素年 (三陂坊)

Open Now

Now Closed

媽媽一向鍾意素食，母親節一於帶佢去品嘗西餐素食慶祝下。上網睇左好多食評，最後揀左素年。甫到餐廳有好多食客，我地訂左位，但因為早到左，所以都係要等陣。等待期間聽到有人想walk in 至少要等一個鐘。冇諗過平日都咁滿坐，建議有興趣的話，要提早訂位。餐廳行文青風，感覺好休閒，我地有幸坐係大枱自成一角葡式紫薯芋頭片意粉 ($88)紫薯芋頭片切到好薄，以為會好酥脆，但非也，可能俾蒸氣蒸軟左，口感麻麻地，但味道仍然係唔錯既，係天然芋頭香。意粉以葡汁煮成，味道與「合味道」咖喱味杯麵好似，不過係唔辣版。廚師放左唔少蟹爪菇，增加左口感層次。媽媽最鍾意呢款，話個汁完全唔辣，但又有點咖喱香味。芫茜意大利飯 ($88)意大利飯鋪滿芫茜，聞落芫茜味好重，香氣撲鼻，但入口味道又唔係好濃，仲有點奶味，味道唔錯，芫茜控可試！冬蔭意大利飯 ($88)賣相平平無奇，但味道相當唔錯，同冬蔭公湯味道好相似，酸酸辣辣，好開胃。意大利飯粒粒分明，好有咬口，醬汁裹住每一粒飯，一啖接一啖好快清碟。推薦！麻辣青醬墨西哥薄餅 ($128)賣相感覺好健康，厚厚一層火箭菜，苦苦甘甘。餅底由2層墨西哥薄餅組成，每層薄薄一片，口感小小脆得黎偏

差不多兩年前左右試過深水埗本店試過不可能漢堡之後 便明白為什麼客人不絕荃灣的分店位於三陂坊 需然與地鐵站有距離 但我覺得門口等位比起馬路邊舒服好多而這天很幸運 等了個五分鐘就有 =不可能漢堡包=和之前一樣 餡料非常豐富 烘過外脆內軟的包素漢堡扒厚身 肉質與牛肉相似只煮到 五成熟 可看到它變色相對真肉還是較乾身 但其實仍然有肉汁 加上芝士 涼洋蔥同火箭菜老實說和真肉漢堡幾乎無分別配番薯條 外脆內軟 =冬蔭意大利飯=西泰式Fusion料理 幾有性格西式煮法配東南亞香葉其實幾夾金不換 車厘茄 泰茄子 露筍 感覺豐富冬蔭功酸辣香口 飯粒質感也調至飽滿煙韌少少酸酸辣辣 味道上唔算濃 但吃得很過癮 配餐有伯爵茶一杯 挺解膩

最近愛上了素食, 素食一般俾人感覺都係啲油炸食物; 但自從係深水埗既素年之後,就大大對素食改觀( ´ ▽ ` ), 發現原來素食都可以咁精緻, 知道荃灣開左間素年既分店就去試下; 唔知係咪去到時間只係十二點, 所以唔使排隊就入得雖然深水埗素年係叫Years, 但原來荃灣呢間叫friends本以為分店係同深水埗果間一樣想食定食, 但荃灣呢間既餐牌係有分別香草青醬螺絲粉@88(內有羅勒/ 火箭菜/ 意大利青黃瓜/ 油漬蕃茄/ 松子仁) 螺絲粉不過不失, 青醬既味道唔算濃烈,mix埋火箭菜, 味道都算多冬蔭意大利飯@88(內有金不換/ 車厘茄/ 泰茄子/ 唐芹/ 秀珍菇) 好特別既fusion菜!!(*´∇｀*) 相比起味道無咁濃既青醬意螺絲粉, 呢個飯既冬蔭功味好出!! 雖然平時係食開醬都比較多既risotto, 但絕對唔使擔心呢個mix 左兩國口味既fusion菜會唔會怪, 因為係好match! ψ(｀∇´)ψ成碟飯唔會好乾, 食落口既飯保番留到冬蔭功味之餘仲係軟身易入口, 配埋唐芹既小菜配得一流~整體泥講, 素年既環境俾左舒適青新既感覺, 素食既fusion菜同樣令人對素食有煥然一身既

阿妹極力推介素年, 咁岩見荃灣開左分店，好近屋企，所以短時間內食左2 次。第一次用餐日期係9 月11 日(星期五晚)，咁岩限聚令放寬左,  心血來潮想WALKIN 去食晩餐,  點知原來唔BOOK 就冇位啦, 咁唯有叫外賣返去食啦，外賣仲有9 折添!MENU 食物選擇唔算太多, 最後我地點左不可能肉醬意粉、冬蔭意大利飯同黑松露芝士蕃薯條。外賣大約等15 分鍾左右就有啦! 急不及待即刻返屋企食呀! 食物包裝用紙盒, 我好鍾意, 環保D，不過D 食物就唔太保溫。先試黑松露芝士蕃薯條, 雖然返到屋企唔係第一時間食, D 蕃薯條冇咁脆，但無損薯條本身既味道。鍾意黑松露味既, 可以點埋個黑松露醬呀! 不可能肉醬意粉 - 用上素肉黎煮, 但係口感食落同真既冇分別，而個醬汁酸酸地, 調味岩岩好, 真係好好味! 唔講真係唔覺食緊素。我同老公不斷夾不斷夾, 好快就食晒啦! 冬蔭意大利飯 - 有泰國茄子, 蕃茄仔, 露筍, 香茅等黎煮, 飯個質感係好粘稠。我本身唔算食得辣, 個飯食落我覺得比起平日出面飲既冬蔭公湯辣, 越食越出汗。配料茄子, 蕃茄仔, 露筍, 好好食。不過由於之前已經食左不可能肉醬意粉同黑

好味指數😋😋😋😋😋回頭指數⭐️⭐️⭐️⭐️開心指數🤗🤗🤗🤗限聚令繼續，都係買外賣食，呢間素食店想試好耐㗎啦！嚟到發現都幾多人等位等外賣，望到店內設計簡單清新，打卡都唔錯！依家外賣自取有8折，亦都唔使加外賣盒錢，都幾抵食wor!店員有禮貌，笑容好，落單都落得開心D！戶外嘅等候地方有位坐，可以舒舒服服咁等外賣等位，落單後大概10分鐘左右就有，都算幾快！外賣係用紙袋紙盒，仲會主動問你要唔要餐具，紙袋可以重用，環保意識一流！🍴冬蔭意大利飯（$88 / 8折後$70）冬蔭公味做得好好，少少辣又夠香濃，好惹味！入口creamy，完全唔會覺得佢係素食，飯軟硬適中al dente，我自己最怕係有D餐廳煮得好淋，呢間完全唔會，食到好滿足！🍴凍伯爵茶（跟餐）茶味好香，濃淡度剛剛好，唔「鞋」，讚👍🏼