八焼鳥屋 (Closed)

猿尾於網上看到這餐廳，便提議我們晚上在這用膳。當天是星期六，我下午才致電預約當晚用膳，竟然還有位置。這裏氣氛暗暗的，有點西式酒吧的感覺。桌子感覺乾淨，但到點完菜後，侍應還沒有給我們水。最後要我們主動要求，他們才送上一杯水。幸好我不介意分享。這裡食物選擇很多，因此，我主要從他食家建議的食物中選擇。 沙律感覺新鮮，裏面有什麼我也也不完全記得。配上一個鹹的醬，口味獨特。這是我在這餐廳裏最欣賞的一道菜，也是最特別的一道。芝士與豆腐結合，口感和味道一流。最重要的是上面的一點點芥末，令整道菜式味道相當獨特！威化口感與味道蓋過了主角。令裡面食物的味道不能夠突出。 好看，但味道一般。 牛肉質感質味道比預期差。用了和牛的名，但只有一般牛的實力。脂肪比例不夠多。這算是一間不錯的餐廳，能吃到刺身壽司以外的日本料理。

呢間係我食過最正既日本餐廳，(限香港lol)當然價值方面都係有番咁上下 haha, 但絕對係回味同埋成日心思思又想去食YAYAKIYA 呢間餐廳一入去就覺得好似好高級既咁，氣氛環境比足滿分 推介既食物：自家製和風芝士豆腐 $28北海道海膽卷 $128和牛壽喜燒串(跟蛋黃) $55A4鹿兒島和牛串 $65我同朋友一入到去落單就叫左 自家製和風芝士豆腐 $28, 第1,2,3口其實係覺得麻麻地 因為我地以為呢個係開胃頭盤haha, 但其實佢感覺好似甜點, 就愈食愈鐘意因為佢cheese味都幾濃,芝士愛好者記得要叫呢個! 然後 我地叫左北海道海膽卷同牛油果三文魚卷一齊上。牛油果三文魚卷味道冇咩驚喜不過質素有保證! 反而我唔太愛好海膽，又覺得個海膽卷幾唔錯。 我地另外再叫左木魚飯團 但味道一般所以唔推。最後個A5和牛串好正同埋全餐廳最有特色(咁我地又冇成間餐廳冒野食都叫哂haha)簡直係壽喜燒串，下次黎一定會至少叫3,4串haha 因為佢既燒汁好好食，肉汁又好鮮甜我地都叫左白燒幔魚 $48，但都係唔係話好有驚喜所以唔推Overall, 有咩生日一大班朋友gathering, 舊朋友見面或者f

當日午市時份來到，整條街都人煙稀少，這裡人亦不多，大慨到晚上會比較旺場。我們三人，其中一份點了午市套餐，其餘都是散點的。午市套餐中，選了這首創獨家的兩度免治和牛漢堡扒！兩度免治就是將牛肉在製成漢堡扒前，攪碎兩次，令肉更細，這樣漢堡扒的口感就更細緻！用料是100%鹿兒島和牛，特別肥美多汁，脂香與牛味並重！扒身原是5成熟，食客更可按個人喜好，在旁邊凸出來的鐵石上再「咋咋」聲的烤熟，重烤過後，外層成脆皮，口感更上一層！醬汁方面，可選和風、大蒜、咖哩或照燒，照燒汁會較濃稠，略為蓋過牛味，反而和風汁酸酸的更提味，大蒜會較清，而咖哩則既香又惹味。餐配白飯及沙律，非常飽足！起初店員力薦這燒雞翼，我還不相信他，半推半就下試試。誰知雞翼即使不連尖，亦比手掌大！超級肥大厚肉，皮燒得金黃香脆，咬下去肉汁橫濺，香腴肉嫩！果然是燒雞翼，我鐘意食！更要指明是這裡的雞翼特別鐘意！燒豆腐的名字旁邊有推介字樣，所以就試試。起初見它的賣相，真想不到為何是店家推介。誰知一咬下去，汁液四濺，JUICY得很！！！！很不錯！底下的蔬菜盆，是供店員每奉上串燒都放上面的，當然也可邊吃串燒邊吃菜來解解膩。另一串燒是豚肉包着露筍，露筍多

