Video
Read full review
2023-04-20
49 views
住土瓜灣咁耐，都知土瓜灣係一個美食天堂，咩類型既餐廳都有。今次要介紹比大家既係一間主打Homemade burger既小店：SHADI。今次order左一個彈牙蝦堡($80)再加一份薯條($22)。店員好細心咁問我有啲咩唔食，睇下需唔需要係配料度作出調整。店員都提醒我，因為即叫即做既關係，所以等既時間會比一般店舖耐。等既時候見到寫住100% Homemade店員都有介紹多啲，佢話佢地所有野包括肉、醬汁、pizza批底等都係homemade架！肉都係用冰鮮肉，而唔係雪藏肉，呢點我都幾驚訝😯因為睇餐牌佢地價錢唔算貴，靚少少既單層安格斯牛堡最平都係$65，咁既價錢出面點會做到。先講蝦堡，一黎見到個包好巨型足料，有大量既紫椰菜絲、蛋黃芥末醬同埋一塊厚蝦扒！個包即叫即烘焗，所以食到包既表面仲係微脆，入面鬆軟，只係個包已經贏左出面好多店😍紫椰菜絲大大提升咬落去既口感，而且紫椰菜比普通生菜有更多膳食纖維同維他命C。👍🏻Homemade蛋黃醬加入左芥末，醬汁食到蛋黃既香味同芥末既微辛辣，避免左醬汁太濃搶走蝦既鮮味，同時增加左蝦堡既味道層次。重中之重既蝦扒咬落去超級彈牙！🤩蝦味十分濃郁，從未食過咁有蝦味
今次要介紹比大家既係一間主打Homemade burger既小店：SHADI。
今次order左一個彈牙蝦堡($80)再加一份薯條($22)。
店員好細心咁問我有啲咩唔食，睇下需唔需要係配料度作出調整。
店員都提醒我，因為即叫即做既關係，所以等既時間會比一般店舖耐。
等既時候見到寫住100% Homemade
店員都有介紹多啲，佢話佢地所有野包括肉、醬汁、pizza批底等都係homemade架！
肉都係用冰鮮肉，而唔係雪藏肉，呢點我都幾驚訝😯
因為睇餐牌佢地價錢唔算貴，靚少少既單層安格斯牛堡最平都係$65，咁既價錢出面點會做到。
彈牙蝦堡
$80
3 views
0 likes
0 comments
先講蝦堡，一黎見到個包好巨型足料，有大量既紫椰菜絲、蛋黃芥末醬同埋一塊厚蝦扒！
個包即叫即烘焗，所以食到包既表面仲係微脆，入面鬆軟，只係個包已經贏左出面好多店😍
紫椰菜絲大大提升咬落去既口感，而且紫椰菜比普通生菜有更多膳食纖維同維他命C。👍🏻
Homemade蛋黃醬加入左芥末，醬汁食到蛋黃既香味同芥末既微辛辣，避免左醬汁太濃搶走蝦既鮮味，同時增加左蝦堡既味道層次。
重中之重既蝦扒咬落去超級彈牙！🤩
蝦味十分濃郁，從未食過咁有蝦味既蝦扒！
店員話佢地每日都會將鮮蝦去殼，然後用刀剁碎打做蝦膠，難怪蝦味咁正！
食落蝦扒都有加入鹽同胡椒調味，蝦扒外層係一層厚薄適中既麵包糠👍🏻
咬落同係其他店食到既一樣外酥內軟
但同其他店唔同既係：呢間店用煎而唔係炸既做法☺️
其他店炸既既過程會用大量油，咬既時候會感覺到成口油🙁
但呢個包似係慢煎，食落唔覺油膩，健康好多。
呢個包要比滿分💯
薯條
$22
1 views
0 likes
0 comments
而我亦都加左一份薯條，佢地係粗身薯條，咬落好脆口。👍🏻
最特別係佢地配既蕃茄醬都係佢地自己整，比出面冇咁酸😋
總結：食完呢餐超滿足，所有野包括餅底、肉、醬汁佢地都係自己整，下次一定會再試😋
可能因為土瓜灣舊區租金平，佢地先可以降低成本做性價比高既homemade burger & pizza，值得比更加多人欣賞老闆既心思之作！🫶🏻
Post
