偽一落完單店員已經好快安排好所有前菜同配料，泡菜味道偏辣，唔錯，另有雞髀菇，清清地幾好呢度啲生啤價錢都不錯我飲stella 500mL HKD55 幾抵飲，配住燒肉一流特級牛肋骨(後) HKD280、五花肉（前）HKD130牛肋骨牛味幾重，攤開都幾長一片，剪開四個人分都每人分到三片五花肉充滿驚喜，肉香十足，啲肥膏燒過之後會比較爽口，咬落去爆汁但唔會覺得肥膩燒到四面金黃點少少辣醬包入生菜度真係人間極品除咗佢跟餐送嗰兩碗生菜我地仲另加咗六碗生菜（HKD10/碗)，真係昇華咗成個食感八色五花肉HKD530呢八舊肥嘢由左至右前至後分別係人蔘、蒜蓉、黑椒、大醬、香草、日式燒汁、咖哩同辣椒醬肉質都係同上，如果唔出意外嘅俾多啲心機燒，燒熟同外面少少脆已經好好食特別鐘意香草同咖哩，好出色跟餐會有呢個蛋餅送，免費嘅都做得咁好食，值得一讚燒少少海鮮🤤 帶子(HKD170)大家都鐘意，好鮮味同大隻🤪 燒到個表面乾乾地就okay人人都愛嘅牛脷 唔太

今日係happy Friday 就約咗朋友嚟尖沙咀食韓燒飲酒chill下。今次我哋搵左呢一間位於寶勒巷嘅韓珍，我哋約咗8:00一上到去爆曬場勁多人一入到去就見到好多韓星嘅poster，而且服務生大部份都係韓國人。連啲擺設同裝修都非常韓國風！🇰🇷店員好快手咁安排左我哋坐底👏🏻，佢每一個燒爐都有一個天花吸管抽風🌪，而且座位尚算闊落，每張枱之間都有啲空位可以擺嘢。👍🏻不過如果可以有一個盒可以收袋會更加好，因為唔使怕吸到啲味！🥺一睇餐牌見到佢都有好多嘢食，除咗有烤肉之外，仲有好多韓式食品，例如有炸雞🍗，海鮮煎餅，醬油蟹🦀，冷麵等等。但由於我哋今次得兩丁友，所以我係點返烤肉就夠！我地點左一個餐廳推介嘅八色五花肉🐽，佢係用五花肉卷成一朵花🌸嘅形狀有八種口味，人蔘，日式醬汁，咖喱，蒜蓉，香草，辣椒，黑椒同大醬！點完就例牌韓國嘢就即刻有好多特色小食，佢哋都好充足有泡菜，酸蘿蔔，沙律，昆布等等，店員話唔夠食仲可以再添，全部都等你先開胃！大約過咗5分鐘就上菜，店員會好好服務！先幫你開着個爐🔥，再用豬油揸灑整個烤爐，防止燒焦，佢仲幫我地燒埋添！店員仲教我地先由比較淺味道嘅食一路食到最濃，先至可以突出每一種口

今晚同朋友去食韓燒，餐廳有好多韓星相/海報，特色推介有八色燒肉套餐，除了八款口味的五花肉，還有五花肉配豬肉或牛肉，價錢由$538-698，亦有海鮮、炸雞、韓國菜式，如人參雞、煎餅、水冷麵、石鍋飯、拉麵等等。餐廳環境十分寬闊，坐得舒適，燒肉爐上的抽油煙夠強勁，吸走好多燒肉餘味，食完燒肉都唔會一身味。沙律及前菜泡菜超多款，都是免費附送。沙律清爽脆口，泡菜微辣帶酸，好適合港人口味。仲有醃洋蔥及菇、少有的蔥泡菜、醃生菜、醃香蘿蔔片、辣椒蔥絲……全部都好夾燒肉。八色五花肉 $538，套餐適合2-3人食，有八款醃到入味的五花肉，可一次品嚐八種口味，超滿足。店員好細心，幫我地燒肉，先燒味道偏淡的味道，人參及蒜蓉，燒得好靚，脂肪燒到閃閃發光同埋好香。人參味突出，微甘又入味，估唔到人參都夾到燒肉，感覺好補身。蒜蓉味較清淡，唔會好重味，食完唔怕個口大味，有蒜香得來又食到五花肉的豬味。套餐仲有生菜，可用來夾燒肉、泡菜、醃菜等，味道更清爽，又可解五花肉的油膩，可以食多點。之後燒大醬味及日本燒汁味。前者味道較濃，有大醬的豆香同濃味，咸度高左，所以不用沾醬都好味，而且大醬令肉更惹味。日本燒汁味道都較重，同樣醃得入

