牧羊少年咖啡館 (K11購物藝術館)

Open Now

Now Closed

喺K11揾嘢食當然要去賣飛佛嘅牧羊少年🥰🥰 今次同兩個fd一齊食，叫咗一個pizza一個窩夫share🥰🍕 千島海鮮薄餅 （$138）呢個千島海鮮pizza係openrice嘅熱門菜式頭幾位，我哋就叫咗嚟試😋😋 佢係一個薄批，好脆～同千島醬嘅味好夾💕💕🧇 日落巴黎 （$108）日落巴黎係一個香蕉朱古力窩夫配兩個朱古力蛋糕，最愛朱古力嘅我好鍾意💕💕～ 窩夫熱辣辣，配埋凍嘅朱古力雪糕好正🤩🤩

疫情關係，好耐冇約朋友，難得出尖沙咀，就約咗朋友嚟呢間牧羊少年咖啡館食個下午茶，計吓偈。呢度個環境唔錯，文青feel，坐得幾舒服，好啱喺度過一個好chill嘅下午，不過呢度係有限時㗎😝兩個女仔叫咗英式早餐午餐、千島海鮮薄餅再加2杯抹茶可可朱古力。杯抹茶可可朱古力好rich，不過我嫌佢略甜，而且朱古力味同抹茶味亦唔夠突出。英式早餐午餐，蘑菇真係超juicy，而且仲濃濃嘅蘑菇味；腸個味道又啱啱好，唔會太咸；平時我好怕喺出面食嗰啲煙肉整到硬崩崩，呢度唔會有呢個情況⋯唔錯！我覺得最驚喜係呢個奇亞籽甜品，食落似椰汁西米露，最緊要係飽肚又健康！千島海鮮薄餅，呢度嘅pizza係薄批，餅邊烤得脆脆，正常水準。總括嚟講，呢度嘅食物份量好足，食物質素亦可以⋯如果行過，想搵個地方傾吓偈，食啲嘢，推介呢度。

【牧羊少年之夜】很可以的一晚！突發約食飯，無見一排當然要應約，最後由友人們揀選K11嘅牧羊少年。到場等咗約半小時，就能進入散發文青味道嘅牧羊少年。閒話少說。夜已深，大家都放工都極其肚餓，於是二話不說瘋狂點嘢食，叫咗「三文魚籽和風蜆肉意大利粉」、「小食拼盤」、「魚湯輕炒西蘭花」、 「香草醬雞肉蘆筍意粉」、「京都春日士多啤利窩夫配雲呢拿雪糕」、「千島海鮮薄餅 」；而嘢飲方面，我就叫 「冰伯爵茶咖啡」。經過一場人類單方面撕殺美食後，大家飽到上心口。呢間牧羊少年感覺上比其他方地嘅好食，雖然鋪位面積唔大又有啲難搵，但呢晚的確係感覺十分唔錯嘅一晚！「三文魚籽和風蜆肉意大利粉」三文魚籽同蜆肉嘅量唔算多，不過個汁整得幾好，意粉硬度適中，可一試。「小食拼盤」味道普普通通，唔算特出，不過啲嘢夠大件，而且款類多。「魚湯輕炒西蘭花」西蘭花除咗吸滿哂魚湯嘅味道外，仲有濃濃嘅牛油味，有驚喜。 「冰伯爵茶咖啡」濃郁伯爵茶味道遮蓋咖啡嘅苦澀味道，有層次又有性格嘅咖啡，有驚喜！ 「香草醬雞肉蘆筍意粉」好香嘅香草醬，而且加咗橄欖油嚟整，意粉硬度適中，有2大條蘆筍，不過雞就唔多覺，整體OK。「京都春日士多啤利窩夫配雲呢拿雪

點左四款食物：明太子鮮蝦意大利粉、珍寶雜扒大會、千島海鮮薄餅、鮮湯輕炒西蘭花。明太子鮮蝦意大利粉蝦肉彈牙爽口，味道鮮甜。明太子醬辣辣地好開胃，配上魚子既咸香，非常好食。意粉煮得剛剛好，彈牙唔乾。珍寶雜扒大會魚柳炸得剛好，脆身魚質嫩滑。薯角香脆不乾。豬扒肉質嫩滑。雞扒普通。千島海鮮薄餅薄餅係薄身，餅邊烤得脆。千島醬簡直係pizza既絕配。不過pizza上既蝦肉、蟹柳等略嫌無味，只得醬汁既味道。鮮湯輕炒西蘭花西蘭花有少少硬身，味道清甜還好。松子濃郁既味道加上木魚既香非常夾。