秘 (享成街)

Open Now

Now Closed

依間吉列牛舖頭荃灣同元朗都有分店，八零分數可以食到吉列牛咁當然要試吓😋所有套餐都係可以加$20轉做定食（即係加一碗白飯同沙律加汽水）另外亦都可以加多少少錢配湯。🐮板燒吉列牛-Hkd108+20吉列牛上枱先輕微炸好表面然後切件大概15件，中間配左柚子醋沙律同埋糖心蛋，另外鐵板上面先放上一舊牛嘅脂肪俾你燒一燒啲油脂令到之後冇咁痴底，大概是每面燒15秒都已經差唔多3成熟，對我黎講就岩岩好🤪🤪而且白飯上面有啲飯素同埋燒汁份量其實都好足夠，而且糖心蛋醃得好入味。🐷芝士吉列豚肉-Hkd78+20上枱有少少失望因為我以為係吉列豚肉中間夾咗塊芝士炸完之後會變流心，但原來只係吉列豚肉配左一個芝士醬，但芝士醬味道偏淡。另外個吉列豚肉炸得好乾身切件後只有一塊有少少脂肪令到件事冇咁dry，但整體食得十分之乾🤨🤨🥔和風薯條配芝士醬-Hkd32最後嗌左個薯條，粗薯條而且炸得啱啱好外脆內軟唔油有薯蓉，個芝士都係啱啱吉列芝士豚肉嘅芝士醬所以味道都一樣咁淡，不過個薯條量都幾多成餐飯食咁多炸嘢會有少少油膩。👍🏾👍🏾值得一提嘅係間舖都給細而且每台客都坐得好埋，不過抽風系統都唔錯唔會話油煙好大但點都會吸到少少油煙味

1️⃣⭐️板燒吉列牛⭐️ $108 (8/10)Classic款哩個係必點😍 完全食返東京吉列牛嘅味道💕 香港吉列牛哩個最還原到日本嘅感覺😚 如果可以厚身啲就更好👍🏻 加配咗秘之飯素 (+$18)，一啖飯一啖肉最夾😚 個飯仲要好大，男仔食一定夠飽👍🏻2️⃣⭐️秘·燒黑松露吉列牛⭐️$148 (7.5/10)🔹晚市加配定食 $38黑松露迷叫哩個就啱晒🥰 比想像中有松露味❤️ 但燒熟咗之後個味少咗🥲 朋友哩個加配定食，包咗秘之飯素、楓糖流心蛋🥚同櫻花昆布湯🌸 流心蛋幾好食，不過唔係好食到楓糖味🥺 比多$40揀黑松露cp未算最扺😗3️⃣⭐️和風薯條配芝士醬⭐️ $36 (8/10) 哩個出奇地好食😍以為係普通薯條點知薯仔味好重🍟 仲有啲飯素增添口感🥳 配埋佢個芝士醬真係食唔停🧀 重點係好多薯條，cp值好高👍🏻 📌 朋友話荃灣店好食過佐敦😳 Pooh就淨係試過荃灣店姐

果日難得山長水遠去南豐紗廠，當然要發掘一下荃灣有咩好食。朋友介紹試下秘💛，一搵發覺好吸引，有我好鐘意嘅牛呀，一於試試佢啦！​​首先講下等位先，我地係星期日去，大約七點零到，到咗門口發現幾多人喺度等位，最尾到九點先有位，建議去嘅朋友早少少或者平日去。​​板燒吉列牛定食-吉列牛已經炸至半生熟，每片牛肉每邊輕燒一兩分鐘就得，燒好嘅吉列牛外邊鬆脆，裏邊嫩滑。呢度選用安格斯牛肉，油脂都分佈得好平均，牛味十足。​​秘之飯素-珍珠米粒粒飽滿，加埋飯素同醬油，紫菜芝麻，勁香口，就算平時唔鐘意食飯嘅我都勁鐘意食。​​蒲燒原條鰻魚飯-原條鰻魚肥美又大條，一啲骨都冇，鰻魚燒得啱啱好，加上醬汁入晒味。​​炸雞翼-外脆內軟多汁，就算食到最後都保持香脆，水準好高。​​和風薯條配芝士醬-薯條實肉唔空心，灑上飯素，再點上芝士醬，而芝士醬香濃，鐘意芝士嘅朋友唔可以錯過！​

第二回食評。。。又一次舊同事聚會.. 餐廳位置近荃灣西站，荃灣廣場再行入啲，都容易找的本身諗住而家肺炎肆虐，應該出面冇乜人食野但未想到，6點頭門口既有好多人等位當日叫飛速度都算快，有職員會幫你先點餐大約等了45min才入餐廳我們大家都不太餓，就無升級做套餐反而加咗啲小食試多幾樣野食送餐先知，所有主食已配飯- 秘燒黑松露吉列牛 - $148真心大推！出面少有嘅黑松露味吉列牛夠黑松露味！外皮唔算厚，唔點醬都好食- 芝士吉列豚肉 - $78厚身豬扒，外脆內軟，入面熱辣辣放久了，再食還會出煙的芝士醬有點不夠，比較淡味啲- 板燒安格斯牛 - $108油脂分布平均，無咩根位但食到最後有點油膩- 和風薯條配芝士醬 - $32分量多，是同吉列豚肉同一個醬芝士醬有點不夠，比較淡味啲- 趣脆蝦波 - $48這個食落有驚喜，外層炸得脆之餘蝦肉質彈牙，個醬有點似加小小辣（熱浪程度），不錯整體感覺都不錯，性價比高，唔怪得知咁多人等位啦P.S.室內油煙味比較重，抽風系統不足