朋友昨天從韓國回來約我比手信我，我就順便約她食晚飯，這個哈韓族朋友，每個月都會飛一轉韓國，對韓國K-pop、韓星、文化、飲食等都非常講究，她建議到位於尖沙咀寶勒行的韓珍食八色燒五花腩，我就一於相信朋友的專業推介。韓珍的環境開揚，抽風系統做得不錯，韓燒完行出門口都無味。餐點選擇有好多，烤肉、醬蟹、鐵板、炸雞、煎餅、白切肉、鍋物、粉麵等等一應俱全。坐下不久，店員就送上色彩繽紛的前菜、生菜和醬汁等。之後再送上煎芝士蛋餅，在鍋底的煎蛋餅好焦脆，好有風味。煎蛋內有少許芝士，令整個蛋餅變得更滑更濃香。此行目的之一，就是食八色五花肉。八色五花肉包括有人蔘、黑椒、日式燒汁、大醬、辣椒醬、香草、咖喱和蒜蓉味。店員細心地幫我們一片片地燒烤，將五花肉表面燒烤至金黃色帶微脆之餘，內裏仍然好多肉汁。每款味道各有特色，個人最鐘意食辣辣哋的辣椒醬味和有淡淡清香的人蔘味。還叫了發酵人蔘雞湯，人蔘雞湯原煲上熱辣辣，人蔘味道甘甜濃郁，裏面還有少量人蔘、糯米等。最後叫了一碗辛拉麵，味道與自己煮的味道真的有很大分別，這裏煮得的辛辣味道好有層次，麵又爽又滑，明明都叫做辛拉麵，還是這裏煮得好味得多。

今日同朋友試了這間韓國餐廳，聽說是韓國人開的。餐廳位於一橦大廈的一樓。位置都顯然易見。餐廳十分之大，而且十分闊落，店員都很多。但我見來這多的是韓國人，而且店員都是講韓放文/英文。點了一個八色五花肉＄538。一個辛辣麵$68，同一個牛肉石碗拌飯$118。店員上菜速度十分快，很快就上了很多拌菜。如：韓國泡菜，酸蘿蔔片等。之後上了一個雞蛋煎餅，雞蛋非常鬆軟，很有咬口，一口又一口的蛋香留在口中。食了一會兒，之後店員就遞上辛辣麵。辛辣麵加了一個蛋，不過麵食就無咩特別，隻味同自己煮得辛辣麵差不多。牛肉石碗拌飯加了一半辣醬，之後將辣醬丶牛肉丶其他材料一齊搞拌，石碗盛載着熱騰騰的飯，所以每啖飯都會暖烘烘。而牛肉丶紅蘿蔔🥕丶白蘿蔔等材料十分之夾，拌飯十分滋味。八色五花肉有人蔘丶黑椒丶日式燒汁丶大醬丶辣椒🌶️醬丶香草丶咖哩同蒜蓉。因為店員驚我同朋友不懂燒，所以好貼心幫我們燒好了。先試了人蔘同蒜蓉味，醃製的比較淡，而肥肉部分烤得很香口。之後食了大醬同辣椒醬，幸好這兩種味道都不會感覺辣。而味道較突出是黑椒同香草，黑椒味十分濃厚。香草味濃烈，食落墻成個口都是香草芳香。最後是咖哩同日式燒汁，咖啡味很濃，但更似葡汁的

