Pancake House HoiHoi (Megabox) (Closed)

Pancake House HoiHoi係日本過江龍，聽聞係名古屋no. 1 既pancake店，今日終於去試下🤤除左pancake之外，仲有lunch menu，同埋其他鹹食，可以係度食完正餐直接食埋甜品～   1⃣️京式烤鴨肉比薩（$88）呢個係lunch set黎，包埋餐湯同飲品。餐湯係蘑菇濃湯，食到超多蘑菇粒粒🍄比薩係薄身啲既，批邊脆身，面頭有芝士，芝士下面就係鴨肉，鴨肉都算多，唔會食食下就冇嘢食。  2⃣️夏威夷班戟漢堡配牛油果、蝦、蜜糖芥末醬（$128）班戟漢堡好特別～牛油果蓉份量好多，加埋蝦、蕃茄、生菜一齊食，口感味道都好豐富～夏威夷班戟少少甜甜地，整成漢堡又幾夾bor，呢個幾有驚喜😋另外伴碟既薯條都好食，食落脆身加埋有cajun粉調味。  3⃣️鐵板名古屋茄汁海蝦腸片意粉（$98） 鐵板上黎既時候仲聽到啲滋滋聲🤤蕃茄汁味道酸酸甜甜，加埋蝦、腸仔、同埋底部煎香既蛋，賣相味道都好得！  4⃣️三重蜜瓜梳乎厘班戟（$128）黎到重點pancake！就係為左佢地既pancake而黎🥰呢個係期間限定既款式，梳乎厘班戟食落有蛋香，面頭既蜜瓜忌廉食落輕盈而且清甜，兩塊pancake中間夾住士多啤梨片

日本班戟基本上係港人遊日時必食既甜品之一，香港有唔少日本疏乎厘班戟嘅過江龍，係呢排疫情期間無得去旅行既時期，介紹呢間名古屋嘅人龍店過江龍，餐廳行夏威夷風格，而甜品菜式都好友熱帶風情，班戟更加有兩款香港限定嘅口味。HoiHoi Pancake House係來自日本名古屋，喺當地係要排一個鐘先食到嘅人氣店，由2011年開業至今，先後有幾十個電視台節目介紹，譽為日本最好食嘅班戟，更加有「名古屋No.1行列店」之稱。第一間分店就揀咗係同九龍灣嘅MegaBox係上年開業，而最近都係荃灣荃新天地商場一期開咗二號分店。不過其實日本間間班戟都話自己係最好食，咁究竟呢間又係咪真係最好食呢?呢度嘅班戟分為兩款，一款係大家都食慣、好鍾意嘅空氣咁十足嘅疏乎厘班戟，而令一款就係佢哋嘅信心之作，夏威夷班cake，即係傳統嘅美式班戟。香港店班戟材料都係由日本直送，用料講究，香味特別濃郁。我前後去過兩次，一次係大概平日3點既時間去當TEA食，大約3點去到，個次就完全唔駛等位，餐廳大概坐左8成人，而第2次就係平日放晏既時間，大約12點8到，去到見到前面差唔多有10個人排緊隊，等左差唔多8個字先有得坐。店內裝修簡約乾淨，

今日過左九龍灣去食pancake因為假日的關係，雖然位置唔太方便不過都全店滿座需要等位我同朋友一人叫左一份pancake share夏威夷果仁忌廉夏威夷班戟一份有三層pancake，冧滿了夏威夷果仁忌廉，忌廉有陣淡淡的果仁味，相比一般的忌廉無甘甜，而且pancake 好重蛋香味，好快就食哂成碟原味梳乎厘班戟原味的梳乎厘班戟係配楓糖漿和奶油，班戟一樣蛋香味好濃，因為配嘅係奶油所以會比較甜，不過都一樣甘好食

有時真係好搞笑，好耐唔去一個地方就會連續去幾次😂。呢日同舊同學去Megabox食Tea，試咗印象中係新開張唔太耐嘅「HoiHoi Pancake House」。估唔到Weekday下午時份都咁多人食，不過未洗等位。環境好舒服(雖然冷氣有少許凍)，加上播放住啲好夏威夷夏日風情嘅歌，成個感覺令人好放鬆😊。一場嚟到班戟專門店，就梗係要試下招牌啦！班戟外，佢亦有提供飯類等主食，始終附近有唔少上班族嚟食晏。一份班戟價錢平均一百蚊到，定價唔算平，但過江龍係差唔多啦😝。我哋叫咗兩份Pancake加兩杯飲品，嘆返個靚靚下午茶💕。沖繩芒果梳乎厘班戟Okinawa Mango Souffle Pancake($138)，唔講都唔知沖繩芒果出名🙈，見佢係餐廳呢期嘅夏日推介就試試。我哋以為係得啲芒果伴碟，點知原來梳乎厘班戟本身都有芒果味，幾有驚喜👍。班戟有三件，整得幾靚，夠圓同做到好Fluffy嘅效果，但略嫌面頭啲忌廉多咗啲🤭。夏威夷果仁忌廉夏威夷班戟Classic Macadamia Cream Hawaiian Pancake($158)，造型同梳乎厘班戟唔同，好多忌廉遮蓋住整件班戟，不過都估到佢應該係幾

