Shari Shari Kakigori House 氷屋 (Moved) New Location

天氣咁熱，有咩好過食碗日味刨冰？放左工四點幾同老死去tea一tea，決定去試下抹茶氷食嘅shari shari。去到舖頭，細細間，得靚仔日藉老闆一腳踢，由招呼客人到刨埋冰都自做哂。SHARI SHARI Kakigori House 氷屋 (銅鑼灣)銅鑼灣希雲街14號地鋪話說一路行去，會經過某間最近爆紅食抹茶軟雪糕嘅舖頭，超多人，就勁驚shari shari會吾會呢？咦，又吾係好多人，舖內樸素日式風格裝潢，店內logo design可愛。諗左一陣，我哋分別叫左宇治金時同黃豆蕨餅味宇治金時就有煉乳跟，黃豆粉蕨餅就有黑蜜跟。店內其實有兩種抹茶かき氷，另一隻就有埋cream ，今次個宇治金時就相對地回甘，有濃啲嘅抺茶味，適合吾食得太甜嘅朋友。黃豆粉嗰隻就特別啲，面頭啲黃豆粉好香，仲有啲細細嘅蕨餅喺面，又有得咬下，幾有口感。眼見咁大杯，其實食唒都吾係好頂胃，老闆話由北海道嚟，咁啲氷的確係幾清新，一路食一路傾計就最爽皮，佢又溶得吾太快。絕對好好味

等左好耐終於有日式刨冰店！整冰既哥哥係個好友善既日本人，而冰店響銅鑼灣Via Tokyo 隔離既小巷，富山麵家對面，都好就腳!宇治金時カキ氷呢個宇治金時刨冰既抹茶味道真實香濃，中間藏有好多煮得好軟綿綿大大粒既紅豆，好感動既係呢個足夠兩個人食既刨冰只係五六十蚊又唔使加一，並唔似得韓國刨冰咁開天殺價坐底都七八十蚊,可以成日黎食!Tiramisu カキ氷冰上佈滿好香既可可粉，原本以為個冰平平無奇，點知食到中間有tiramisu 蛋糕，帶有香濃甘甜既咖啡味,響日本錯過左食呢個口味既刨冰，好開心可以響香港食得番!