Burgerman (埃華街)

Open Now

Now Closed

呢間堂食位置比較細，行街頭風裝修風格💛💛💛我久唔久都會叫下burgerman外賣送過嚟都幾快, 有時仲有會少少折🤩今次叫咗和牛漢堡，舖頭即叫即整，送到嚟賣相同埋味道一樣咁好，薯格仲係脆同熱嘅👍🏻👍🏻👍🏻👍🏻之前都有試過其他burger，全部都冇失望👍🏻係有誠意嘅漢堡💛💛💛可以成日encore😃依家好多店每次食嘅質素都唔同, 難得佢每一次都可以保持水準，支持支持💛💛

Burger Time🍔大角咀其實好多隱藏嘅美食，要數到最多嘢食嘅一條街，一定係埃華街，今日有啲時間，就過黎呢邊搵食😋🍔和牛漢堡 ($82) 轉套餐(+$20)和牛漢堡好大份，漢堡扒搓得好厚，所以牛肉汁充份keep住喺漢堡扒裡面，而且食得出唔係hea搓嘅肉扒，因為肉質彈牙唔鬆散🥩估唔到嘅係佢會配上日式麻醬、豆苗，令到一個美式Burger 變到好日式，加埋Provolone Cheese 令味覺層次豐富左😋加$20配埋一個小食同汽水🥤我揀咗薯條🍟係有誠意嘅粗薯條丫🥰值得加嘅🥰店裏面嘅裝修依bar枱為主，好有美國風

講到burger冇可能唔提burgerman依間紅咗好多年每款漢堡都好似好正咁真係選擇困難症和牛漢堡 套餐$94.4 (foodpanada外賣自取價)由於今日心血來潮好想食漢堡平時好少食burger對burger要求唔高只要塊肉夠juicy 醬料夠多就得🤣依個burger 就符合到我心目中要求塊和牛夠哂厚肉多汁最欣賞係漢堡夾有少量既香菜(香菜唔係芫茜 唔洗驚😂 但唔知係咩菜 總之同成個漢堡好夾)簡直就係畫龍點睛將味道提升到另一個level另外漢堡入面仲夾咗炸洋蔥絲但洋蔥都唔係重點主要都係塊牛好多汁好重牛香味當中塊芝士已經同塊漢堡融為一體(圖中塊芝士消失咗😅)可能因為外賣自取既關係放得耐咗🙈但冇影響burger味道而漢堡包既麵包胚唔知係我再焗熱既關係定本身個包已經係咁麵包係外脆內軟但個人偏好食更鬆軟既漢堡胚Btw 整體都好好食跟餐可揀薯條/沙律配飲品我揀咗沙律份量都ok夠都幾好食幾新鮮因為加咗沙律醬感覺只要加咗沙律醬就好難會難吃🤣

去到大角咀，看到呢間小店既漢堡種類好多 十分吸引雖然店鋪唔大，但都見到有好多人購買餐牌選擇十分多，款款睇落去都好足料 當中亦有店家推薦「👍🏻」既 漢堡   岩晒我依呢有選擇困難症既人😝我係推薦漢堡當中選擇左「和牛漢堡 $82」再加$20要薯格及汽水 都幾抵食由於呢間小店座位不多 所以我選擇左外賣回家慢慢嘆。漢堡係即叫即整 大約等候10mins 「和牛漢堡」🍔 ($82)漢堡包鬆軟，有微微烘過和牛夠厚身 而且佢地既和牛係草飼120日除左主角和牛 漢堡材料仲有意大利寶伐朗芝士、炸洋蔥絲、翡翠苗同日式焙燒芝麻醬和牛味濃郁 肉汁夠juicy，炸洋蔥絲好香脆而且翡翠苗令漢堡包帶些清新口感😋整體好口感好豐富 確實唔錯👍🏻👍🏻👍🏻薯格+汽水 (套餐加$20)每塊都好大舊，炸得香脆可口 好惹味!😋

