鴨大哥 (太古坊)

Open Now

Now Closed

老闆叫食飯第一次嚟鴨大哥，原來位置相當近便，預先訂好咗間七人房，環境和服務各方面都非常好，我哋點咗個商務午市精緻套餐，食物味道令人非常滿意，先嚟海鮮魚肚羹大家開胃，跟住享用黑土豬叉燒同點心拼盤，然後半隻北京烤鴨，睇落有一隻而且配菜材料十足，已經感覺半飽，再嚟蒜子上湯時菜（十分好味），最後鴨大哥砂鍋炒飯真材實料，都唔使叫甜品。餐廳有最低消費，每位$398（4位起），相比隣近會員制午餐稍為便宜，實在令人盡興而歸。

接朋友係太古坊放工原來開了一間鴨大哥裡面坐得十分舒服， 環境好闊落 ，完全吾會迫。除左晚市小茶，海鮮，烤鴨，其實仲有點心架今日得兩個人 所以就叫了 北京烤鴨（半隻)Half Peking Duck先講講個鴨，外皮超脆。而且帶濃濃鴨香。新鮮趁熱鮮，夾著青瓜 大蔥 冇得輸。而且額外提供了麻醬，仲有比較特別就係黑糖，沾糖食烤鴨真係比較特別。梅子荔芋鴨煲Boneless Duck with Taro and Plum Sauce梅子味好重，鴨件加上荔芋好重芋頭，而芋頭在底鋪墊 吸曬香濃鴨味及梅子醬味，而鴨件香又滑，配飯吾錯麥香黃金蝦Fried Prawns in Salted Egg Yolk with Corn Flakes金莎咸蛋黃固然好正咸香味帶入蝦球。而上面沾左粟米片，令佢有種脆卜卜既口感係上面，佢同時沾滿左蛋黃。