鋿晶館

Open Now

Now Closed

今日專登黎呢間食點心！因為前排有朋友係呢度食完話呢間既點心好出色，所以襯今日黎荃灣買野順便過黎食😋餐廳標榜點心係即製～所以要等耐少少～果然上碟熱辣辣！先黎個蝦餃同叉燒包！呢個叉燒包好正，一咬落去啲叉燒汁擁晒出黎，好多汁，小心燙親！但真係幾Juicy 😋足料！之後到呢個蝦餃，食到佢既材料都係用啲大蝦黎做，所以蝦肉既肉質好實好好食，唔係平時普通茶樓既蝦餃～🥰之後就係炸既點心！叫左個蝦春卷同咸水角，又係新鮮熱辣！燙口架～小心睇熱！🤤春卷個蝦都係用大蝦整，所以都係好好食，外層又炸到好脆，好大份，抵食！咸水角既口感好煙靭，比平時食到既口感唔同似年糕既口感，外層都係好脆～最後就係黑松露燒賣！😍呢個係我至愛，好大粒，又冇肥豬肉，好好食～ 呢度既點心兩個人黎食都岩岩好，因為有兩粒裝既點心叫～而且性價比好高，價錢唔貴，聽講個點心師傅係做過米芝連餐廳既主管lol唔怪得食落係唔同啲！真係好食好多～會再返黎食🥰

酒樓比到茶客嘅係坐好耐，唔理啲嘢好唔好食，傾計可以傾幾個鐘，所以好嘈好嘈，除非去高檔貴價酒樓，又係另一迴事。「鋿晶館」的出品係走懷舊味道的款式，絕對可以媲美以前出名的米猪連點心店。蝦餃飽滿脹卜卜，內藏兩隻鮮蝦，蝦味鮮甜。燒賣外觀不吸引，但豬肉味濃，並非味精的味道。蘿蔔腸粉，真係估佢唔到，內脆外軟，超級推薦👍。鮮蝦腐皮卷，又係估佢唔到，熱騰騰脆卜卜，內涵不多不少，超好味😋。叉燒包/珍珠雞和小籠包，不過不失。

我好鍾意食點心但係傳統酒樓通常都排好耐隊所以平時會轉戰點心茶餐廳老實講荃灣區全部試過晒都真係用嚟止痕最近見到呢間新開張入去試吓啦竟然有驚喜對我來講飲茶最緊要三樣嘢👉🏼蝦餃👉🏼腸粉👉🏼叉燒包依三樣嘢做得好其他食物就有保證當我試完之後我就同自己講終於搵到地方做飯堂啦😋😋👍🏼👍🏼除咗以上所講嘅三樣嘢仲有一樣令我心心眼😍😍嘅地方就係佢嘅燉湯對於要返工嘅我飲啖湯真係好奢侈店家好貼心設計咗一個燉湯+菜+籠仔飯套餐我自己就好鍾意個蟲草花螺片燉雞湯同埋都見到好多人午飯時間叫籠仔飯套餐所以我估應該幾高質仲有一樣野睇到店家嘅細心佢哋沖茶嘅壺係銅壺雖然比一般茶壺重但係我食完一餐飯啲水都仲係熱嘅證明保溫功能好好👍🏼👍🏼可能仲係初初開業所以樓面有啲混亂 有時仲會漏單 這是唯一美中不足的希望之後會有改善啦❤️❤️