升哥點心 (Closed)

禮拜六原本諗住同男友去老馮食懷舊古法千層糕，但去到等位嗰陣望張menu見唔到有，就問一問店員，原來臨近新年佢地忙住整糕所以無時間整呢樣野😫然後諗住轉場去升哥食籠仔黑糖馬拉糕，點知又冇左。。。可能因為轉咗班蘭馬拉糕，我真係黑仔到一個點😑😑不過茶位都開咗而且有啲趕時間，就冇去再搵其他餐廳😪😪老馮排隊排到嘔，但係升哥得一台客，已經覺得有啲唔對路🙈 因為以前升哥都好多人幫襯的。。。我哋叫咗四樣嘢，排名按照上菜次序：⭐蜜汁叉燒腸粉 💰2️⃣6️⃣腸粉口感算滑但係皮太厚，所以有太黏口既感覺叉燒正常，芫茜唔夠香⭐招牌流沙包 💰2️⃣4️⃣說什麼招牌流沙包。。。我地趁熱辣辣搣開但一啲都唔流🙄😑其實個餡都香蛋黃味，但係唔流嘅流沙包真係令人好失望。。。😪😪⭐鮮蝦腐皮卷 💰3️⃣0️⃣啱啱炸起腐皮好香脆，唔算油膩，但係蝦肉唔夠爽口，裏面口感太粉，有少少似落左好多粉嘅蘿蔔糕，一般般⭐和風千島醬薄餅 💰3️⃣7️⃣其實我好中意食酒樓既“薄撐”，但係呢度無，最接近應該係呢樣邊位尚算脆口，水準可以，都可算係呢度之中最好架啦對我黎講。。。🙈唔知係咪轉咗點心師傅所以差曬。。。。元朗咁多點心選擇，我諗都唔會再嚟㗎喇😞🤦

依排心思思好想食點心，估唔到最後係晚飯時間黎食點心！依間點心舖係比較新式果種，餐廳係主打Fusion點心，除此之外亦都有傳統既點心，仲有燉湯添！餐廳每日都會有唔同款既燉湯，嗌左佢既是日美顏燉湯—沙參玉竹花膠湯，材料好足，調味啱啱好唔會太鹹，飲落完全唔覺油膩，感覺好舒服！再試左佢兩款Fusion點心，泰式蟹鉗比一般坊間既大隻，咬落外皮好香脆，最驚喜係食到有蟹肉，係真既蟹肉，撈埋蝦膠口感好彈牙，值得一試！和風千島醬薄餅一上碟有少少驚訝，份量比想像中大份，薄餅有蟹柳、粟米同翠玉瓜，配埋千島醬同面頭滿滿既柴魚絲，味道好豐富！傳統點心都嗌左幾款，最有驚喜係椰香黃金糕同山竹牛肉，黃金糕用蒸既方法比一般黃金糕無咁油膩，好重椰香味，口感非常煙韌，值得推介！山竹牛肉好足料，有馬蹄同芫茜香，口感彈牙唔粉，幾有牛肉味！整體食物質素唔錯，上菜速度幾快，絕大部分點心都係十幾蚊到廿幾蚊，好抵食！絕對值得推介既點心舖！

元朗升哥點心，係近年元朗比較突出既點心鋪，無論係傳統中式點心，定係注入新派意念既fusion菜都好出色，我同朋友係附近做完gym就會心郁郁想去食😂招牌流沙包$22勁可愛有emoji😍😏係包面，蛋黃流沙好正，呢個價真心超值，熱辣辣咁出爐大家食時小心，睇熱🤤別有洞天脆皮腸$35極好食，口感太豐富，同時間又脆又軟又有粟米既甘香，再配上脆口網油，不得了😋和風千島醬薄餅$36有少少似日式大板燒，千島醬同蔬菜真係永遠既絕配，中式點心餐廳度可以食到係幾新奇～XO醬菜苗餃$28透明既菜苗餃入面仲有蝦肉，配上惹味xo醬🤤西洋菜南北杏燉豬肺$30料好足，而且豬肺係比較難打理既食材，一點腥味都無👍🏻利賓納蘆薈水晶果凍$18靚到唔捨得破壞，我地逐層花瓣食，有蘆薈感覺更清新，亦唔會太甜👍🏻