Read full review
2016-05-02
233 views
濕luplup天氣當然要食辣嘢啦,於是上咗Openrice揾咗間未試過既湘菜館試吓新嘢。去到鋪頭見到坐滿晒人心諗咁多人食應該呢間嘢都幾掂!! 等咗一陣, 終於有位坐, 好與奮咁開始點菜囉~ 經過店員介紹後, 2個人,我地點咗以下嘢食。爆 炒 小 河 蝦 HKD 88好難得可以係香港食到小河蝦,平時都要返大陸先有得食,而且價錢仲要咁合理,真係好值得推介! 味道方面呢...小河蝦雖然細細隻,但勝在肉質飽滿鮮甜,再配以蔥、蒜及辣椒仔爆香,而且蝦殻比較軟,所以一啖幾隻都真係十分之過癮。如此惹味加埋咁有鑊氣當然要配以白飯或啤酒一齊食啦!雜糧包 HKD 58呢個雜糧包係其他湘菜館都有試過,但勝在佢個配菜味道夠濃,再加上個包唔濕,夠煙靱有嚼勁,蒸得唔錯! (小提示:個配菜係尖椒絲、辣椒絲、梅菜粒炒埋一齊,都係有啲辣架)小炒香乾 (唔記得咗價錢,好似70-80蚊到 ><")小炒香乾係用咗回鍋肉片炒豆腐乾配青椒,啲回鍋肉雖然係肥豬肉但唔油膩,個豆腐乾好有咬口,再配以爽口青椒,好有口感!酸辣土豆絲 HKD 68土豆絲可算係我食湘菜必叫小菜之一,呢道我就覺得不過不失,冇之前個幾咪惹味且有驚喜
爆炒小河蝦
$88
14 views
0 likes
0 comments
好難得可以係香港食到小河蝦,平時都要返大陸先有得食,而且價錢仲要咁合理,真係好值得推介!
味道方面呢...小河蝦雖然細細隻,但勝在肉質飽滿鮮甜,再配以蔥、蒜及辣椒仔爆香,而且蝦殻比較軟,所以一啖幾隻都真係十分之過癮。如此惹味加埋咁有鑊氣當然要配以白飯或啤酒一齊食啦!
雜糧包
$58
35 views
0 likes
0 comments
呢個雜糧包係其他湘菜館都有試過,但勝在佢個配菜味道夠濃,再加上個包唔濕,夠煙靱有嚼勁,蒸得唔錯! (小提示:個配菜係尖椒絲、辣椒絲、梅菜粒炒埋一齊,都係有啲辣架)
小炒香乾
18 views
0 likes
0 comments
小炒香乾係用咗回鍋肉片炒豆腐乾配青椒,啲回鍋肉雖然係肥豬肉但唔油膩,個豆腐乾好有咬口,再配以爽口青椒,好有口感!
酸辣土豆絲
$68
13 views
0 likes
0 comments
土豆絲可算係我食湘菜必叫小菜之一,呢道我就覺得不過不失,冇之前個幾咪惹味且有驚喜,因為相對比較清但勝在爽口,係食完一輪重口味小菜後,清下個口,呢道菜都幾岩!
燉湯 - 響螺燉雞(1人份)
17 views
0 likes
0 comments
話說呢個湯係我入到鋪頭見到個板上面既事日燉湯,嘩...響螺燉雞都係40幾蚊當然要試吓啦~ 由於口渴得制, 唔小心飲晒先醍起未影相..嘻嘻
味道方面以40幾蚊黎講算幾好,足料同都幾清甜。想飲湯滋潤吓,呢個都唔錯!
Other Info. :
店鋪位置: 對於第一次去食既我黎講呢, 都揾咗一陣先揾到, 建議大家去到上環再問吓途人, 費事好似我咁行咗反方向(汗)
店內環境: 值得一提既係,我入到店鋪後見到十居其七,八既食客都唔係講香港話...當然講普通話既大陸人居多,但亦有幾台鬼佬,真識食!
推介: 另外呢間舖有個招牌菜,就係雙椒魚頭,我去度個陣已經賣晒啦 = =||| 唯有下次試~ 店員同我講有意食既話,下次黎之前就要打電話過黎留咗先~
(The above review is the personal opinion of a user which does not represent OpenRice's point of view.)
Post