雲蝶

Open Now

Now Closed

餐廳就喺雲疊花園商場，所以餐廳乾脆叫「雲蝶」啦？兩個名都幾有詩意。今日入去食午餐，叫咗一份帶子野菌意大利飯，以$83嘅價錢黎講個飯嘅份量好充足。意大利飯嘅芝士味有奶香，我好欣賞佢嘅帶子外乾內濕，如果鹹多少少就好啦。呢個午餐性價比真係幾高，我點多杯飲品同甜品，最後埋單都係$107。鮮奶咖啡落咗櫻花蜜糖，嗰種甜味好難形容，唔通就係「櫻花」嘅味道？奶茶蛋糕價格相宜，而且港式奶茶味非常突出。櫻花蜜糖鮮奶咖啡 $46帶子野菌意大利飯 $83奶茶蛋糕 $24

今日諗住同個fd去‘掃黃’，搵到呢間新既cafe即刻去試下，鋪頭既裝飾同個餐牌都幾特別，但有啲偏細，室內加埋室外最多應該都係坐到七八個人左右。我地點左個帶子野菌意大利飯，羅勒醬烤雞意粉，繽紛雜莓同一份送既黑啤雞翼。先講主菜， 個意大利飯有好香既奶油味，飯粒唔會太硬，帶子亦都唔會太熟，算係幾唔錯。但個烤雞意粉唔知係味唔記得落鹽去煮，除左羅勒同油既味之外就完全無其他味。至於個黑啤雞翼就有好香既黑啤味，個人覺得調味可以再濃少少，但友人就反而好鍾意佢個味。而杯野飲個人幾鍾意，唔會太甜但又飲得到有好多莓既碎碎係份面。

一放學就被藍色蝴蝶吸引過來打下卡呢間休閒Cafe 唔單止打卡一流 食物味道仲好高質！-今次我地ORDER左~~煙三文魚忌廉意粉 $74濃濃的忌廉味 但又唔會令人食到膩煙三文魚咸度適中配意粉一齊食好夾 -帶子野菌意大利飯 $76好creamy嘅意大利飯😍 仲有野菌加帶子好好味 -夢幻草莓 +$16 / 芒果之夢 +$16 (跟主食半價)沙冰口感好豐富 感覺是用新鮮水果調配而成 -忌廉芝士磨菇釀雞翼 $32勁香既忌廉芝士味 雞翼又炸到香脆可口再加上香濃磨菇肉 啖啖肉好好味 -炸Oreo伴雲尼拿雪糕 $30雖然賣相麻麻地 但配埋雪糕一冷一熱咁食好過癮 -黑啤雞翼 Free (原價$32 - 11月優惠 - 惠顧滿$150即送一客)真係食落有淡淡既啤酒味 好特別 --------------------------#雲蝶 大圍田心街20號雲疊花園商場地下16B號舖免收加一

新開架就同朋友去試下。 韓文應該係蝴蝶？呢間鋪係雲疊花園樓下 ，我諗所以店主改呢個名？ 門口既一幅畫好吸引我啦已經。位置唔多最後坐左係鋪外面。個日都幾熱不過咁岩都有d風，所以都okay岩岩開既鋪黎講都幾多選擇,住開田心村同雲疊呢邊都知西餐廳都有但不算太多，價錢都會係七十幾蚊至一百蚊左右。但Na•Bi 黎講都相對相宜，四十幾至五十幾蚊，小食三十幾蚊都有。叫左成枱野，兩個人都先百幾蚊新開鋪有唔同優惠好開心, 真心希望他們可以繼續做到落去。我諗因為疫情關係 佢地都係用即棄既餐具，係比較唔環保，希望疫情之後都可以避免啦。始終都要減少垃圾，要保護地球。