am.pm (譽發廣場)

Open Now

Now Closed

大隻仔今次覓食嘅店舖就係💥 am.pm 💥 自從疫情已經好少企係街邊食嘢，都真係好耐冇食過 「am.pm」，大隻仔今日經過油麻地，見到「am.pm 」做大割引，就決定快閃立食「am.pm 」。😂😂⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 原味梳乎厘班戟 Soufflé Pancakes $30「梳乎厘班戟」空氣感夠，蛋糕軟綿，但蛋味、牛油味唔太突出，奶油同楓糖漿味道都唔太夠。🔥 奶油芒果牛角包窩夫 Croffle $28比起「梳乎厘班戟」，大隻仔更加鍾意「牛角包窩夫」，將牛角包放入窩夫機加熱壓扁，牛角包夠熱就會散發出牛油香味，就會好好食，芒果粒亦夠新鮮。

作為一個唔太年輕的我，想繼續扮演一個年輕人，就當然要去年輕人的聚腳點—旺角 hea一hea。而家出旺角真要有勇氣，人多之外仲唔幾熱下。要搵好野食就更加要走過d橫街窄巷。係旺角出名唔就腳的美食呢間am.pm就數一數二。上年開始興起的梳乎厘班戟，呢間係我係香港食過性價比最高的一間。28蚊食到梳乎厘班戟，真係無可得有人可以比佢平，要走過幾多路，排幾耐都係值得。次次舖面都係有一大班人排隊食野，食飯時間黎到都閒閒地要等10分鐘以上。無聊影下個舖面，原來其他特色梳乎厘都唔算貴。等左15分鐘左右，最其代的梳乎厘到手啦！一影完呢兩幅相就立即開動，個梳乎厘焗到幾香，但入面仲保持到輕滑的效果。當然個面再做得挺身就更好。面頭的cream同糖剛好俾返個蛋香的梳乎厘適當的甜度。基本上好味到未來得切細心品嚐就黎得二啖，份梳乎厘班戟唔洗3分鐘就ko左。呢間最大缺點就係無坐位，做唔到日式好輕鬆優閒果種風味，但呢個價錢，真唔可以要求gum多。

見到雜誌介紹依架「偽美食車」有waffle、芝麻軟雪糕、雞蛋仔仲有近期大熱既梳乎厘pancake，成日喺依頭既我今日食完lunch就去左食個飯後甜品🥞本來想叫原味souffle pancake ($28) 加芝麻3.6牛乳雪糕 (+$10)，不過喺31度高溫下竟然冇雪糕店員看似比較生手，等左20分鐘終於有等食，好彩店主擺左部大風扇同太陽傘，如果唔係唔曬死都熱死。原味Souffle pancake有蛋香，加左少少whipped cream同maple syrup，唔會太甜。口感有少少似暖既日式芝士蛋糕(uncle tetsu 嗰隻)，唔會好似食左空氣咁。$28 抵食！