最近比食肉獸上身🤣尤其係和牛😌今個星期既第二餐和牛😎呢間「Burgerman」完全係無意中發現‼️比我昅到佢餐牌竟然有和牛呀🤩仲有飛驒牛😍價錢仲要一d都唔貴🤭收左工即刻捉埋老公去食❗️🔹和牛漢堡🍔$78 ：麵包都有烘過👍🏻食落係外脆內軟再加左少少芝麻係面層🤩味道更香主角和牛牛肉味好濃🤤肉質幼嫩，食落口的確有少少溶化既感覺🥰除左主角和牛之外，仲有炸洋蔥絲未入口已經聞到到好香🤤再配埋芝麻醬同埋芝士‼️超級邪惡😎🔹田園沙律🥗及罐裝汽水跟餐$20 ：跟餐沙律都好食👍🏻雖然係配菜但份量都好多😎最鍾意就係佢配埋蛋黃醬🥰食落好開胃🤤🔹日本飛驒牛漢堡🍔$103 ：$103就食到飛驒牛啦❗️呢個價錢邊到搵呀超級足料😍塊飛驒牛漢堡扒都幾厚身🤤食落同和牛係有唔同飛驒牛肉質更幼嫩🤩肉汁更多仲要加埋煎雞蛋🍳同埋車打芝士個口細少少都應付唔到🤣真係絕對超值‼️🔹三重芝士焗肉醬薯條🍟$58 ：呢個出到黎真係有d嚇親🤣勁勁勁勁大盤呀‼️‼️個盒仲大過一隻手🖐🏼份量超多🤩我地兩個都真係食唔晒😅芝士配肉醬呢個組合一向都係好夾所以味道絕對有保證😎拉絲就更加唔使講🥴點可能拉

大角咀的漢堡小店已經有好一段時間沒來光顧了，今天經過發現餐牌換新了，順道來看看有什麼新菜色認真一看！新餐牌有些漢堡漲價📈了至尊漢堡新餐牌至尊漢堡漲價了！從80元漲到88元，漲了10%！每次來這家漢堡店必點的漢堡，雙層牛肉配上培根生菜蛋整個超飽足。雖然跟上次吃價格有略為上漲，漢堡份量也有縮水的跡象，但美味不打折扣。肉質依然很多汁juicy，味道也非常好，搭配一旁薯格格真是完美的組合和牛漢堡牛肉厚實比起至尊的肉更多汁，搭配濃郁的芝麻風味醬汁吃起來香氣十足，非常好吃。總體而言，漢堡好好味😋，雖然漲價了😂但還是相當值得一試的漢堡小店

顧名思義，這是一間專吃漢堡包的地方。除了牛肉外，還有很多不同的種類：雞、豬、菇類，甚至軟殼都有的，種類繁多，叫人眼花瞭亂。不過還是牛的較吸引，但是這天飛驒牛售罄，只好選普通的和牛來吃了。但既然是和牛就沒有失望了。牛肉味很香很濃，放在咀邊未放入口就已經聞到了。配上磨菇汁，牛肉的味更加濃郁，味道很配合。肉質也很軟，很易入口。絕對是和牛應有的質素及表現。包經過烘焗，外層更加上芝麻，口感脆香爽，與和牛一起吃真的非常美味。整體就是叫人喜的質感和味道。

今日行經奧運站shopping，見到有一間細舖，但入面賣Burger即刻想試吓。佢個餐牌寫到必食嘅係和牛漢堡，於是我就叫咗個和牛漢堡。個fd原本想試飛驒牛漢堡同埋日本豚肉漢堡，但無哂。於是佢揀咗特級黑松露和牛漢堡。兩個漢堡味道稍有不同，一個係有黑松露醬食起嚟同和牛十分之隔夜好惹味。但係兩個漢堡都系用和牛特製，肉質柔軟而且油脂豐富，食落去淡淡油香。而且麵包鬆軟，蔬菜新鮮。特登加左個set，可揀飲品、薯格。薯格香脆、味道適中，一個字正。

上次食過 Burgerman之後，應承咗同事下次要同佢嚟😜今日終於嚟啦，我再一次忍唔住叫咗最足料嘅至尊漢堡，同事就叫咗和牛漢堡～  至尊漢堡有齊蛋、蕃茄、煙肉、雙層牛肉漢堡、芝士❤️包煎香過，漢堡包差唔多有一隻手掌咁高😮真係驚人，一入口十個滿足啊，每一啖都有豐富口感。 朋友嘅和牛漢堡配日本芝麻醬好特別，好清新，和牛入唔即溶，加埋炸洋蔥絲❤️好味到飛 薯格炸得岩岩好，香脆可口；同同事一邊使食肉獸一邊飲汽水😆坐係高枱度，好似去咗外國旅行咁😊

大角咀、深水埗都有，店鋪環境係長形的，比較窄，但冇乜人既話都唔影響，因為只會比個漢堡包吸引住！全部即叫即整！-1️⃣至尊漢堡 $88 +$20有薯格+汽水食肉獸必選，雙層芝士漢堡配炒洋蔥絲、磨菇絲、煎蛋、煙肉［滿星］⭐️⭐️⭐️⭐️⭐️‼️份量係超級大！長過我成隻手，好誇張！包補您食完之後包成日，所以一啲都唔貴！食緊個陣都大到食都覺得有困難，之後啲蛋汁仲一直滴，雖然食到好困難，但會見到咁吸引而塞落口😂漢堡好厚、好多肉汁！仲好足料，多得黎全部都好夾，好多層口感！😍😍必食！/2️⃣和牛漢堡 $78入口即溶、香煎草飼(120日)和牛漢堡配炸洋蔥絲，日式焙燒芝麻醬，意大利寶伐朗芝士［滿星］⭐️⭐️⭐️⭐️⭐️‼️依個份量雖然冇至尊咁大，但都比起一般既漢堡包大好多！和牛真係一咬就散哂，入口即溶，配埋芝麻醬、芝士，真係滿口汁！-環境：7/10服務：7/10好味指數：9/10回頭率：8.5/10