跟朋友去尖沙咀食野去到門口覺得咁似酒吧既原來入面又有得食又有得飲出名係生蠔同埋串燒入到去都好多座位，另有吧枱比人飲酒野飲揀左Sake cucumber mojito$88同Asahi $68Sake cucumber mojito好勁青瓜味酒味唔算好濃，好易入口飲落都幾清新見到生蠔真係覺得好吸引所以每人叫左2隻生蠔生蠔都有4個品種 我地揀左厚岸北海道同昆布森北海道$62/隻全部都好大隻好足料第一款我地揀sashimi配粉紅色岩鹽，檸檬生蠔好肥美呢種食法完全帶出生蠔的新鮮另一款我地配ShooterShooter係香辣蕃茄醬個造型真係不得了，引起隔離枱追問到底呢盆係咩黎食落都好特別，同埋昆布森好creamy辣汁加蕃茄同生蠔好配2樣食法都好新鮮好好食，2種不同感覺佢另外有個餐牌係每日推介串燒帶子蛋黃醬 $48係用頂級帶子燒出黎，粒帶子超大粒3個share黎食都得而蛋黃醬配帶子好好味串燒鵝肝煙肉 $58外層煙肉少少脆，鵝肝入口即溶呢個就係好多人推薦既海膽威化壽司 $48威化盒內放了經調味既飯加上海膽同蟹籽咬落威化好脆，海膽鮮甜，好特別既食法完全唔洗點醬已經好好食北海道海膽卷 $128壽司放成花

由於在尖東上班的原故，常常留意到附近有新店開張，這次選了一直想試試的Yayakiya，看它的門面就知道不是傳統的日本菜，反而是走型格路線，吸引不少年青的食客，這夜就已經全場爆滿（只是平日放工時間）甫坐下首先感覺音樂聲比較強勁，較適合Happy Hour喝杯酒消遣一下，但到了９點店方就會將燈光調暗，更有氣氛先看過餐牌，菜色選擇很多，讓我們４人研究了一番，先點了一些：燒明太子：一客切開５件與青瓜梅花間竹送上，明太子表面燒得香脆，但內裡的魚春仍然軟林林，入口粒粒分明，與青瓜的爽脆是相得益彰啊，這個可以Encore哦！岩蝦天婦羅：接著是送啤酒一流的蝦天婦羅，炸得香脆的蝦天婦羅，加上表面灑上的咖哩粉更惹味，記得吃前先將咖哩粉徹底拌勻才不會過咸啊枝豆薯仔餅：有人很愛吃枝豆，點這個就「合晒河車」喇，將枝豆打成蓉加上薯蓉，搓成一團再炸得香脆，下酒的食物最緊要就是要香口，Happy Hour的話點這三款已經是Perfect Match了北海道海膽卷：重點當然是海膽吧，不新鮮的海膽在香港是領教了不少，初初點這個的時候感覺是有點搏的，畢竟$128吃青瓜卷的話心裡是會不太舒服的，幸好海膽沒有臭味，反而有些少甜

訂左位晚上6點和朋友入座，試下呢間望落好正宗既日本串燒，店員推介即開生蠔的，但朋友怕食生冷野無叫，咁就食番主力既串燒啦，落完單店員就上左一盤和風汁椰菜沙律，心諗我都無叫，原來話正宗博多串燒會跟一盤椰菜沙律，可以減輕油膩感，好爽脆，正。燒明太子是醃制過的明太子，味道濃厚偏咸，所以襯番青瓜一齊食都唔錯。芒果橙汁桑梅汁特飲有新鮮橙肉，唔太甜，配串燒食唔錯串燒方面叫左蘆筍豚肉, 大蔥雞肉, 燒白鰻魚, 和牛壽喜燒, 用料很新鮮, 燒得剛剛好, 保留到肉汁, 比較特別是和牛壽喜燒, 朋友食完說入面的蔬菜很好味, 但係我食個舊就係包腐皮, 原來叫壽喜燒串係指和牛包住壽喜燒火鍋常用配料, 唔單單指壽喜燒汁, 仲有蛋黃汁跟埋可以點, 真係好貼題跟住係今日主角海膽三文治, 海膽鮮甜, 配蟹籽, 炒飯, 夾住有d咸咸地似蝦餅既威化, 咬落去好有層次, 好特別明太子烏冬, 面質夠滑夠煙un, 面頭有紫蘇葉碎, 加左鰹魚冷面汁, 本身已經有好多明太子, 但係我自己撈埋之前個d偏咸既燒明太子同點淨既蛋黃汁落去, 呢個係自創食法, 哈哈, 味道更上一層樓甜品選擇唔多, 但夠日本風味, 呢個黃豆粉同綠茶粉蕨餅就夠唒

