沛

Open Now

Now Closed

😋今日搵食黎到深水埗, 同大家介紹一間由韓國太太親自主理嘅小店 -- 沛 MW Korean House 😍餐廳好就腳，地鐵行去都係5分鐘左右，鄰近黃金商場，店內空間唔大，大概坐到10人左右，所以都好多外賣客捧場架😎餐前會有一貫嘅韓式前菜，泡菜入味得黎又唔算太辣，芽菜就好爽口野食方面, ➡️"炸雞"梗係唔少得啦，外皮炸到金黃香脆，仲要無骨又夠嫩滑，加埋韓式甜辣醬非常惹味👍🏻另外我地叫咗個➡️"芝士煎雞蛋卷"，雞蛋卷包住瀉哂出黎嘅芝士真係好邪惡，咬落香濃蛋又夠滑，可以拉絲添😆老闆仲係上面有韓文寫咗身體健康比我地，夠哂窩心🥰 (雖然我唔識睇🤣🤣)➡️"韓式牛肉炒粉絲"就好有家常菜感覺，牛肉、蛋絲、洋蔥、冬菇及紅椒青椒絲非常足料, 火喉都岩岩好，不過少d油就更好啦😆最後仲有➡️"韓式炒年糕"，味道會偏辣，年糕咬落煙煙韌韌，非常正宗😋而呢間小店，除咗韓國啤酒仲有➡️"真露"，同朋友一黎飲返杯都唔錯架唔要酒精飲品，佢都有唔同種類嘅沙冰，而我地叫咗個➡️"蜜桃沙冰"都幾唔錯，蜜桃好出又唔會太甜，大熱天時就最岩😜🔸韓式無骨炸雞配甜辣醬 ($78 半份)🔹芝士煎雞蛋卷 ($78)🔸韓式牛肉炒粉絲 ($88)🔹韓式

位於深水埗有間韓國小店，座位只有10個，晚上來到都要等一等位～由韓國太太親自主理，主打地道親民韓式料理～入座後即送上前菜韓式泡菜及大豆芽各一份～🍗韓式無骨炸雞配甜辣醬(半份) $78炸雞即叫即烤上枱時超級熱辣辣！外層酥脆香口，鎖哂肉汁喺裡面！雞肉保持到嫩滑，而甜辣醬放喺盤子上，味道酸酸帶微辣更加開胃！🍳煎雞蛋卷芝士味 $78表面用上蕃茄汁寫上「고맙습니다」韓文意思喺謝謝意思～新鮮熱辣製作出嚟，急不及待即時夾起蛋卷，滿滿芝士爆哂出嚟🤤邪惡得嚟又幾治癒🥰　爆多芝士拉絲效果滿分，食完呢個都幾飽肚🤣🍲辣海鮮豆腐湯 配飯 $88味道帶開胃的微辣，個湯裡面有大量蜆肉、蝦肉、豆腐、翠玉瓜，仲有隻流心蛋🥚店員叮囑一定要喺湯裡面撈，可以令到個湯更加滑溜～有個湯飲吓好舒服～🍘炸紫菜粉絲卷 $78外層超酥脆，紫菜硬硬的，裡面包住條條粉絲，份量都幾多😂🍶真露 $58 必點的經典韓國老牌燒酒，這支復刻版的燒酒味道較柔順，較易入口，濃度有16.9%。☕美式咖啡 $38

深水埗而家新開左好多打卡Cafe，出開黃金買啲電腦野，見倒哩間以白色同湖水綠色做主調嘅食店好靚咁，原來係一間韓國小店。佢地嘅座位唔多，全店都係得十個位。佢地嘅Menu好簡單，得一頁紙，不過蛋餅、炸雞、部隊鍋、飯卷、拌飯哩啲平時食韓國菜都會食嘅菜式都有，而且大部份都係幾十蚊有交易，仲要唔洗加一。前菜 - 有泡菜同芽菜，泡菜唔會太辣，芽菜幾清爽。芝士雞蛋卷($78) - 雞蛋卷都幾大份，有成隻前臂咁長，上面吱左好多番茄醬，雞蛋卷好嫩滑唔會煎到過晒火，入面嘅芝士有拉絲得黎係軟腍嘅，唔會好似食緊吹波膠咁，飽肚又好味。韓式無骨炸雞配甜辣醬($78/半份) - 半份炸雞都有七件，炸雞上枱時會連埋醃蘿蔔。炸雞熱辣辣，炸漿脆得黎唔會太厚太硬，中間肉質仲好juicy一啲都唔鞋口，甜辣醬以甜味為主，辣度只屬BB辣程度，都幾好食。香蕉牛奶沙冰($45) - 沙冰打得幾滑，唔會飲到冰碎，唔會太甜都飲倒香蕉味。總結，雖然只係一間小店，食物選擇亦唔多，但大路嘅韓國菜都有，蛋餅同炸雞質素怕得住韓國街嘅韓菜店，值得支持。