位於大角咀的隱士漢堡店已經到訪了幾次店面雖不大，但漢堡製作的用心好味每次想食漢堡都會來幫襯漢堡選擇蠻多的，價位大多在100元以內今天點了兩個漢堡招牌芝士漢堡肉質肥美，cheese 香滑順口，但之前食過的至尊漢堡還是心目中的第一名喔一旁的薯格炸的酥酥脆脆，邪惡十足，卻讓人一口接著一口，好好食招牌和牛漢堡和牛軟嫩肉身不過乾，一口咬下Juicy又滿足，內餡配上些許菜苗，解除了肉的膩，配起來恰到好處餐廳座位區總體而言漢堡味道好，食材佳，是用心經營的店家還會繼續來幫

放假要食好野朋友即刻帶我黎食高質漢堡，店舖細細間但好乾淨企理，漢堡款式有好多選擇，所有漢堡可加$20轉套餐可選配薯條或薯格或田園沙律及汽水，除左漢堡仲有意粉、沙律、小食等選擇，店員都好有禮貌幫我地落單至尊漢堡$80～人氣之選係好巨型既漢堡餡料有兩塊厚牛肉同芝士、煙肉、煎蛋、蘑菇、洋蔥、蕃茄、生菜口感非常豐富，厚厚既牛肉入口好多肉汁，份量大兩人食亦足夠，呢個價錢真心抵食！！和牛漢堡$78～必食推介漢堡入面既和牛好厚身不單止香味四溢，食落口牛味濃仲啖啖都好多肉汁配以炸洋蔥絲、芝士、有機芽菜仲有日式焙燒芝麻沙律醬一齊食就更加無得彈令人食到停唔到口香脆有皮薯條好粗身係即炸熱辣辣份量多，薯格亦炸得非常脆身

今日係大角咀放工，路過這間之前被life style Asia 評為全港10大漢堡包店的burgerman，就情不自禁入去試下。雖然餐廳冇門，但係夏天的情況下都唔會覺得太熱，餐廳亦都以吧枱形式作椅子。餐牌上任何burger都可以加$20轉餐。（薯條/薯格+汽水）我自己通常第一次去一間漢堡包店都會點最傳統的牛肉漢堡試試佢的質素。burgerman的牛肉漢堡係用左和牛，肉汁足夠豐富，餐廳加左日式焙燒芝麻沙律，所以食落冇飽膩感。薯格係即炸的，所以好香脆，配合餐廳自製的水牛城辣汁，非常美味。

今日同老公行完旺角再經奧海城行返大角咀，行到差不多返屋企覺得有點肚餓，想係附近買d野食返屋企食，但又唔想食M記，係M記條街一路直行，見到呢間漢堡包店，就試一試下我點左芝士漢堡+$20套餐要沙律佢入面個黃色汁幾好食，同個包好夾，入面都好足料，有蕃茄有菜厚身牛肉同芝士，個包烘到好鬆脆呢個和牛漢堡都唔錯（圖中加左$20套餐要薯格），但我比較喜歡芝士漢堡個汁多D,勝價比又高D，總括一定會有下次，但唔可以成日食，因為比較熱氣

今日放工後去左大角咀食和牛漢堡套餐$98，套餐包括一個和牛漢堡，可揀薯條/薯塊/沙律加一個飲品。先講店內環境，佢間鋪唔算大，但都有一邊係單人座位，另一邊有可以坐兩三個人的小高枱。此餐廳似快餐形式，先購票，店員會稍後送上餐飲。其實佢有唔少小食，但Burgerman 主打漢堡飽當然要叫漢堡啦。和牛漢堡餐（$98）單純睇價錢不算平，但真心值得依個價錢。漢堡飽有微烘過，和牛很厚很有牛味又多汁，內𥚃加上一片芝士，只是加上日式芝麻醬，伴上翡翠苗，毎一啖都要大口先咬到。套餐跟野飲我當然叫可樂啦，我本身勁鐘意薯塊因為勁香口，但依度嘅粗薯條實在太吸引，剛剛炸好又香口。