蘇媽.蘇媽馬來西亞茶餐室

Open Now

Now Closed

呢日去荃灣大會堂睇表演所以近近地去後面街搵食大約6點左右入座唔洗排嚟到緊係要整番個肉骨茶飲啦肉骨茶可以揀唔同豬嘅部位我哋要咗豬腳雖然個煲唔係好大但呢度可以免費加湯唔怕唔夠飲！！必食！！檳城福建蝦麵個蝦湯十分香同濃郁唔好見到佢紅卜卜就以為係辣其實面頭個啲係蝦油嚟之前我試過叻沙，覺得蝦麵俾叻沙更好味砂煲老鼠粉熱辣辣上係會有加乘同埋佢份量都幾大個點會唔食埋咖央多士呢？記得一定要趁熱食呀！檳城白咖哩麵呢個我就覺得普普通通因為椰奶味太重，都唔係好食到其他味我哋食咗一粒鐘出嚟7點左右已經見到有少少人排隊所以如果唔想排嘅建議早啲嚟！

環境同食物都好滿意，專程來食辣椒蛋麵，確實好惹味好食! 下次都會再嚟食過曾經食過老鼠粉，自己就唔太鍾意…當日在座嘅食客其實都好安靜食嘢，反而最嘈係啲員工傾偈太大聲…希望呢一點可以注意吓，以免影響食客。

🌸荃灣馬拉菜🌸蘇媽·蘇媽🍽晚市堂食回來了！我於恢復堂食的第二晚相約好友到了荃灣一間由主打親民馬來西亞菜的餐廳-「 蘇媽·蘇媽」品嚐是日晚餐❗餐廳鋪面寬敞，裝修簡約精美，呈復古台式茶室裝修，座位舒適❗店員十分親切殷勤有禮，細心為客人介紹餐點及下單。我們一行2人共點了以下餐點：1️⃣🌟辣死你嗎配咖哩雞肉 $62這是一款配有秘製風味辣醬、香脆蝦片、粒粒鹽焗滋味花生、爽脆魚仔乾、香濃嫩滑咖喱雞肉的斑蘭香飯，配搭豐盛，十分滋味❗️2️⃣🌟檳城福建蝦麵 $62這是一款配有肥美豬腩肉、翠綠通菜、爽口芽菜、鮮甜大蝦、彈牙魚片及熟蛋的油麵，辣參巴醬可另行奉上，微辣的蝦湯，配辣參巴醬更辣更好味！油麵麵質彈牙入味，是一款非常豐盛的一碗檳城蝦麵❗️3️⃣🌟椰香咖央多士 $32咖央多士即叫即製，多士香脆可口，多士烘得恰到好處，不會濃，而咖央醬帶香濃椰子及斑蘭香，十分惹味。4️⃣🌟熱馬來西亞拉茶 $17熱馬來西亞拉茶賣相精美，茶香奶滑、甜度適中。5️⃣🌟凍桔仔話梅水 $25凍桔仔話梅水有原粒開胃話梅及桔仔，味道清甜開胃，消暑、解膩一流！🌟為是次餐廳用膳的推薦菜色❗🔖整體評分美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️⭕️5⭕️為

蘇媽蘇媽由佢係深水埗店已經開始食，深水埗個位置冇咁方便，所以開左係荃灣就多左去荃灣食😍😍（5分為滿分：🌕）味道：🌕🌕🌕🌖🌑檳城白咖哩麵($58)呢個麵係個日去食見到最多人叫既一個🤣而我次次去食麵會叫呢個，因為佢可以自己揀辣度，岩曬食唔到辣既人😋而且配料都好多，所以次次都會叫呢個😎湯咖哩麵($58)呢個係第一次叫，係有少少似叻沙既味道，不過呢個相對黎講真係辣左少少🤏🏻唔食得辣既建議唔好揀呢個🤣但個味道係好惹味，入面既豆腐卜索曬啲湯汁真係好正呢🤩🤩檳城福建蝦米線($62)本身其實係想叫另一個麵- 檳城呀參叻沙，不過店員好好咁提醒個個會比較辣，冇得轉辣度，建議我地可以試下呢個😝呢個蝦米線個湯底好濃既蝦味，好鮮甜，會不自覺食完一啖接住下一啖😋椰香咖央多士($32)咖央多士又係每次黎到必叫的，一份切開4舊，多士脆卜卜，入面既咖央醬多到滿瀉，一咬落去就係幸福既感覺，叫一碟又可以大家一齊分享，不過一定會出現搶食既情況🥸熱檸檬薏米水($25)食啲辣野叫番一杯就可以解辣，而且又養生，仲有好多生熟薏米，煲得好稔，我會一口氣食埋佢🤣🤣不過呢杯飲品好似就略嫌貴左少少🤏🏻馬來西亞拉茶($17)一上枱就比佢既泡泡

