韓峰料理 (Closed)

星期六夜晚，同朋友經過大角咀搵野食，見到呢間餐廳門口個menu幾抵咁，就一於試試。.我地揀咗呢個$218 韓式二人餐前菜個大豆芽味道幾正前菜無泡菜但真係好想食，唯有另外叫一碟，正正常常2人餐終於上啦，上菜都幾快，首先無炆牛肋骨，好稔滑、一咬就開，但略嫌有啲偏甜跟住係大醬湯海鮮豆腐煲，足料、海鮮無沙，但有啲咸。最後上嘅係炒羊肉，羊肉夠「蘇」，好正，成個2人餐呢碟最好！總結呢個2人餐，超抵，晚市200幾有咁多野食，但可能個人口味問題，頭2道餸口味太重，羊肉最好。

前菜左上：茄子，冇乜特別右上：薯仔，帶甜，好食左下：泡菜，酸酸辣辣，開胃右下：豆，微帶麻辣，good牆上寫住嘅菜，韓式牛尾粉絲煲(午餐價：$50, 晚餐價：$60) 牛尾煮到好稔，湯底清得黎有牛尾味，好正，底有雜菜絲&大量粉絲海鮮泡菜豆腐粉絲煲少少辣，好惹味，海鮮有魷魚，蜆好多豆腐粒，好滑好味以上價錢係套餐價，包熱飲(茶或啡), 凍飲+$2今日係星期二，7pm入座，除左我地個枱，仲有另一枱；後尾食下食下，就多人，都8~9成滿架