Grab & Go

Open Now

Now Closed

又出佐敦幫老闆跟完文件收工，攰攰地餓餓地，一個人吾想煮、又吾想堂食，最方便簡單當然又係外賣自取。路過見到呢間cafe ， 只有兩張高椅供客人短暫休息、飲杯咖啡。小店以外賣為主，發現店員是尼泊爾人主理，所以好奇睇下仲有的乜嘢食。Cafe 主要提供咖啡、有三文治、蛋糕輕食，居然亦有意粉，突然發現仲有我至愛尼泊爾餃子（momo），吾使諗即㸃，呢個餃子之前食過一試難忘。MoMo {$45} - 豬肉餡料，今次呢間店做法是先蒸熟，然後再慢慢煎香餃子底，再配上2款自家製的醬汁，一個是酸辣，叧一個濃郁香料汁，很正很地道；加多個卡邦尼意粉｛$60｝，意粉更加不得了，汁超夠creamy 香濃，意粉超爽彈，混和煙肉油香，真係好味到不得了！鍾意咖啡既我，最後當然要加番杯Latte｛$31｝ 才夠完美。店鋪嘅咖啡選用高山生長嘅咖啡豆-「The Summit」，而且仲有段故事，大家有機會可以在店內看到有關介紹。嘆完杯香滑Latte ，一日嘅辛勞即刻消減不少。兩位尼泊爾店親切有禮，值得一贊！一次很開心又大滿足的用餐經驗！

路過上海街有啲餓，就試吓呢間Grab & Go。小店做外賣為主，亦有少量座位提供。仲有提供三文治同蛋糕。最近鍾意食Nachos，所以就點咗G&G墨西哥玉米片配雞肉，原來佢哋係即叫即整。上面有好多雞肉粒、蕃茄粒，仲有牛油果青醬，相當惹味。芝士薯條 Cheese Fries有勁多芝士醬，所以基本上佢做到每條都沾有芝士醬。卡邦尼意粉 Spaghetti Carbonara就充滿奶香，亦有濃郁嘅芝士味。每一份食物都係由店員用心準備，而且店員好親切有禮，令我都唔介意點多份食物支持下。原來佢嘅lunch Menu更加抵，下次要校啱時間嚟幫襯。