荃灣區排隊小店，真係非常受歡迎，晚市未夠七點已經要等10張枱，不過佢翻桌率高，半個鐘內都入得去。鋪面唔大，裝修真係好似星馬嗰啲傳統冰室，老實講坐就唔係坐得太舒服嘅。一叫完餸店員就上肉骨茶。馬來西亞嘅肉骨茶藥材味好重，但係唔會好油，飲完唔會覺得好肥膩。跟住就上肉骨茶嘅肉，非常好食！一啲都唔痴牙，佢唔係煲到爛晒嗰種，咬落去仲係有咬口嘅，而且食到肉味，但係又一啲都唔會韌招牌老鼠粉都幾好食，比較香口，但係我個人唔鍾意食炒粉麵😂 所以對佢嘅印象係還好。呢個咖喱配薄餅就真係俾我哋執到寶，真係求其嗌但係好好食！咖喱有啲似印度咖喱，但係入面就冇肉嘅，似係啲蔬菜同豆類，而且食到有孜然味，非常香，好食過唔少印度餐廳賣嘅咖喱。薄餅係偏油嘅，但係配埋咖喱分數仍然係非常高！咖央多士係本人今餐心目中嘅冠軍，真係超級好食！多士要趁熱食，外脆內軟，中間內餡唔會太甜又好香椰子味，仲要多士嘅每個角落頭都係充滿咖央餡，呢個真係非常高質！嘢飲方面集合朋友嘅意見就係三杯都幾好飲😂 三個人由正餐食到去甜品再加每人一杯嘢飲，一人$115😱 真係平靚正到一個極點，唔怪之得佢咁多人排隊，呢個情況非常合理😂

經某電視節目介紹又經開荃灣, 所以到蘇媽馬來西亞茶餐室試試味道如何。下午茶時段叫咗"檳城褔建蝦油麵", "桔仔話梅水"(特飲加9蚊), 另外再點, "椰香咖央多士"同"百吉爹肉骨茶(豬腳彎)"。其實仲想叫招牌砂煲老鼠粉, 但怕食唔晒, 所以放棄了。點完餐後無耐就斟咗碗肉骨茶比我, 嘩! 好香好甜既藥材味,我的最愛呀! 再來百吉爹肉骨茶(豬腳彎),肉質好軟錦,豬皮無毛乾淨, 如果加埋黑鼓油及辣椒, 味道更濃, 食不停口 。但需要趁熱食, 如果凍咗, 肉質變硬, 就算加埋黑鼓油及辣椒也感覺頂胃。檳城褔建蝦油麵好多料,鋪滿成個碗面, 湯底好香濃, 油麵都算彈口。桔仔話梅水酸甜味道適中, 好解渴。椰香咖央多士不算太出色, 但很脆口。

環境: 呢間新開既馬來西亞茶餐廳, 蘇媽蘇媽, 位於荃灣大壩街, 亦即係荃灣廣場對面, 係繼深水埗後香港第二間分店. 由於算係新開, 假期基本上好多時間都要等位. 除左因爲香港少類似既茶餐廳, 亦都係因為餐廳唔算大. 不過整體設計感觀都好好, 除左有傳統道地馬拉風格, 餐廳抬凳亦都有時尚味道, 係幾精緻既馬來西亞茶餐廳.食物: 今次試左好幾個餐廳招牌菜, 辣死你媽配仁噹牛肉飯, 雞肉沙嗲串燒, 五花腩肉骨茶, 咖央多士等等.首先, 作為招牌菜, 辣死你媽當然要試試. 佢可以選擇配牛肉, 雞肉或參巴魷魚, 今次試左仁噹牛肉. 牛肉香濃入味, 再配埋辣死你媽, 充滿東南亞香料風味. 不過除左肉, 個飯都值得推介, 佢係用椰漿煮, 所以食起黎都好香. 而且配料都好豐富, 佢有d 似印尼傳統菜, 飯會配上蝦片, 炸花生同炸魚仔.另外試左其他小食, 沙嗲雞肉串燒, 五花腩肉骨茶, 咖央多士. 要推介佢個五花腩, 雖然煮法簡單, 但好好食, 清清地但食得出肉既鮮甜味.其實佢仲有好多小食同肉骨茶菜式今次未試到, 要等下次再試多d. 另外, 佢飲品都唔錯, 有馬拉名物白咖啡同班蘭椰汁特飲.價錢:辣死阿