上戶酒場 (Closed)

專程來九龍城龍崗道，幫襯上戶酒場，因朋友好喜歡食佢嘅煙燻串燒，咁嚟到當然就食佢嘅二人前啦！不得不提佢嘅煙燻串燒真係做得好出色，煙燻嘅牛脷芯，帆立貝和鰻魚都煙得好有煙燻味，啲肉都淋滑，嚟到時仲有個煙燻盤一唔煙住啲串燒，真係和一般串燒好有分別！至於青蘋果沙律，亦都有驚喜！最初以為係青瓜，食落知先係青蘋果，超正和超爽脆；其它的如龍蝦刺身，壽司盛，炸豆腐等等都水準之上，不過不失！跟住嘅花甲烏冬剛好為我們的胃部添上和暖嘅食物；最後以朱古力士和多啤梨卷蛋做甜品，真係做得好出色，為呢個午餐一個完美嘅句號！

炎炎夏日，冇咩胃口，梗係黎食港女最鍾意食嘅壽司啦食日本嘢之前就梗係要啤啤佢先啦，左手邊嘅係沖繩啤酒，味道就會苦啲，濃啲，而我就揀咗淺黃色啲嘅生啤，相對地就冇咁苦，而入口啲，啱晒唔係成日飲酒既我，夏天飲冰凍嘅啤酒真係身心愉快，食都食得開胃啲，依家仲可以比$50任飲啤酒，真係好抵再嚟過冰鎮生蠔，係由西班牙入口，味道濃郁，都幾大隻，我最鍾意就係佢夠晒大隻，塞住我把口，每隻都只係$88，左邊係檸檬，右邊就落咗醋，兩種食法總有一款啱你心意脹卜卜嘅生蠔等我俾大家睇個近鏡啦我哋仲叫咗個壽司拼盤九宮格嘅壽司拼盤色彩繽紛，有熟嘅有生嘅，大家可以開心share，左上角磯煮鮑魚，下面係隻燒左口魚，吞拿魚腩，中間嘅係黑松露帶子，右上角係鰻魚，中間係赤蝦，右下角係三文魚食咗咁多凍嘢係試吓食下啲熱野先，魷魚圈一共有五件，炸到好香口，中間又唔會太乾，抵讚而呢個海鮮味增湯同平時嘅好唔同，因為細細一碗湯入邊已經有蝦肉、豆腐、蜆肉，真係非常鮮甜嚟到我哋今日嘅主角，就係龍蝦，首先要就一讚師傅將龍蝦肉起晒，龍蝦肉一粒粒，所以食嘅時候非常方便，仲要龍蝦煮嘅時間唔會過左火，非常彈牙呢個龍蝦餐其實都幾抵食，蝦身就起肉，蝦頭、殼嘅部

原來成日食嗰個日本餐廳集團喺九龍城開咗餐廳㗎喎，依家先知！原條伊佐木刺身 ($488)係夏天當造魚，白裏透紅好厚切，口感柔軟好有鮮味。根據喺其他餐廳食嘅習慣，食完之後成條骨會攞去炸，口感鬆脆非常好味！時令活蠔刺身 (2 for $156)來自西班牙嘅生蠔，夠大隻，口感爽脆，蠔味after taste超勁！壽司盛 ($168)叫埋個set lunch食，有鮑魚壽司，有趣嘅配搭牛舌薄燒配三文魚炒飯 ($98)上菜時仲喳喳聲，夠多炸蒜及蔥，好香口！牛舌一啲都唔韌，夾埋啲蒜一齊食真係不得了！炒飯都好出色，粒粒分明㗎櫻花蝦炸豆腐 ($20)沾滿櫻花蝦嘅炸豆腐，外脆內軟，點啲酸汁食好惹味