He She Eat之前推出牛角包軟雪糕掀起一段熱潮，有次經過見到主食嘅餐牌都幾吸引，有主食又有梳乎厘班戟，所以就決定試一試🤩旺角店搬新舖後裝修風格唔同咗，轉為簡潔明亮嘅日式木系風格，不過枱櫈都擺得好密，有啲壓迫感🙈•🥢 海鮮冬蔭忌廉燴扁意粉 $138海鮮意粉幾足料，有帆立貝，蝦、蜆、魷魚～除咗蜆比較普通外，另外三款海鮮都煎到啱啱好，好彈牙🤩 上面仲有啲芝士片同埋車厘茄～ 意粉睇落無汁，但實際上已經燴到幾入味，加埋啲芝士仲有少少拉絲𠻹😋 冬蔭味幾出，不過竟比想像中辣啲啲，所以就算個汁有忌廉都唔會好膩～🌟推薦度：8.5/10•🥢 宇治抹茶黑芝麻梳乎厘班戟 $118平時好似都比較少見黑芝麻+抹茶呢個配搭，黑芝麻嘅部份就係上面嘅cream，伴碟仲有蜜紅豆、抹茶蕨餅同埋小丸子～梳乎厘班戟有2件，口感鬆軟而且幾有蛋香，配埋甘香嘅抹茶奶蓋，抹茶味幾出，又唔會太甜，所以配埋蜜紅豆就啱晒👍🏼 加少少黑芝麻cream就更有層次，幾特別，但好似又唔係非常夾🤔 🌟推薦度：8/10•🥢 薯條配黑松露蛋黃醬 $62上枱時熱焫焫，薯條份量幾多，而且咬落好脆，唔係炸到空心嗰種，配黑松露蛋黃醬係無得輸嘅～ 不過黑松露味可以再濃啲😛🌟推薦度：7.5/10•🥢 Oreo奶昔 $46好失望嘅Oreo奶昔🥹 因為Oreo餅嘅味完全唔夠，整體偏甜🫣🌟推薦度：3/10•🥢 宇治抹茶軟雪糕 $38 (只限外賣)本來都好想試埋牛角包軟雪糕，但有太飽食唔落，所以就試咗普通窩夫筒嘅抹茶軟雪糕🍦 窩夫筒夠脆👍🏼 軟雪糕質地軟滑（但溶得較快)，牛乳味好濃厚，茶甘味係有嘅，但抹茶味就比較弱🥲，整體亦有啲甜，鍾意食抹茶嘅朋友真係有啲失望🥲 「如果太多牛奶味，抹茶味就無掟企🎵🎶」🌟推薦度：4/10…Read More
