咖啡灣 (荃灣千色匯) (Closed)

新春只在年初一出動以後，初二在家休息，初三難得是情人節，一於出街揾食。之前OT試過叫外賣，送到office食物居然仲keep到又脆又口味，同事間一致好評（除了飲品）。所以今日決定攜眷親試堂食！排隊都排左半粒鐘，無得攞飛，一定要係門口排隊 全間舖長方形，一眼望晒。開揚，落地玻璃，放了些擺設營造「公主feel」（但我唔覺）。點了這炸雞，美味但薯條太多鹽，偏咸。漢堡，當然選牛，也是非常美味的。雖然望起來不大，但舊肉有厚度，食得飽的。唔敢叫飲品，寧願食完在附近買。兩碟野要$220，平貴見仁見智。

係網上見過依間cafe有杯三眼仔既飲品好吸引，又適逢係附近收工，一於決定同朋友去試下。好吸引既三眼仔綠茶鮮奶，靚到真心唔捨得飲，而且個圖案放好耐都無走樣👍🏻但係飲落去個味道就麻麻地，綠茶鮮奶主角應該係綠茶，攪拌後只有淡淡既鮮奶味，完全無綠茶既味道。而且飲品温度又唔夠熱，影張相短短幾分鐘後飲已經凍晒，連餘溫都無埋😰薯條新鮮好食，粗幼度適中，但配果兩包茄汁可以多少少。和牛漢堡塊排夠厚又juicy，好食！ 仲可以要求將漢堡切開兩份，與友人一齊分享美食。意粉有驚喜，個蘑菇忌廉汁好creamy 又濃郁，好好食。配埋適量既蘑菇同埋蜆肉，真心推介😋總括黎講，食物質素唔錯，價錢又合理，但飲品就...只係影張相打個咭都可以，味道唔好有咁大期望。

Lunch去食，好多吉位，唔洗等，仲可以坐sofa位！間舖好靚啊！有個lego轉轉摩天輪～ 餐牌設計都好靚，搞到我選擇困難症，唔知食乜好！之後見到隔離枱兩個人都食burger！個burger好靚仔！所以我都叫左個和牛burger！店員話製作需時，點知真係足足等足20分鐘～不過食完第一啖就gur返曬個包係烘脆左架！仲搽勻曬牛油！好有心機！中間塊和牛真係不得了！底面兩面加圓周都係煎到脆脆的！一切落去，d肉汁已經必出來！好好食！塊牛都幾厚身，無厄稱！真心推薦哩個Burger！仲加返蕃茄菜夾住，中和返油膩感食得出係有！誠！意！薯條就普普通通，無特別啦！

九點鐘去到唔駛等位😆😆😆Yeah!!!!一入到去環境好好精緻適合同朋友聚餐同情侶✌🏻✌🏻✌🏻去到叫咗黑松露汁蘑菇飯同和牛漢堡🤤🤤🤤d野都黎得幾快！蘑菇飯一嚟到哇咗一聲，正所謂唔食得都睇得，如果一個人食可能會有啲濟，但係如果share就OK。個蘑菇一切落去勁多汁😱😱😱😱食落好juicy，不過啲汁就有啲濟，但係好香好濃郁！建議可以一試！✌🏻另外和牛漢堡就麻麻哋，比起其他漢堡包店，因為薯條又唔夠熱吾夠脆，個漢堡裏便啲配菜又好似少咗啲🤔🤔🤔🤔不過塊漢堡就幾好味🤗都好juicy同煮到啱啱好!!!!!!!🤗🤗🤗

早排經過見開咗新食肆，主打年靑人路缐，沙律、意粉、漢堡、窩夫、拉花咖啡應該盡有，裝修格調同座位都覺舒服，於是拉埋同事響2016最後一個工作日食餐好嘅lunch3個人叫咗3個餐開心share，兩意粉+1漢堡，各包一杯普通熱飲，全部都好有水準，只係覺得價錢比較貴咗dd。～和牛漢堡外表普通，無乜驚喜，但一咬就食到牛肉好juicy，包外脆內軟，原來一d都唔平凡，亦唔會食到成手汁同油淋淋，再配埋新鮮蕃茄同洋蔥，好味值得推介～香草忌廉汁蜆肉意粉意粉煮得恰到好處，帶點煙靭感，蜆肉非常新鮮同有蜆味，忌廉汁亦做得到creamy效果而不膩～櫻花蝦明太子煙肉意粉賣相豐富又足料，味道方面比上一道意粉濃得多，亦較多種口感，櫻花蝦同明太子比較爽口，煙肉木魚絲主要帶出整碟意粉味道，鍾意有囗感同啖啖肉既人可以一試每人平均消費：HKD80