小王牛肉麵 (Closed)

話說早幾日已經食過一次，覺得幾好味，仲送咗張coupon，所以今日帶老公來再食。台灣牛肉麵一直都係我心頭好，呢間可以話係我喺香港食過最好味嘅台灣牛肉麵， 原來佢係米之蓮推介。原汁牛肉麵$56 （5/5 stars)牛肉很淋但唔會一夾就散，而且很入味，肉和脂肪的比例剛剛好。麵有得揀粗麵或幼麵，我揀咗粗麵，係好似刀削麵咁，有咬口。最出色的地方係個湯底，很濃味，不太咸，特別之處係有少少似肉骨茶味，不知是否有藥材，但很香。半筋半腩麵，即係有兩件牛筋兩件牛腩。用coupon送的鹽酥雞（原價$29）（4/5 stars) 很香口，不太油，但個人認為咸左少少，如果落少d椒鹽會好d。朱古力雪香$25 （4/5 stars) 入面有d chewy嘅粒粒，唔太甜，食完麵飲杯凍嘢超爽！

小王牛肉麵，遠近馳名，終於.....比我等到佢黎到港島區喇!!!!仲要係銅記!!!!!同朋友試左幾樣野，牛肉麵，今次食個樣唔多靚，不過味道一樣好....可能係我食過最好食既牛肉麵!呢個排骨其實我唔想嗌, 心諗點都唔會好食過香港既生炒排骨架喇~但係朋友話要試....唔通話唔好咩~點知呢度個台式黑醋骨食落比生炒排骨更惹味喎....呢個酒釀蝦真係無得頂.....酸酸甜甜咁真係令人食到好開胃!希望係港島區有多D 分店啦....最好係灣仔/香港仔