店內環境寬闊係坐得舒服既韓燒店,場內播既歌都偏向柔和抒情(太好了,太怕食韓國燒肉播K-POP,未食飽都頭痛到唔想食)雖然今晚係同老公2個人,但點既份量食飽之後覺得可以係3-4人份。我地分別點左呢到主打既八色燒肉同一個火鍋(鮮牛腸牛肚粉絲辣湯),當晚真係好幸運,我地呢份係最後一份。飲品方面,我地都係飲店內免費提供韓式粟米鬚茶,因為留意到佢既飲品價錢比出面韓式餐廳既價錢偏向貴小小。反正有粟米鬚茶提供,我地兩個覺得咁樣划算一D。主角到~$538八色五花肉,一上檯連同多種配菜比你包黎食,張檯細小小都會唔夠擺呀!賣相相當吸引,所謂八色即係由八種調味而形成既八種顏色。口味分別有人蔘、黑椒、日式燒汁、大醬、辣椒醬、香草、咖哩﹑蒜蓉味道。我個人就最鐘意辣椒醬﹑人蔘同埋蒜蓉味道。一開始自己燒,無技術可言,都容易燒燶小小,好在店員好貼心,4-5個人輪流過黎幫我地燒,佢地80%既員工都係韓國人,我想讚佢既燒肉既技術真係好,一D燒過火都無出現,又會控制個火候,除左第1,2條五花肉係我地自己燒,其他都係食懶人餐。食食下上左份蛋,正當我好懷疑,準備開口同佢講上錯檯,店員話: SET (用手指指住八色五花肉同份蛋)

哈哈 !無意中在Open Rice 內發現有新開韓燒睇見食評同D相片都唔錯於是訂位試下啦！ 晚上大約7点去到即時入座可能係平日同新開所以未係太多人見地方都整潔乾淨坐位又濶落都幾好於是即刻叫野食1)八色五花肉2)烤排骨3)粉葛拌冷麵4)蜂窩五花肉送左一個雞蛋比薩而前菜及用來包肉的生菜都係任食而且好新鮮爽口全部食物都唔錯韓藉店員會經常幫助你燒肉而且有礼另外飲了杯Soju Mojito 非常好味抵飲28蚊 !最後食完發現個身都冇燒烤味抽氣夠勁 ! 冷氣夠凍唔會食到出汗 !總結來說值得推薦給大家 !

開張到食家已經嚟咗3次, 坐得好, 用料好, 食得好舒服又唔會趕你走嘅寶勒巷新店 - 韓珍因為好掛住新村嘅八色五花肉冒名而來, 原來只係開張嘅第2日, 完全唔知道原來就係傳說中GD爸爸朋友開的韓燒鋪頭. 一打開menu, 心諗:咩料? 我冇睇錯啊嘛?泡菜湯、大醬湯全部麵食都只係35蚊!!!!!!!!! 冇錯係35蚊! 依家出去食個麵, 史上最難食嘅韓食家都要成50蚊, 其他韓食鋪頭都要70蚊以上;再睇埋drink menu, 出面一枝上80蚊嘅燒酒只係50蚊, 價格非常合理!!!集合3次試過嘅menu, 不論用料, 分量, 味道同埋價錢, 暫時係我食過香港最好食嘅一間 !蔬菜款式不多, 但眼利嘅waiter們會好快為幫你添番滿, 唔洗加錢調料同其他韓燒鋪頭差不多, 仲提供埋疑似綠茶味嘅岩鹽  招牌菜: 八色五花腩, 今次試咗人蔘、大醬、綠茶同咖哩雖然我五花肉係厚切先好食, 但依度嘅薄切非常入味, 燒上黎係脆口的, 親切嘅店長會教你由淡到濃咁食必食: 梨汁拌生牛肉紅肉生食, 本來聽見都驚嘅朋友食到停唔到口, 一黎到用生蛋、蒜泥、梨、大蔥同埋香油拌勻, 再用生菜包住一啖咬入口, 梨絲嘅爽脆