韓舍 (Closed)

之前有fd食過，睇到佢post張相好吸引，我就話生日揀食呢間！咁大堆頭係要人多食先至覺得正！7個人湯底都係得一款，其實可以選擇嘅湯底我就麻麻地，因為火鍋我只愛沙嗲湯底，佢無，唯有揀海底椰，飲落都唔錯，幾鮮甜，襯晒海鮮！海鮮係超生猛，送上枱隻蟹同龍蝦🦞仲郁緊，嚇到我個fd彈起身！麵包蟹超多膏，龍蝦我地就煮得耐咗少少，有少少韌。出面好多款丸，叔叔仲好好人介紹我地食邊隻丸。嘢飲都ok多， 生果唔甜（西瓜望落好靚，食落就，哈密瓜仲衰），爆谷好難食又淋，甜品一般（brownie 連少少朱古力甜味都無），反而雪糕幾好食，有果肉唔錯。其實食完個海鮮鍋都飽咗大半，都唔洗突登加錢食刺身！平日去唔爆佢唔會趕我地走，亦無催我地，呢樣最值得加許！

今次揀咗韓舍慶祝好朋友生日， 其實之前都嚟過幾次， 不過是吃韓式燒烤的。 一入到店內， 發現店鋪好像裝修了！一向都知道這裏食物種類非常之多，有dreyer's雪糕， 各式各樣的甜品，仲有得DIY甜品，多種飲品選擇，中西式熱葷及數十款火鍋配料。今次我們四人試下宮廷海鮮鍋 ＋ 酒店式自助餐任食兩個鐘 （ $288一個再加一）。 湯底選擇了麻辣和蕃茄，蕃茄湯底配海鮮味道特別夾！ 海鮮方面有七款時令海鮮，非常新鮮， 上枱的時候龍蝦和蟹仲好生猛，店員先送上一大盤海鮮畀我哋影相，之後再收返入去廚房砌好再拎出嚟！ 除了海鮮之外，還有其他火鍋配料，例如肥牛，豚肉，羊肉，丸類，菜類。 我最欣賞這裏的甜品， 每款都好好食，真是有酒店自助餐的水準。整體來說我已經到過韓舍幾次， 這裏的食物質素每次都沒有令我失望， 但是用膳時間只有兩個鐘， 真的太趕，店員亦好準時過嚟吹我們交枱，但當時我哋的海鮮拼盤還未吃完，真係食到趕頭趕命啊！

朋友生日，他在網上看到這裡有韓式宮廷海鮮鍋，我們便來試了。在網上看到相片，其實我都幾期待，因為啲野都好似幾靚。而我，亦係一個海鮮控。但老老實實，佢呢個海鮮鍋都真係好一般湯底味精好重，海鮮新鮮程度一般啲蜆同蛤未吐乾淨啲沙，基本上大部分都食到沙我平時打邊爐好鍾意食粟米，但佢啲粟米真心唔好食煲左個幾鐘，啲粟米唔知點解都仲係又硬又乾乾導致我唔覺得佢入味食左一舊，無再食第二舊不過不失啦，但呢個價錢，我可以有其他選擇囉

份量十足，好新鮮但龍蝦同蟹得個樣，無咩肉地食得好滿足～下次希望可以試曬自助甜品同熟食～美中不足係魚生同蛋糕款式唔夠多⋯⋯宣傳單呃人，無千層蛋糕供應不過埋單一人先比$328 寶心抵食