來自名古屋嘅人氣pancake店HoiHoi Pancake House，今年嘅年頭嚟咗香港開設分店，但由於人氣太高，一直都係排哂長龍。今日過開Megabox，見唔係咁多人排隊，機會終於都嚟喇。HoiHoi除了pancake同甜品，都有供應以和式洋食為主嘅食品。不過依啲就留返下次喇，入得嚟就當然係食佢哋最出名嘅pancake啦。沖繩芒果梳乎厘班戟空氣感十足嘅梳乎厘班戟，班戟鬆軟厚彈，入口蛋香味豐富。配上幼滑忌廉，仲有非常香甜嘅沖繩芒果同芒果醬，味道好夾好好味。夏威夷果仁忌廉夏威夷班戟 班戟質感獨特，鬆軟帶煙韌感，同梳乎厘班戟有明顯嘅分別。忌廉搽滿哂喺班戟上面，面頭再灑上果仁碎，多一層嘅口感。加埋忌廉同香脆嘅夏威夷果仁，味道層次豐富。而且忌廉完全唔覺得膩。焦糖沙冰大大杯嘅沙冰，嘅有奶香，亦有焦糖香味。份量比例配合得好好，兩者味道好平衡。手沖浸泡式精品咖啡完全唔使好似陳豪咁識沖咖啡，倒啲水入去，等三分鐘，再㩒粒制就就有得飲。咖啡入口順滑，隱約有陣士多啤梨同朱古力味嘅after taste。唔錯。

餐廳曾獲日本數十電視台節目介紹📺班戟原材料嘅麵粉由名古屋當地廠房特別調製，配上島根縣新紀元雞蛋製作，香港更有✌🏼款限定口味。💗沖繩芒果梳乎厘班戟($138)梳乎厘班戟一共有三塊，每塊超過半吋厚，食落都算鬆軟輕盈，但唔夠空氣感，未能入口即化🥞最大問題係完全涷冰冰，蛋香味又唔突出🙄面頭嘅忌廉雖然好幼滑，但略嫌唔夠企身，好似融融地咁🤷🏻‍♀️旁邊嘅沖繩芒果粒份量算合理，食落冇根唔酸，不過唔係清甜，味道唔太自然，仲有少少芒果汁伴碟🥭💗夏威夷果仁忌廉夏威夷班戟 ($108)其實就係傳統嘅美式鬆餅，切開入面有三層厚，食落鬆軟煙韌，口感較實在但唔會痴牙，而且富麵粉香同蛋香🧇濃厚順滑嘅忌廉瀑布覆蓋成個班戟，帶微微海鹽鹹香🤤再灑上香口嘅夏威夷果仁碎增加口感，可惜果仁份量較吝嗇🌰💗焙茶牛奶($37)焙茶其實係綠茶嘅一種， 透過高温炒製後令茶味更香濃🍵飲落順滑厚實，帶獨特嘅焦燶味，入口較甘澀，建議加糖中和。鮮奶份量可以再加重，奶香味不足🥛💗涷朱古力($37)用咗黑朱古力沖調，飲落微苦唔會太甜，質感夠哂濃郁純厚🍫

Pancake 店越開越多，大部分都排晒隊，老實說，我就無乜耐性排......但友人是pancake迷，幾乎每開一間也會去試試，今晚她就約埋我專誠去吃這間店的pancake。開放式的門口，好寬敞。裝潢帶點熱帶地區的感覺，還播着輕快的歌曲，好有feel。泊牆設有長櫈配二至四人，中間和近落地玻璃窗均是四人圓枱，座位不算好多。翻閱menu，食品有梳乎厘班戟、夏威夷班戟和主食，而飲品就有HoiHoi Favorites、Iced Shaken Tea、Fresh Juice、Specialty Smoothie、Premium Tea和Espresso Bar。******************新產品的沖繩芒果梳乎厘班戟 Okinawa Mango Soufflé Pancake ($138)睇落好吸引，一於試試。一客三大件，配上鮮芒果粒，淋上芒果醬和大量忌廉，再以一朵泰國洋蘭和薄荷葉作點綴，充滿夏日感。金黃的班戟口感非常輕盈鬆軟，啖啖滿充蛋香，友人話好有雞蛋仔味，好香！伴着極幼滑豐厚的忌廉同吃，加埋酸酸甜甜的芒果醬和柔軟多汁的芒果肉同吃，好滋味，很討我歡喜，但我倆都覺得減少一些忌廉的份量會