餃掂手工餃子雲吞專門店

晚餐想食餃子，係堅尼地城搵到呢間餃子鋪。由於係平日夜晚，店入面雖然多人但唔洗等位。店員幾好禮貌咁招呼左我地入座。醃蘿蔔 free每枱都有一罌，味道微酸爽口，等上菜嘅時候可以當開胃菜試下。（原來係自家製產品黎，中意食嘅可以成罌買走🤣）龍鳳松茸雙煎餃 (8隻) $98龍鳳原來係指黑、白松露兩種口味，難以想像以貴價食材融入餃子之中，相當有特色。松茸味道濃烈，淺嘗一口已經有感覺，隨松露香味係口腔中消散先再嘗下一口，係一道值得慢慢細味嘅精品美食🤤。松茸足料到唔只食得出，仲睇得見。壽喜燒牛肉餃（湯餃 7隻）$54細細啖食會誤以為係濃味嘅普通牛肉餃，其實要大口咬先係正確食法。一口咬掉大半隻，餃汁係口入面爆發💦，濕潤舌頭刺激味蕾，會試得出好明顯嘅壽喜燒風味。湯餃可以要求另外上湯，等你可以試真餃子嘅味道。狀元九鼎湯味道清淡，飲得出冇味精添加，唔會過於濃味而影響到餃子呢位主角。蜂蜜檸檬薏米水 $20帶點衝擊嘅清涼口感。先有檸檬酸味，繼而浮現淡淡蜂蜜清香，帶點滋潤感覺。好啱飲一啖用黎清清味蕾😝。四川涼麵 $30冷麵麵身偏硬、口感清涼，想像到夏天食會別有一番滋味。就咁食麻辣涼麵比較乾身，撈埋麻醬會令口感＆味道

去到一間連鎖餃子店，出面係餃子，當然要一試啦。今日係星期三既7點，已經好多人。好多街坊，仲要等位添。佢餃子可以有灼，煎或者外賣生餃回家都得。今日各試一款煎餃或者灼餃。至尊松茸餃松茸既既香味真係好濃。灼餃，皮十分薄，裡面既料亦好好食，真係食緊手工。 而佢配一個狀元湯，個湯係冇油既，個味好似自家煲既健康靚湯。粟米豬肉餃煎得好香，裡面既粟米粒好大粒。每隻都好足料好大隻。見到好多台都有叫煎餃。一出出好多，全部都新鮮煎起。真係好吸引。麻辣松花皮蛋平日我去米線店都好鐘意叫 皮蛋麻辣皮蛋係真係會食上癮。而且今日只係$25 好抵食蜜盞雞翼食左咁多咸野食番個甜先甜雞翼配餃除就岩曬啦四川涼麵佢可以選擇辣度，今日就揀左個中辣。都真係幾辣，但配埋芝麻醬又好好食。係會上癮既涼麵。檸檬薏米水

我返工間唔時會去「餃掂」太子總店食晏，呢日去開西環尾買嘢，行經先知原來佢都喺呢區插咗旗⛳️。出面落緊雨，廢事行嚟行去就入去食個快飯吧。西環店裝修簡約，餐枱排列整齊，冷氣充足👍，整體感覺同太子總店好唔同，呢度似主力做街坊生意。唔同分店嘅餐牌都大同小異，餃子以外仲提供多種小食。定價方面，我認為係比市面上其他餃子店較高，但要食到飽人均消費一百蚊內搞得掂，所以都OK👌。至尊松茸豬肉餃($79/8隻煎餃)，🥟餃子好大隻，外層煎至金黃色，微微脆。由於餃皮厚，所以肉餡唔易穿。豬肉餡夾雜住松茸，香味頗出，但略嫌少咗菜粒爽爽嘅口感。隨餃子奉送一碗狀元九鼎湯，冇落味精，口味偏清淡。重慶鮮肉雲吞($40/12隻)，個人鍾意呢種小雲呑多過餃子，因為雲呑皮好滑溜，而且細細粒一啖食得哂。呢個大小讓人不知不覺間食咗好多粒，食上癮，四十蚊有一打好抵食。湯底有得揀辣度🌶，我哋要咗小辣，香麻多過辛辣，好惹味。四川涼麵($30)，涼麵雖然無餸，但都好足料，花生粒鋪滿面。🍜麵條幼身，爽彈唔笠口，撈辣汁或麻醬食一樣得，得咗。小朋友先選擇，我就兩樣都要。蜜餞雞翼($24)，雞翼幾正，外脆內嫩，早知嗌五隻啦🍗。蜜餞味道甜絲絲，甜度無

第一次食餃掂應該係太子，印象都幾好既，今次黎「天下第一餃」既分店試下有無keep到/進步裝修幾光鮮既，位就唔算太多，餐牌既餃除咗一般既韮菜白菜粟米依啲之外，仲有好多特色既例如芝士餃、松茸餃咁未有餃食先上四川涼麵，估唔到既係佢撈芝麻醬食(日式？)，麵條口感唔錯既，但無乜麻、無乜四川/重慶風味，當日式冷麵可能似啲壽喜牛肉餃配壯元九鼎湯，先試湯底，個名就好勁，飲落個味就正常，有啲清補兩feel，唔濃壽喜牛肉餃，食唔到壽喜味，但係有啲洋蔥味既，牛肉味算係幾濃幾正皮都算腍，配埋湯食都ok煎餃出場，賣相幾吸引，大白菜豬肉餃，一咬有爆下汁既味道都幾好，皮菜肉都好夾既感覺加啲菜脯豆䜴醬，一定要另外放，唔係會辣死個醬好香，辣得黎有豆豉味，配餃子一流，即刻惹味左元貝豬肉餃，高級野，食落再多啲汁同埋多左瑤柱既味道將豬肉餃升級左幾好味，但唔太好同辣既醬一齊食，會蓋左個瑤柱味其實整體唔差既，不過有無話「天下第一餃」就....留俾大家定斷撇開誇張餐牌，其實餃子幾特別、煎餃真好味都係可以一試既#而其實我係湯餃人但都推煎餃#坐店入面一半人講普通話少少不安