呢間餐廳周圍都係d名人既圖畫，幾得意先嗌野飲，呢杯Mango Juice真係出乎意料，本身以為佢會係出面帶d假芒果味既果汁，但呢杯竟然可以飲到真芒果味，感覺似食緊芒果咁Yayakiya招牌兩度免治和牛漢堡($118)呢個和牛係100％鹿兒島和牛，一般免治牛肉係一度免治，姐係將牛肉攪爛一次，呢個兩度就攪兩次，牛肉出黎更加香口同滑嫩食之前夾起一細舊，放係呢個小小既鐵板上面煎香佢，鎖緊肉汁，點埋個燒汁再食，肉質好稔而且食到好香既牛味，相當唔錯日式咖哩雞飯($75)，睇落好似吉列豬扒哈哈，食落去個雞扒好滑，而且個粉唔會話好厚，仲好juicy，咖哩唔係辣果隻，撈飯食最岩啦海膽威化壽司($48)，呢個樣應該唔陌生，成日都見到人影佢！威化壽司好特點，好似一個盒裝住唔同既野食，入面有海膽同魚子，飯係撈左菇，更加香口食果時要夾番埋佢，一啖咬落去，唔可以影相太耐，如果唔係個威化會稔，外面脆脆既口感配埋海膽壽司既質感好特別，唔知點解會諗到呢個配搭，食落唔奇怪，海膽味慢慢溶，食到海水咸味，好新鮮明太子黑豚腩卷串($28)，呢間一定要食串燒，即叫即燒，呢個係黑豚腩係最外層，入面係紫蘇葉包住明太子，黑豚腩唔會過油

日本居酒屋小食和西班牙酒吧Tapas, 性質上很相類似，兩者都是筆者所好。但若是必定要為它們分個高下，還是居酒屋小食稍勝。嗯，就似鑽石和黄金，身為女性總會偏愛鑽石吧。是晚和TJ來到尖沙咀的Yayakiya 吃鑽石，噢不，是吃博多串燒。嚴格來說，串燒和居酒屋小食是兩回事，但既然兩者都是佐酒良品，yayakiya又是兩者兼售，就不要執拗了。主打博多串燒的Yayakiya原來和位處荔枝角、主打沖繩料理的 鵜舞 屬同一集團。記得鵜舞的食物都很好吃，由其是那一道巨大的阿波尾雞翼，肉嫩多汁，啖啖肉的，讓人銷魂。那, 究竟甚麼是博多串燒呢? 平時我們在香港見得多的燒鳥店Yakitori是關東風味的, 主要就是吃「鳥」, 即雞肉。而位於九州的博多HAKATA, 卻流行以豬肉作串燒, 作風大大的不同。虧我之前一直以為博多的名物只有博多拉麵(我的摯愛), 也顯得太孤陋寡聞了。先要了杯Asahi才揀吃的。這裡賣的是支裝啤酒，不過會為客人倒入冰杯之內方便享用。酒牌之上還有大量的威士己、氈酒等等，林林總總的。反而非酒精類的選擇就相當少。觀乎TJ所揀的mango mania, 樣子卻又相當不俗。Yayakiya的

串燒吃過很多，居酒屋亦去過不少，有些印象深刻的會去完再去，有些卻完全不記得自己去過。就好像愛情一樣，總有些舊愛就算過了十年都令你念念不忘，但可能又有些甚至睡過覺，一轉過頭卻連名字也想不起來，人始終喜歡有趣的事物，要叫人掛念就要做一點獨特的行為吧！這晚下著大雨，來到尖沙咀一間主打福岡博多風味的Yayakiya，我想就算一段時間後忘記這晚吃了什麼，或跟什麼人來，應該至少記得內裡的環境。內在掛著很多張Pop Art風格的畫作，當愛因斯坦遇到日本藝技，查利卓別靈遇見柯德利夏萍，又會否搞到關係糾纒不清？這晚準備吃很多串燒，要叫定杯啤酒，飲的當然是味道清爽的Asahi啦!先來小食，你以為是Cream? 雪糕? 其實是自家製和風芝士豆腐，將芝士拌勻豆腐，吃起來有很濃郁的芝士味，同時又不失豆腐的香滑，我非常喜歡這種幼滑的質感。串燒時間到了，奇怪，點解會把串燒放在椰菜上? 原來這就是博多風格，讓食客吃惹味的串燒時，亦可多吃蔬菜。的而且確，我就因此而吃了很多椰菜，非常爽脆，亦可要求再添加的。厚燒京都豆腐，不太像豆腐，有點像吃豆腐卜，質感煙煙韌韌，燒得頗為香口。其他串燒包括伊比利亞黑毛豬肉串、和牛壽喜燒串、