板燒安格斯牛 + 定食 🐂 $166 一定要加錢嗌定食先得因為白飯上面會加上飯素 🍙令到白飯更加好食 另外有流心蛋配上白飯就更一流 超好食而昆布湯清清淡淡咁令眼前濃味嘅食物沖淡，調和板燒安格斯牛係板上一燒好快就熟透配上醬汁 好快就會一件又一件咁食哂肉質雖簿但口感都不失亦唔乾肉上仲有少少黑胡椒調調味 整個口感都係滿滿牛肉鮮味燒過之後就更加好食板燒吉列牛 + 定食 🐂 $146吉列牛同安格斯牛最大分別就係牛肉外表多咗已炸好嘅粉當燒好之後放入口嘅時候會多咗一個口感就係脆 本身鎖住嘅肉汁加上炸脆外表已經係一種難以形容嘅味道真係軟硬兼施和風薯條配芝士醬 🍟 $32薯條實肉唔空心粗身同支支都長灑咗少少飯素配上芝士醬 食到唔停個胃仲有位的話 可以點埋嚟食值得一試再試每次都會笑住離開餐廳因為真係好味道 

想食古列牛好耐了，今次就為左吉列牛寫第一次OPEN RICE 記錄一下!有一次經過就俾門口既裝修吸引了，但果晚太夜啦無入去食。就上網睇下係食咩先，原來係食吉列牛今次有朋友想係荃灣食野，我二話不說就提議左呢間"秘"，滿足下自己!板燒吉列牛黎啦!雪花好均勻！炭爐板上有粒細細的牛脂肪，令吉列牛唔會痴住果板。首先，將牛脂肪塗勻鐵板。再放上吉列牛可以自己控制生熟程度，我每邊煎太約１５秒，朋友喜歡食熟Ｄ所以煎多耐少少。食落去好嫩，好易咬。大大條鰻魚飯，同ＭＥＮＵ既相係一樣。鰻魚厚身，配上木魚和濃味的醬汁。另外，加了２個小食, 價錢不貴。芝心雞丸子($38) 雞丸子上加上紫菜和芝士醬，整到好似小丸子咁好可愛!和風薯條配芝士醬($28)粗粗的薯條，加上好香既芝士醬。好似食緊芝火煱，芝士醬包實薯條。我點得太多醬既關係，最後果２條薯條唔夠醬用。

最近大熱吉列牛，見荃灣開左新舖，餐廳外觀同食物相片都吸引，就諗住去試下！鋪頭位置喺橫街入面，唔係太容易搵到。搵左一陣，終於見到，鋪頭門都幾靚，我哋去到嗰陣大約7:30pm，唔使排隊，可以即刻入去叫嘢食。本身諗住叫鋪頭入面嘅普通吉列牛，但係店員建議我哋叫黑松露吉列牛，聽完佢講咁講，我哋就諗住試吓黑松露吉列牛，因為好似比較有特色。另外，叫咗個牛肉鍋，有啲失望。嘢食嘅擺設同埋個外型都係有心機嘅，但係味到就真係差少少，得個靚字。道菜冇晒任何幻想，總括嚟講唔怕中伏嘅可以試吓。

友人介紹這兒新開張，我最鍾意留腳毛，儲印仔架喇....哈哈....我們三人六點抵達，一大個。秘。字喺門口，而入口就瑟縮在一旁，真的有探秘感覺。先在門口睇餐牌...如果個餐牌高返少少就好喇....（可能我生得太高）食物款式不算琳琅滿目，但這也足夠選擇。最緊要食到佢嘅招牌野嘛！步入店內有如探秘一樣尋找廚師嘅真身。燈光柔和，座位舒適。我們先來兩個小吃，炸軟殼蟹同埋炸芝心雞丸。軟殼蟹出奇驚喜，名符其實，因為佢特別在用左避風塘嘅煮法黎整。我唔係好食得辣都食到，恰到好處。就好似日式咖哩咁，都無其他國家咁辣。佢真係無改錯名，叫秘 風塘軟殼蟹 --日式避風塘煮法。至於芝心雞丸就很普通，我嫌丸內很少芝士，如果有爆芝又拉絲嘅感覺就好喇....我們點了招牌嘅 秘 燒黑松露吉列牛，這類吉列牛我在元朗後街都有食過，但欣賞它升呢左，混埋名貴黑松露醬炸果件牛，完全提高左個檔次！亦非常吸引人細嚐。整塊放入口，黑松露味迴盪著整個口腔，很滿足的感覺。這個套餐要加多$38，有飯素，溫泉蛋同昆布湯。再來一客芝心吉列豚肉，這塊豬扒肉嘅比例多，又有熔岩芝，很滿足！賣相十足但改善芝味要待續...接著這個牛肉鍋，真的沒甚特別，雖然吃

一班朋友歡聚晚餐，食物美味有水準，職員服務態度友善，小店誠意可加。雖然餐牌內食物選擇不多，但各款食品皆為店主精心炮製，做出非一般大眾化的和式風格，提供的飲品選擇，亦以綠茶汽水、日式薑啤等（因暫未有酒牌）配合店舖日式主題