SOYmart by 豆乳狂人

Open Now

Now Closed

好多次喺商場經過，都見到好多人係道排隊買嘢飲，一直想搵個機會試下，今次終於試到 ♡ 等我叫多幾樣嚟食下先～✎ 狂人粢飯 個人都幾鍾意食粢飯，之前試過個啲粢飯，入面啲油炸鬼都係腍腍地，而呢個入面嘅油炸鬼好脆！仲要佔成個粢飯都幾多比例下！味道都唔錯 ᵒ̴̶̷͈᷄ᗨᵒ̴̶̷͈᷅ 入面同樣有炸菜、肉鬆。個粢飯都幾大條，可以當lunch食！✎ 吉列豬扒粢蛋飯 材料有撈咗沙律醬嘅青瓜絲、玉子、吉列豬扒、炸菜同肉鬆。青瓜絲新鮮爽口、酸酸地；玉子口感軟綿、充滿蛋香味；吉列豬扒外脆內軟、帶有濃郁嘅豬扒味，整體口感豐富，味道多變，夾埋一齊食都唔會奇怪。✎ 和風七味脆皮木棉豆腐 豆腐都幾大粒，粒粒金黃，濃郁炸物香味。入面口感綿滑，略鹹。表面灑咗少少調味料，更顯惹味。✎ 多芒楊枝甘露 好大碗，好多西柚果肉，大大粒嘅芒果肉。成碗都充滿芒果香味，口感滑溜，清甜爽口～✎ 豆乳抹茶 抹茶味重，溝埋豆漿，非常鮮甜。✎ 奶蓋豆豆杯 豆味濃郁，入面有嫩滑嘅豆花，彈牙嘅珍珠同埋軟腍既芋圓，味道相當清甜。

🔸和風七味脆皮木棉豆腐 $32同樣小食都喺即叫即整。小編幾鐘意食呢款。豆腐好滑，好嫩，再配埋外皮脆卜卜，完美搭配，外脆內軟。仲有少少辣辣地，令味道唔會單一，更吸引。但買咗要快少少食，因為都幾多油，由其底個啲，好似浸咗油咁😂如果放凍咗先食會有油膱味，但熱食喺正🙈🔸黑芝麻豆乳 $32完全無糖（佢有得俾你揀另加糖），減肥都啱飲。黑芝麻味濃，有啲似好杰身嘅芝麻糊咁。小編係黑芝麻愛好者，但反而麻麻地呢款，佢有啲似用粉沖嘅芝麻糊咁😉 另外因為芝麻味濃，反而完全蓋過咗豆嘅香味，令特色失去咗😢

不含防腐劑嘅豆製品店，大人細路都食得安心。是日tea time————————————：）🌟7.6特濃豆乳 $24🌟豆乳本身微甜加附糖漿一份，密度好高嘅極濃豆味豆乳。————————————：）🌟奶蓋豆乳茶 $45🌟用7.6度豆乳混合烏龍茶加上豆乳布甸，西米，珍珠，奶蓋。另外仲有跟 🍡白玉 跟 奶蓋加黃豆粉。 奶蓋咸咸甜甜，豆乳帶少少烏龍茶味，大大粒西米，珍珠Q彈，豆乳布甸比豆花質感實在D同帶甜味，同豆乳烏龍茶好夾；白玉 🍡好有口感，好似糖不甩咁，沾上邪惡嘅奶蓋，真係好好味。————————————：）🌟滋潤之選 $45🌟2層芋泥中間夾一層養顏桃膠❤️，最頂層係桃膠+大粒西米+芋圓。芋泥幼滑，桃膠乾淨唔會有雜質，芋圓QQ, 整體唔會太甜，好食，超飽肚🤣————————————：）🌟和風七味脆皮木棉豆腐 $32🌟一盒份量好多，簿簿一層脆皮包裹木棉豆腐，加上七味粉嘅小小辣，非常好食。