好時沙嗲

Open Now

Now Closed

今次係第一次黎，之前佢就黎執笠同岩岩重開咁多人排隊，一路無試過。今日星期六睇完戲未夠七點就過黎睇睇，唔使等位直接入坐。得兩個人食唔到咁多野，之前睇食評串燒好似劣評如潮，避免中伏所以無揀。左揀右揀之下揀左海南雞飯、喇沙、咖哩角同牛丸粉絲湯。油飯好多人讚所以一定要試。果然，飯粒有咬口夠煙韌，粒粒分明而且帶有香料同雞油香，係全晚最精彩嘅食物。至於個雞，如果個飯係值5星，個雞我會俾1星 ，因為佢係完全無味。呢個價錢我當然唔會期望有新鮮雞，但係如果用白滷水浸點都應該吊到少少雞味出黎啩？呢個雞食落去無論係雞味同香料味都係欠奉。食完無味嘅雞跟住食番啖濃味嘅喇沙。食喇沙最緊要個湯底夠濃稠，最怕食到啲雞湯底加少少咖哩味就話自己係喇沙，呢碗完全無呢個問題，夠晒香濃，而且大大碗夠足料。$49蚊一碗，翠華魚蛋河都差唔多呢個價。出面而家食碗喇沙閒閒地都要六七十蚊，當然呢碗係無螄蚶啦，不過絕對係水準之上。之後呢碗牛丸粉絲湯又將個分數拉番低，湯底係有少少雞味嘅滾水，牛丸無牛味同唔彈牙，粉絲就超多，絕對係夠晒飽肚，如果病左想食啲清淡食物，呢碗係白粥以外嘅首選。見到隔離檯個咖哩角幾靚仔又忍唔住叫埋，新鮮熱辣炸起，大大隻

今日準備食完飯就尖東睇燈飾，揀了好時沙爹，想不到商業中心之中，有一間幾似茶餐廳的星馬餐館。首先值得一讚，出菜速度超快，不用5分鐘，就出了3碟海南雞飯---個雞油飯唔似雞油飯，但好味，海南雞好滑有雞味，最正碟豉油，甘香得嚟又唔會太咸，賣$38好抵食加多加多---大大碟夠哂菜食，個汁好好味，夠花生味巴東牛肉---"諗"得嚟，唔會散哂，個味亦都幾香濃，唯一缺點就係太少咖哩角---以$20價錢，呢個質素無得彈，熱到爆，辣度剛好肉骨茶---我嫌佢唔夠藥材味，排骨都幾諗滑，可能迎合香港人星洲蘿蔔糕---夠乾身，唔會成口油，用好多蛋去炒，不過唔夠辣，無星洲風味(又迎合香港人?)總括而言：一定會再來

男友知我對海南雞有要求, 帶我一試非常殘舊的裝修, 但非常多人叫左海南雞飯, 串燒, 排骨茶及咖哩角海南雞夠滑, D飯幾香雞油串燒一般, 有D燒得乾左排骨茶就太重味精味, 無藥材味咖哩角頁材實料, 唔錯見到好多人叫喇沙及星洲炒蘿蔔糕應該唔錯

位置比較偏僻~~商場入面原來仲靜... ( 基本上附近無鋪租出開晒檯都無人理)~~兩個人坐左係走廊~ 服務就唔洗有咩期望會好好~不過未至於好差~ 其實都係斯文有D禮貌的~可能大聲左少少喇~叫左﹕咖哩角﹕新鮮炸起﹗好脆~熱辣辣~入面洋蔥好香~ 正﹗沙爹﹕豬﹐牛﹐雞各2串.... D肉好重魚露味....普普通通.... 無咩特別...唔太好食....個汁都麻麻地....黑椒脆炸雞件﹕食起上黎係無黑椒味﹐不過用香茅絲一齊炸﹐夾著絲同雞一齊放入口~個感覺幾好~香茅味中和番少少過咸既雞件....D雞炸得一般﹐有D好硬好鞋﹐有D又有少少肉汁﹐衰在唔夠平均粉絲蝦煲﹕比餐牌個圖片呃左﹗係勁呃果種﹗﹗事實與圖片偏離得非常嚴重﹗﹗ 上檯個樣好細。。真係湯甘...而唔係好似沙爹牛肉煲果D乾乾地。不過﹐食落口又OK...個湯落左勁多胡椒粒﹐好香...蝦就得兩隻﹐開邊甘上.... 但係加埋少少粉絲就$80.... 好貴!!!!!!海南雞飯﹕成個set 有埋湯﹐最出色係個飯!!! 好好食~ 雞去曬骨~肉好滑~食過就算