Video
Read full review
2024-07-19
3714 views
由開業一直bookmark但未找到合適時間嘗試$780 能夠提供8道菜(實質是9道）試完忍唔住大大力推介俾身邊嘅朋友係近幾個月來，食過最有驚喜嘅餐廳鍾意食牛肉嘅絕對不能錯過 餐廳叫war rooms 係取自英國首相邱吉爾嘅戰時辦公室所以部份菜式同wine pairing都聯繫左呢一個主題的啟發組成一個幾完整嘅故事同menu 手工麵包配烤牛骨髓：- 第一道菜先來一客香噴噴牛骨髓，每兩人分享一條，裡面有好多燒香骨髓+超香牛油+一些香草，配上西班牙薄麵包，吸盡油香又帶香脆感，骨髓在口腔溶化好滿足，因為都幾膩，要加粒番茄仔中和一下 雪茄生牛肉他他- 其中一個招牌，賣相打卡度極高，店家用脆春卷皮捲成雪茄形狀，再唧滿生牛肉他他，牛肉他他調味的洋蔥跟香草味都頗突出，但次序上有點怪，通常是開胃菜先吃酸度較高的，這道菜偏酸。想深一層，應該是想調和上一道菜的油膩感 朱古力牛面頰- 這道菜算是全晚較少亮點的一道菜，用上（澳洲？）和牛面頰慢煮，配上含朱古力調製嘅醬汁，加上baby carrot 平衡返個濃味，正常 乾色熟成和牛舌芯- 28日乾式熟成過，濃縮左牛味，重點係燒得恰到好處，有牛舌完美嘅口感同韌度，而
但未找到合適時間嘗試
$780 能夠提供8道菜(實質是9道）
試完忍唔住大大力推介俾身邊嘅朋友
係近幾個月來，食過最有驚喜嘅餐廳
鍾意食牛肉嘅絕對不能錯過
餐廳叫war rooms 係取自英國首相邱吉爾嘅戰時辦公室
所以部份菜式同wine pairing都聯繫左呢一個主題的啟發
組成一個幾完整嘅故事同menu
手工麵包配烤牛骨髓：
- 第一道菜先來一客香噴噴牛骨髓，每兩人分享一條，裡面有好多燒香骨髓+超香牛油+一些香草，配上西班牙薄麵包，吸盡油香又帶香脆感，骨髓在口腔溶化好滿足，因為都幾膩，要加粒番茄仔中和一下
雪茄生牛肉他他
- 其中一個招牌，賣相打卡度極高，店家用脆春卷皮捲成雪茄形狀，再唧滿生牛肉他他，牛肉他他調味的洋蔥跟香草味都頗突出，但次序上有點怪，通常是開胃菜先吃酸度較高的，這道菜偏酸。想深一層，應該是想調和上一道菜的油膩感
朱古力牛面頰
- 這道菜算是全晚較少亮點的一道菜，用上（澳洲？）和牛面頰慢煮，配上含朱古力調製嘅醬汁，加上baby carrot 平衡返個濃味，正常
乾色熟成和牛舌芯
- 28日乾式熟成過，濃縮左牛味，重點係燒得恰到好處，有牛舌完美嘅口感同韌度，而又保持到彈性，油香同肉汁，旁邊的芥末蒜粒仲再提升味道，好好味
白蘆筍配法式荷蘭醬
- 餐單安排食左一半，係時候清一清味蕾，蘆筍食落好清新，可能以高湯烹調過，唯一可惜是白蘆筍變左蘆筍，襯荷蘭醬就爭左少少
牛扒二重奏
- 已經好滿足時，食到呢一部份發現，二重奏其實係兩道菜，$780 食9道菜真係好豐富好豐富。首先上檯嘅係封門柳配炸紫蘇葉日本薑青椒，封門柳外面煎香煎得恰到好處，既品嚐到焦香感又食到封門柳嘅軟熟度，top blade 嘅flat iron 功架真係十足，輕輕沾上鹽就夠，諗返都覺得好好味
- 第二款係京都和牛，侍餐的這一個厚度剛好可以令和牛嘅油香完美呈現，大食如我都真心覺得係大滿足，仲食埋隔離位其中一件，抵我變肥婆。伴碟嘅千層薯仔先至最驚艷，問返侍應，原來用上好多心機製作，先將薯仔切薄片，再重新拼好形狀，入雪櫃定形，然後才會油炸，難怪每一層都香脆鬆化，好好好好味。另一伴碟嘅大葱都好好味，外層食大葱質感加烹調醬汁，內層食較鮮嫰較甜嘅部份。
和牛煲仔飯
- 當大家好飽嘅時候，最重量級嘅一道菜就即將上檯，侍應將gas 爐放旁邊另一小檯，煲仔內已經有生米加上西班牙肉腸，再慢慢開火烹調，當煲仔飯再上檯，生米已經煮成熟飯喇～呢個時候，生和牛粒出場！倒入煲仔飯內加入甜醬油，再冚蓋，等多幾分鐘就可以食。個飯係整晚最大亮點，和牛嘅油香溶哂落白飯，每一啖都融合左牛肉同西班牙肉腸嘅惹味，用甜醬油均衡調味過，味道層次又多左，加埋少少飯焦嘅口感，雖然飽到爆，但我地都添左飯。
番紅花香橙芒果雪葩
- 雪葩清新，用上芒果同香橙配搭好好，有效減低油膩感，番紅花都有微量，少少木香令甜度更有層次感。
總結
- 呢個moment,呢一餐真係無野可以再挑剔，強烈推介俾好鍾意食牛嘅朋友，短期內我自己都好想encode, 希望保持水準。
呢一晚嘅侍應服務真係超級好，對食物嘅認識同煮法都認知十足，專業而不失親切，仲要負責埋整煲仔飯咁全能，整個menu 設計排序都好有心思，多謝俾左咁愉快嘅用餐體驗俾我地。
雪茄生牛肉他他
123 views
0 likes
0 comments
手工麵包配烤牛骨髓
139 views
0 likes
0 comments
朱古力牛面頰
155 views
0 likes
0 comments
乾色熟成和牛舌芯
95 views
0 likes
0 comments
白蘆筍配法式荷蘭醬
103 views
0 likes
0 comments
牛扒二重奏
109 views
0 likes
0 comments
牛扒二重奏
114 views
0 likes
0 comments
和牛煲仔飯
167 views
0 likes
0 comments
和牛煲仔飯
145 views
1 likes
0 comments
番紅花香橙芒果雪葩
299 views
0 likes
0 comments
手工麵包配烤牛骨髓
356 views
0 likes
0 comments
Post
