URBAN Café Commune (MOKO新世紀廣場)

Open Now

Now Closed

① 一山不能藏二虎蝦蝦意粉 $158一個普通茄汁意粉加兩隻虎蝦同芝士碎，虎蝦唔算大隻但肉質幾爽，個汁有茄粒及洋蔥粒幾有口感不過就有啲水。跟餐有個龍蝦湯同迷牛酥，個湯味道唔錯，有幾粒蝦肉，而個迷牛酥唔算鬆脆，有少少硬。② 煙肉芝士薯條 $68呢個鹹到腎虧！我平時都算重口味，但同朋友咬左一啖就撥走晒啲芝士，但我都係啃唔落，跟手貫左兩杯水。到底呢間餐廳係選用咩芝士？③ 士多啤梨蛋糕 $25跟主菜可以優惠價配甜品，蛋糕賣相唔錯，有枝士多啤梨醬自己吱，個蛋糕唔加醬都幾好食，海綿蛋糕同Cream比例幾好，唔會太甜太膩。.跟餐仲有杯飲品，普通叫杯可樂，結果我追左3次單，食完主菜，上埋蛋糕先黎杯可樂！明明餐廳人手都鬆動，真係火都黎！可樂咋喎，追3次單？！！我已經唔係見一個追一次，而係每次相隔至少五分鐘，期間無同事跟進過汽水機有問題定點，真係非常差！

相約朋友到新世紀廣場行街🛍️， 行到中午時間， 大家都想搵間餐廳坐低休息下順便食午餐。到URBAN Café Commune， 餐廳開揚，採用開放式設計， 加上自然光滲入， 幾舒適的。 午餐🍽️ ～ 63度溫泉蛋卡邦尼煙肉意粉$98、 升級晨光第一炮$158、 凍朱古力咖啡$18、 士多啤梨蛋糕$25、 龍蝦湯和凍蜜桃茶。 🔸龍蝦湯🥣🦞 ～ 龍蝦湯味道香濃， 湯裏面有粒粒蝦肉，真材實料。 🔸升級晨光第一炮🥗 ～ 有巴馬火腿、煙三文魚、法式香腸、香滑炒蛋、烤大啡菇、慢煮蕃茄和牛角包， 非常豐富， 牛角包🥐香酥美味， 值得推介。 🔸63度溫泉蛋卡邦尼煙肉意粉🍝 ～ 濃濃的芝士香， 配上質感綿滑的溫泉蛋和鹹香味重的煙肉， 每條意粉都掛上蛋汁， 美味可口。 🔸凍朱古力咖啡🥤 ～ 面層有柔軟的忌廉、 配上濃郁的咖啡和朱古力香， 口感軟滑。 🔸凍蜜桃茶🥤 ～ 味道清新， 解渴一流。🔸士多啤梨蛋糕🍰 ～ 忌廉香軟， 蛋糕的質感綿密， 甜度適中。整體食物有質素， 性價比高。

今日同男友去左旺角urban cafe食西餐，我地點左龍蝦芝士意粉，薯條，2個龍蝦湯同士多啤梨cakeurban cafe設計都幾特別，佢係波浪紋既設計，都幾得意 (附圖)凍蜜桃茶都幾好飲，清清地既蜜桃味龍蝦湯都幾好飲，但龍蝦肉就少左d,意粉屋個龍蝦湯多龍蝦肉過佢，但相對價錢都比佢貴一陪~薯條都幾好食，加埋d鹽點茄汁，正呀這個比麥當勞還要好吃龍蝦芝士意粉，龍蝦肉好食，意粉硬度都剛好，唔硬唔軟，好濃既芝士味，但有點漏，所以覺得這個一般士多啤梨蛋糕，這個好好吃，個賣相好搞笑，有支針筒咁，針筒裏面係d士多啤梨醬,比d客人吱落d cake到，個蛋糕好軟好鬆化，連埋d士多啤梨肉一齊食總結，環境舒適特別，服務員態度有善，食物質素都可以，會再次光顧

今日係新世紀廣場睇完戲，就落urban食午餐，人有小小多，大概等左10幾分鐘後入座，我地一行三個人，要左個士多啤梨蛋糕，一個燒春雞，一個燒牛肉和薯蓉。首先上左個cake，不算甜，都幾安口味，cake上面的針管又幾特別。食完個cake，燒牛肉就上了，牛肉一般，不夠嫩，但薯蓉非常好味，值得贊。最後上最期望的燒春雞，很大，肉嫩汁多，幾好味食物幾好，但服務就⋯我地來時一路冇人俾水，我都叫左幾次，但服務員係我身邊走過就扮聽不到⋯⋯都破壞我對餐廳的評價