台灣館 (Closed)

又食台灣嘢啦，但睇完餐牌發覺呢間台灣館又唔只台式咁簡單喎，連烤魚同酸菜魚都有，甚至連香港中式食肆必有嘅小炒王都有。就叫個小炒王試吓，睇吓台灣嘅小炒王有咩唔同先。😅呢碟🔪招牌小炒($82)王其實由上枱到入口，我都係搵唔到有咩台灣嘅味道，雖然如此，但唔失望嘅，因為都幾好食。韮菜花好靚無渣，仲好爽脆;其他配料仲有小炒王必有嘅腰果同蝦干、魷魚鬚、仲有冬菜(好似係😅)。味道十分濃郁惹味，送飯🍚非常適合。台灣館點可以唔食台灣餸?!我地仲叫左🐓台灣三杯雞($72)。入口有非常香嘅九層塔味道，雞肉好彈牙，配料嘅紅洋蔥好甜，整體係煮得非常入味、香濃。整晚亮點所在，亦係吸引我同朋友入嚟嘅係飲品🥤，朋友嘅椰島珍珠奶茶($27)，同我果杯草莓珍珠奶茶($27)都好好飲。 朋友話佢果杯椰子味幾香，入口唔會太甜，啱佢口味。至於我果杯，我會形容似食緊士多啤梨雪糕嘅感覺，香甜、滑溜。我同朋友都大讚嘅係灑喺面嘅胚芽好香麥味，伴著飲料進食，十分正! 整體評分係:雖然未嚐到地道台灣嘅感覺，但有驚喜，晚飯小菜可媲美大酒樓菜式，但裝修感覺比酒樓雅致得多。

難得去開得寶果頭 發現依間餐廳好多人食 就睇下食咩 雖然話台灣野 但都有好多中式菜 仲有依家好興既酸菜魚同雞煲 差唔多枱枱都有嗌😛 .▫️蒜片牛仔粒 $88我地就諗住食下小炒就算😚 都有好多款可以揀 每樣跟一個白飯～ 牛仔粒份量頗多 啖啖肉 仲肉佐燒汁去炒夠香濃同有嚼口 送飯唔錯😛.▫️台灣三杯雞 $68好有鑊氣 落佐好多洋葱炒香 好夠味鹹淡適中 送飯一流🤤.▫️香芋珍珠奶茶 +$12.5跟餐可以半價加配飲品仲落佐好多胚芽係面個香芋奶茶好有小時候既感覺🤭甜度剛好 珍珠都好彈牙 .▫️冷泡茉香綠茶 +$6連依家好流行既冷泡茶都有🙆🏼‍♀️仲有烏龍茶同玄米煎茶可以揀～帶淡淡既花香味 綠茶味偏重食完咁油膩既野飲返茶就剛好了😛.總結餐廳真係好有人氣 晚飯時間都差唔多滿座 估唔到台灣野竟然會有中菜仲要連小炒都整得好唔錯真係好岩送飯😚下次要試埋酸菜魚先得～

想推薦呢間位於九龍灣得寶商場新開既台灣館俾大家，餐廳係商場一樓，位置顯眼，晚市可以食雞煲烤魚小炒米線等等，小炒價錢不貴，而且味道十分不錯👍。台灣三杯雞 $68上台已經香氣撲鼻，飯都未上就忍唔住要試幾件🤣🤣，三杯雞的醬汁香濃，雞肉軟嫩，撈飯一流。招牌菜就係招牌菜，好耐無試過咁好食既三杯雞啦。🥰鳳梨甜酸肉 $68肉塊的滑溜帶酥脆口感，酸甜香鹹好吃又不會膩口，配菜以彩椒和洋蔥還有帶甜酸的鳳梨片，切記要趁熱才會好吃😋。台式滷水拼盤 $48呢個滷水拼盤真係抵，有齊豬耳、牛展、滷豆腐同滷蛋，咁大碟都係$48咋🥰🥰。