Video
Read full review
2012-12-26
255 views
尋日(25-12-2012 Tue)聖誕節,約好男友人LKH一家,除o左佢細女LYY唔o黎得,女友人DC,男友人TC,J同男友共九人一齊o黎呢間食晚飯.我早就同老闆娘book好位同o野食,o黎到.原來呢o度好細間,我o地坐低後,就同老闆re-confirm menu,然後佢就將食物一一送上.1.送o既土耳其沙律全部都係菜,都好新鮮,淋o左啲一粒粒唔知咩o野o既香料,我感覺就類似食黑醋沙律,呢個OK冇問題.2.$108.00o既Şakşuka with Homemade Yogurt 茄子薯仔配自製乳酪我估唔到薯仔係薯條,茄子得好少, 乳酪酸甜度適中,其實我好似冇食到茄子.3. $185.00o既Manti Lamb自家土耳其羊肉餃子呢個賣相黑漆漆o既?好似炸過龍喎,餃子夠脆,今次食到羊羶味喇,LKH太太同DC都讚好食.4.$158.00o既Beef Şiş Kebab 3pcs 土耳其香草雪花牛肉3串呢個同老闆娘re-confirm,一串有三件雪花牛肉,即係一人一件,o岩o岩好.而原來呢個除o左有土耳其脆薄餅外,重有一兩個飯跟埋o黎.雪花牛肉都幾厚,白雪雪o既乳醋味似我o地o係超市買
我早就同老闆娘book好位同o野食,o黎到.原來呢o度好細間,我o地坐低後,就同老闆re-confirm menu,然後佢就將食物一一送上.
1.送o既土耳其沙律
全部都係菜,都好新鮮,淋o左啲一粒粒唔知咩o野o既香料,我感覺就類似食黑醋沙律,呢個OK冇問題.2.$108.00o既Şakşuka with Homemade Yogurt 茄子薯仔配自製乳酪
我估唔到薯仔係薯條,茄子得好少, 乳酪酸甜度適中,其實我好似冇食到茄子.3. $185.00o既Manti Lamb自家土耳其羊肉餃子
呢個賣相黑漆漆o既?好似炸過龍喎,餃子夠脆,今次食到羊羶味喇,LKH太太同DC都讚好食.4.$158.00o既Beef Şiş Kebab 3pcs 土耳其香草雪花牛肉3串
呢個同老闆娘re-confirm,一串有三件雪花牛肉,即係一人一件,o岩o岩好.而原來呢個除o左有土耳其脆薄餅外,重有一兩個飯跟埋o黎.
雪花牛肉都幾厚,白雪雪o既乳醋味似我o地o係超市買o既,.5.$185.00o既Mektup Böreği 8pcs自家土耳其乳酪芝士炸物拼盤
o衣o家睇返menu至發覺原來呢個得8件,不過唔知最後係咪都係得8件,我就食o左一件長條形o既,其實裡面係咩o野餡?食o左一啖睇睇,係菜,但係咩o野菜呢?唔知,不過味道都唔錯.而正方形o既呢?我好彩可以同男友兩樣都可以試半件,呢個同長條形o既好似冇分別喎.6.$215.00o既Roasted Tender Chicken Stuffed with Red Rice in Mersin Style梅爾辛紅飯釀烤嫩雞全隻
呢個除o左TC,J同DC未食過外,其他之前都食過,所以我只要一隻.而今次係熱騰騰同老闆為客人切開,內裡o既香草飯依然濕潤,味道同上次食o既差唔多,不過o衣o家睇返只記起,今次好似漏畀乳酪.上次食評: http://www.openrice.com/restaurant/commentdetail.htm?commentid=2261223
7.$185.00o既Dolma Veg素菜釀西式椒
呢個同我第一次去土耳其媽媽廚房食o既一樣,今次我就冇乜點食,只食o左少少飯,飯一樣係有少少辣同濕潤.上次食評: http://www.openrice.com/restaurant/commentdetail.htm?commentid=2238574
8.$215.00o既Osmanlı İmparatorluğu Ringa 奧斯曼帝國古法青魚,要兩碟
LKH太太因趕時間走,佢就第一個,一食就話係秋刀魚,我都食,果然係.而呢個係將去o左骨o既魚肉加上土耳其香料同松子提子乾等材料製成,香料味道好搶,適量唔太甜o既提子乾同松子令呢個魚生色,配搭得幾好.9.$238.00o既Mussels and Scallope with Tomatoes Soups - Domates Midye Bant土耳其香草青口帶子配番茄海鮮湯
我係order一份,亦係o黎o左一碗,但冇諗過唔係預o左9人份,咁少邊夠我o地8個人分?( LKH太太有事已走先)唔通要一人一啖?老闆好似聽到我講,佢就拎多一碗細o既o黎,LL就問問佢,佢就答啊,重有.最後畀o左一碗大兩碗細我o地.但呢o度餐具唔夠又係一個問題,冇碗,冇問題,我o地用膠杯當碗分o黎飲.
青口味道唔錯,帶子就一般,湯似唔辣羅宋湯不過唔太酸.
最後老闆都識做,免費請我o地試食土耳其軟糖,之前老闆娘介紹過,佢o地將本應好甜o既軟糖做到冇咁甜o黎就香港人口味,而呢晚只剩返玫瑰花味.
軟糖正正方方又大粒,食落,口感都幾煙韌但唔黐牙,玫瑰花味好濃郁,我食o左一粒覺得唔太甜.但大部份人已經話好甜.我食多一粒,嗯,係太甜,食埋第三粒就口渴啦.或者外國人真係食好濃o既o野.
環境:
好細,但仍坐得舒服,因為枱同凳o既高度同空間充足,而且就算老闆炸一口餃子都冇油煙充斥.
總結:
呢一餐9個人食勉強食得飽,但我冇諗到老闆娘幫我諗菜色時好似冇預到9個人食.
味道係3.55分
Post
