翡翠拉麵小籠包 (Closed)

因為lunch time 係1-2pm，所以平時想黎食都冇位要去第二度。今日特地同同事夾好比我早15分鐘走等我同朋友黎試下。我好醒目，一早打定電話訂位。真係好彩，我地人齊所以唔洗等就有得坐。服務一流。所有人都好友善，重有求必應環境唔錯，只係我地冇卡位坐，我冇位放野，所以感覺逼左少少。　嫩雞煨麵：熱辣辣，真係好啱而家天氣咁涼，可以好快暖倒個胃。D雞真係好嫩。麵都係一樣，可以用嫩黎形容。麵個味係帶D鮮甜，正：我精心推介一。　紅油抄手：我其實只可以食小辣，不過我加左入個麵度就剛剛好。個皮夠薄，個餡又做得好，食得辣既人不妨試下：精心推介二。　蟹粉小籠包：皮薄餡靚又多汁，味道鮮甜，肉質嫩口，無得彈：精心推介三。　清甜唔溜既桂花糕：menu上冇，不過姐姐仔聽到我想食，佢就非常好人地幫我地問下廚房有冇，咁好既服務邊度揾呀。