哈豆

Open Now

Now Closed

放工去咗觀塘嗰邊行街街， 嗰度有 OUTLET 同好多小店， 都幾多嘢行。行完就開APP搵食喇，見呢間 ［哈豆］在觀塘有 2間分店，而且價錢唔貴，我哋就去咗就近嘅成業街分店試吓。一入到去，比幅惡搞十二門徒璧畫吸引咗，喺由台灣藝人組成，相當有趣🤣另外，電視播著台灣歌手嘅歌，充滿著台灣情懷呀！ 😌 呢度啲坐位又多又闊落 （我見隔離舖都係佢哋嘅），聽著音樂，都幾 relax😌講返嘢食先：我哋點咗:🌟 台灣五寶拼盤肉燥飯 (轉套餐) $66有香腸、雞翼、豆腐、貢丸、花枝丸、蛋，同埋精華所在，就係肉燥喇! (唔止五寶) 肉燥好香，雞翼同豆腐有滷水味但又唔會好鹹，其它台式香腸，貢丸同花枝丸，用料不錯👍🏻另外還有菜脯同醃青瓜，食落口感豐富，好多餸，飯又軟熟👍🏻🌟 豐盛台灣牛肉湯麵 (轉套餐) $78除咗牛肉外，仲有貢丸同花枝丸。  牛肉係牛展嚟嘅，夠淋同入味,，仲有貢丸同花枝丸，真係夠晒豐盛呀！😁 湯底唔會話好鹹，仲有紅蘿蔔同白蘿蔔加半隻滷蛋😋上面兩碗都有條油菜，呢點真係要讚👍🏻🌟 炸物拼盤 （香腸、鹹酥雞、丸子、蝦巻、蕃薯條 ）$58呢個拼盤💯分推介👍🏻 鹹酥雞同出面的有點不同，無咁鹹但又好香口!

觀塘友又有口福啦😍今日試左成業街嘅哈豆，呢度坐得舒服食物又高質素😍仲好抵食添😋唔止有lunch，仲有咖啡同甜品等等，下午茶都多個好去處呀🥰💛＊＊＊＊＊🐮🍅豐盛牛肉鮮蕃茄湯麵 套餐 $78（牛肉、貢丸、花枝丸）🐥🍛台灣五寶拼盤肉燥飯 套餐 $66（香腸、雞翅、豆腐、貢丸、花枝丸）我同朋友叫左一個套餐同一個單點，套餐有小食、飲品、仲加左甜品，真係超豐富😆😆蕃茄牛肉麵好多餸好足料、牛肉係用左牛展，仲有丸、菜、同埋蕃茄😋麵條有彈性好味道！另外肉燥飯都有好多餸，我最愛台灣小香腸同埋豆腐😍😍肉燥唔會太鹹，送飯啱啱好，白飯仲用左好好咬口嘅珍珠米添😙🍤🍟炸物拼盤 $58 (套餐-$10)（香腸、鹹酥雞、丸子、蝦卷、蕃薯條)跟餐可以點一款小食同埋甜品都可以減$10，非常之抵，我因為想食蕃薯條又想食鹹酥雞，所以就叫左個拼盤😆同朋友share食啱晒！🍮🍨仙草芋圓配雪糕 跟餐+$38🥭🧋百香果綠茶QQ 跟餐+$12（珍珠+梛果）🍫☕️柯華田拿鐵 跟餐+$22呢度嘅芋圓好大粒好Q，好有咬口，配埋紫芋雪糕同仙草凍黎食好正🥹等我下次過黎食呢個做下午茶先得！另外柯華田Latte係出面都唔常見，佢有靚靚拉花之餘又好濃柯華

#哈豆台灣五寶拼盤肉燥飯🍚($66) 9/10首先要讚下肉燥夠撈哂成碗飯，又唔會太咸太稀，加埋酸青瓜🥒成件事唔會太heavy👍🏻五寶有雞翼、香腸、豆腐、貢丸、花枝丸，樣樣都好高質😋雞翼同豆腐🍗都滷得好入味，而貢丸同香腸勁Juicy，直頭去到爆汁Level💦 花枝丸都好掂，唔會太膠，有墨魚口感🦑仲有埋隻滷蛋，滑得黎又入味🥚珍珠豆漿紅茶 🧋(+$4) 8.5/10如果就咁豆漿紅茶唔洗加錢，$4係for加珍珠。飲落唔會太甜，而且好香豆漿味🥛，整體黎講都幾match✨Extra Comment🖍•餐廳落單流程係睇完menu之後，係枱頭有紙同筆寫餐號碼，之後拎去落單區俾錢💰

