Gor Gor Mui Mui (Closed)

~塔香松露台式燒雞（半只）~~配牛油果沙律 $108主菜燒雞真係超級讚，外皮燒得香脆之餘又唔會乾身，肉汁同油份鎖住係雞肉入面，肉質食落鮮嫩，而松露醬係分開碟上嘅，塗上醬汁加倍咗燒雞嘅香口。沙律方面面頭鋪滿左厚切嘅牛油果片同小蕃茄，橄欖油同醋係分開自行按口味添加嘅。晚市套餐仲包埋前菜同水果，佢嘅椒鹽爆溪蝦細細隻，酥脆可口。- - -~台風全日早餐 配香滑竽泥球 $118見到All day breakfast 就好想試，上碟嘅時候真係好大份，有兩隻煎蛋、格仔餅、香菇、炸菠菜薯餅、煙肉、台灣腸、牛油果沙律等，比較特別嘅係佢個格仔餅係酥皮嘅，食落外脆內煙韌，而個竽泥球入口香甜、軟綿，味道一流。- - -~肉桂蘋果紫蘿蘭 $35~水蜜桃果粒愛玉 $35~~（套餐加配享有$10折扣）飲品外觀吸引，原條肉桂浸入蘋果茶，飲落清甜可口。而水蜜桃茶加入咗乾蜜桃粒、玫瑰花、以及愛玉啫喱，飲落味道清爽口感豐富。- - -~雪燕桃膠百合蓮子燉鮮奶 $46同甜味嘅名稱一樣，每款食材都好足料，食落奶香好濃，唔甜，係健康滋補係甜點。…Read More

有日搭車經過見到觀塘新開咗間裝修都幾靚幾清新既台式餐廳，就入去試一試塔香松露台式燒雞（半隻）配起司菠菜薯餅（5塊） $108作為一個套餐有咁多小菜真係比較少見，一共包含3份小菜+1份水果，有蝦乾🦐，苦瓜，醃菜🥬，火龍果同埋🍎蘋果。燒雞已經切好，另外配上松露醬俾你點住食，仲有手套提供，可以拎住隻雞脾🍗大大啖咬落去，好滿足🤤 菠菜薯餅味道正常。QQ 紫芋波（5粒）$22炸到外面脆脆再加入沙律醬，咬開入面真係滿滿的芋泥，好滿足！值得推介咸蛋黃炸薯條 $28未食之前已經聞到好大陣咸蛋黃味，🍟薯條屬於曲薯條，咸蛋黃味足夠但唔夠入口沙沙既感覺老細萬歲黑糖珍珠厚奶茶 $28珍珠好林身，茶味正常，係一杯可以再翻兜既珍珠奶茶🧋。水蜜桃果粒愛玉 $35用大大既玻璃杯🍹裝住睇落好打卡，味道ok,唔會太甜，唔會太多化學味。但係會係咁飲到啲乾花😂所以呢個位扣咗少少分，同埋飲到最後d 愛玉好難飲得曬結論：每一樣野食都唔錯，而且價錢唔貴，環境又靚靚地咁，性價比幾高，而當中最值得推介係QQ紫薯波🥰…Read More

剛好在創紀之城泊車 肚餓但附近無乜野好食 不期然誤打誤撞就來到呢間裝修唔錯既小店 地方唔算大 但文青風令人坐得舒服 年輕店員服務都很殷勤燒雞係誠意之作 必點 紅燒牛肉麵略嫌淡口 我口味較重唔太欣賞 健康人士可能會比較接受到P.S. 上次來 點左 每星期一 三 五 限定胡椒豬肚花膠雞 足料而且入味 必定 encore 之作…Read More

估唔到呢區竟然新開咗間超水準餐廳，重點係地點方便，喺正牛頭角港鐵站附近，就算觀塘行過去都好近，食完lunch去shopping 啱晒！一入門口見到個招牌好特別，有種繁華鬧市中隱世美食嘅感覺。唔知個主厨係咪有啲來頭呢🤔...本來想問吓啲店員，但又唔好意思開口。餐廳樓底好高，開揚relax，再加上落地大玻璃，未食已經心情靚。望見外面風和日麗藍天白雲，仲以為自己去咗酒店high tea～打開menu 最吸引我係啲飲品，樣樣都想試，選擇困難症嘅我用咗10分鐘，揀咗肉桂蘋果紫羅蘭綠茶。一上枱真係嘩嘩聲～杯飲品真係好精緻，仲有一整條肉桂伴著，陣陣肉桂香味撲鼻，茶底清爽，超級滿足！友人點了薰衣草芒果烏龍花果茶，淡淡的薰衣草花香十分清新，沒有其他餐廳人造色素的違和感。真心讚歎店主的心思，不同的飲品是配不同的玻璃杯款，出來的效果超搭配！輪到主菜，上菜那刻我們都傻了眼。一個餐竟有一個主菜、3份前菜、一碟青菜、1份水果。估唔到前菜都有驚喜，椒鹽爆溪蝦外脆內軟，口感一流。花膠胡椒豬肚雞，十分出色！個人偏好重胡椒味而不鹹的湯底，鹹酸菜濃度適中，一口炸炸脆米連湯品賞，先享受香脆口感，然後胡椒餘韻留在口中。豬肚又滑又淋，花膠份量很多，爽口彈牙得嚟有膠質感，沾沾自喜「已回本有突」🤣。友人點了塔香松露台式燒雞（原來係限量供應，好彩早一步點了last一客）。好耐無食過咁juicy嘅燒雞，外層脆卜卜，雞肉嫩滑有雞味。第一次吃燒雞配松露醬，估唔到又幾搭配，個人認為，反而係燒雞嘅香甜肉味平衡咗松露嘅霸道口味，令其味道變得溫柔而襯托返隻雞嘅原汁原味。菠菜起司一口薯，溫馨提示真係要趁熱食，放凉咗感覺差很遠。一個午餐set，無諗過是如此豐盛，飲品又別出心裁，絕不欺場，食完之後心裡同埋肚皮都超滿足！下次約埋朋友shopping 完一定要去試埋個下午茶！（menu中的台式蛋餅、刈包、牛油格格酥，似乎十分吸引）…Read More