想食台灣菜就上網搵到間係工廈嘅小鋪，滷水野就更有架啦⋯⋯台灣五寶拼盤肉燥飯：我見佢餐牌樣樣都有d，滿足晒我嘅要求，點會唔叫呀⋯⋯香腸、雞翼、豆腐、貢丸、花枝丸，加埋肉燥撈飯真係冇得輸👍🏻👍🏻👍🏻鹹酥雞肉燥湯麵🍜雞件炸到一d都唔乾，咬落去口感好好，似足係台灣食嘅感覺。香濃麻醬時蔬🥬第一次用麻醬撈菜，原來好香好味，好過蠔油好多。青蛙撞奶🥤加左黑糖嘅珍奶特別好飲。百香果綠茶QQ🥤有椰果同珍珠好正，百香果唔太甜好好飲。

男友今日係觀塘剪頭髮，我收工之後就行落觀塘同佢一齊食晚飯～突然之間好想食肉燥飯😅 俾我係Openrice搵到呢間評價非常唔錯既台灣野✌️我地叫左一份台灣五寶拼盤肉燥飯便當加蝦仁捲，五香滷蛋，魚鬆肉燥時菜，甘梅薯角，同埋一杯 蜂蜜仙草加山粉圓 (我好中意啲台式飲品可以揀溫，唔駛等因為太熱飲唔到👍)拼盤肉燥飯賣相勁吸引，勁多唔同款既餸圍住啲肉燥飯😍青瓜好爽脆，酸得黎帶少少甜勁開胃～蝦仁捲同香腸都係熱辣辣😋 蝦仁捲除左有彈牙既蝦仁之外，仲有啲類似瓜既配料係裡面，口感好豐富～貢丸非常彈牙👍甘梅薯角既話梅粉俾得好豪爽😂 裡面係好甜既蕃薯，唔油膩，配話梅粉好夾👏五香滷蛋面頭嘅醬油味好突出，所以唔太食到“五香”既味道，不過個醬油幾好食，就咁食都唔會太鹹，送飯食又一流👍台灣肉鬆既口感真係特別鬆化， 入口即溶嘅感覺 ，好好食😋我試左一啖蜂蜜仙草山粉圓，飲落勁重蜂蜜味👍👍 真材實料，啲山粉圓好有咬口～套餐包主食同飲品五十零蚊就有交易，台灣菜既晚飯黎講真心抵，仲要咁好食同食完都唔口渴，一定會再黎😆

今天同事突然提出到哈豆吃lunch， 回想起都已經有一年多的時間沒有到這間台灣料理， 一於即興去食番個午餐。 我們一起點了台灣五寶拼盤肉燥飯$62， 牛肉鮮蕃茄乾拌麵$62， 台灣鹵水拼盤$42， 葉月豆漿紅茶 （跟餐）， 黑糖鮮奶茶 （跟餐價$12）。黑糖鮮奶茶～ 喜歡飲黑糖系列， 但如果鮮奶味濃一點會更加好。葉月豆漿紅茶 （跟餐）～ 豆漿紅茶味道特別， 豆漿味淡淡的再帶一陣茶香。牛肉鮮蕃茄乾拌麵～ 牛展厚切， 蕃茄醬撈麵， 味道甜甜酸酸好開胃。台灣鹵水拼盤～ 鹵水拼盤有豆腐、滷水蛋、牛展，萬巒豬腳＆雞翼， 好鍾意叫拼盤，因為可以食到唔同款， 五款全部都很入味， 最喜歡豬腳口感軟腍。台灣五寶拼盤肉燥飯～ 五寶有台灣腸、雞翼、 貢丸、花枝丸＆豆腐， 仲有送飯一流的肉燥， 非常豐富。香港人很喜歡吃台灣菜， 當然我也不例外， 幸好觀塘區有這間價錢貼地的台灣餐廳。

遇然間去接朋友放工，俾蕃薯妹發現咗觀塘工廈入面有間簡樸風格嘅台灣食店偷偷地瞄一下店內裝潢，發現裝潢雖然簡樸，但係有濃濃嘅台灣古早味，復古風結合電影主題擺設，引起咗蕃薯妹嘅好奇心，一於拉埋朋友入去試試佢呢兩張台灣舊電影海報一直吸引我嘅視線～諗好食乜，食客需要自行填寫落單紙再遞俾店主。台灣五寶拼盤肉燥飯 $58 / 套餐$62肉燥醬好充足，啱曬蕃薯妹呢個撈汁怪五寶有花枝丸、貢丸、滷水雞翼、滷豆腐、台灣小香腸，仲有半隻滷蛋。好豐富，味道同響台灣夜市食到嘅差唔多～ 豐盛台灣牛肉湯麵 $68 / 套餐$72朋友食牛肉麵，豐盛版都有花枝丸、貢丸同埋滷蛋，佢話麵唔會過淋，湯底同牛肉都十足十台北小店風味。台灣滷水拼盤 $42滷水拼盤有滷蛋、豆腐、豬手、牛肉、雞翼，好味！豬手已經去骨，唔肥膩有咬口梅子綠茶山粉圓 $20 / 套餐+$8青蛙撞奶 $30 / 套餐+$18青蛙撞奶我選擇咗少冰、少糖，非常好飲！呢度由裝修擺設到食物款式味道，都十足十台灣風味如果懷念去台灣旅行嘅日子，近近地就可以嚟食下台灣嘢啦