Mother of Pizzas

Open Now

Now Closed

意大利白酒肉丸意粉：舖名叫pizza阿媽，但意粉都毫不輸蝕。好地道的意大利式整法：配菜唔會大堆頭又腸又扒，但醬汁精心餚製，白汁香濃之中沁出絲絲酒的醇香，意粉煙韌，肉丸又多，如果唔係舖名開宗明義賣pizza，單係意粉都足夠獨當一面。Summer of Love 1967：係，雖然我係叫咗對半pizza，但呢度先介紹畫面遠嗰一半，Summer of Love 1967，非常「離經叛道」的pizza，舉世皆知，意大利人最憎pizza加菠蘿，背後原因係佢哋認為pizza係正餐一類的食物，應該係鹹食，唔接受上面加甜水果。而呢個pizza，唔係加罐頭菠蘿咁簡單，係大搖大擺咁堆新鮮菠蘿！都唔止，你意大利佬話pizza係鹹食咩？佢個底就用辣椒蜜糖！就係呢個底醬，清甜到飲緊蜜糖水咁，居然同pizza全無遺和。由於味道，加埋唔怕畀黑手黨買凶的勇氣，我畀滿分。Crazy Cheese：嗱，講明先，我有bias，我芝士狂，芝士愈多愈興奮，呢塊pizza，熱溶芝士，差唔多，成cm厚都有。新鮮熱辣咁咬第一啖，如果你問我咩叫天堂的滋味，我會答你就係Crazy Cheese的第一啖。Canadian + My Par

哩間pizza無論幾時都總係有人龍係到排隊，上次因為太餓😖而敗走，今次我地有備而來提早到，終於食到喇！佢既pizza🍕既選擇都幾多，仲有多過一款素食🥗提供。而且中文譯名都相當過癮！My Parma 我的帕爾馬 & Summer of Love 1967 愛的夏天1967 $248 13‘ （Half n Half 以兩者高價為價）一上枱已經忍唔住流哂口水🤤，啲料非常澎湃，望落去已經相當吸引。根據餐牌既介紹，佢既Pizza底🍕麵糰經過48小時發酵，再以華氏800度高溫烤焗，所以食落去外皮脆脆入面又好鬆軟。而佢既餡料重量又重質，用左新鮮菠蘿🍍，超級香甜，中和左肉腸同火腿🍖既油膩感。而帕爾馬火腿配火箭菜🥬簡直係天作之合，一啲都唔誇張，互相配合唔會太咸。意大利白酒肉丸意粉 $158佢既肉丸🧆又係超足料，好似食極重有，而且好juicy。值得要提係佢既意粉🍝相當熱辣辣，唔知因為有酒精🍾既配合定其他原因，我未係外面食過咁新鮮熱辣既意粉。另外，佢既芝士味🧀超濃郁，雖然唔算好creamy，但條條都相當掛汁，帶少少微微辣🌶，食得好過癮。食完之後就好明白點解成日大排長龍😋，而佢安排入座情況都幾好，唔會

今晚去銅鑼灣上堂學日文，路過見到原來久仰大名嘅呢間店就係學校嗰條街，加上時間尚早未有人掛隊，就即刻衝咗入去食。一入門口就見到焗Pizza個火爐同廚師們即場整Pizza，口水已經開始湧出嚟！【超級撒亞人肉腸拼瘋狂芝士薄餅 13吋】Pizza啲名好有趣！雖然我都成日食辣肉腸Pizza，但我認我今次係因為「超級撒亞人」個名而叫嘅，哈哈！原來仲可以揀一半一半試多啲唔同嘅口味，老婆就揀咗瘋狂芝士，兩個人食13吋夠晒。上到枱個陣真係超香！火爐焗出嚟嘅Pizza真係冇得輸！襯佢仲熱辣辣就即係食咗先！超級撒亞人肉腸上面啲肉腸鋪到滿一滿，餅底麵粉味種而且好煙韌，係我最鍾意嘅口味，但批邊都燶得濟，有啲位要放棄咬走佢。而瘋狂芝士薄餅啲芝士真係多到成口就係，佢落咗四種芝士，芝士仲厚過個批底，超滿足！！【意大利白酒肉丸意粉】意粉嘅質地未去到我最鍾意口味，略嫌唔夠彈牙，但個汁真係掂！好出嘅白酒味令到夠Creamy但唔會漏，加埋香草嘅香味好夾！成間店無間佈置同食物都好多心思，牆上嘅裝飾同海報都好正，氣氛亦一流！咁近返學嘅地方有間咁正嘅店點算呀，哈哈！！

上兩次黎都要食檸檬，點解呢？因為門口起碼有30人排隊。今次終於排第一，喺門口等嗰陣時望住個pizza金魚缸都唔知揀咩好見到雞味濃仲要係白汁#真係令到人地好熱血沸騰 不過有火箭菜不了。呢度可以玩起雙飛一次可以滿足兩個願望，一半一半兩個唔同味，正喎即試13吋！愛的夏天1967咁浪漫就叫！有水牛芝士、番茄、火腿、意大辣肉腸、意大利人最憎嘅菠蘿、蜜糖。第一次食Pizza淋辣椒infused蜜糖幾過癮，嗰邊烤焦咗好黑下。啲辣肉腸唔係冇料到都幾辣，菠蘿好大嚿勁juicy食得出係新鮮菠蘿！另一半係超級撒亞人肉腸，主要有水牛芝士同蕃茄。Topping 好多 #個面鋪滿極級多美式肉腸食腸都食飽 #加埋手工包皮真係好正意大利白酒肉丸意粉未食已經聞到濃濃嘅芝士同白酒味，勁香。個質感有啲似carbonara #食到個嘴滿口有黏黏嘅白汁 起碼有10粒肉丸，唔好等到凍先食會好膩。呢個意粉有驚喜！#黃色經濟圈 #好愛港餐廳 #支持黃店 ———————————————⠀⠀⠀⠀⠀⠀⠀⠀⠀Mother of Pizzas (銅鑼灣)銅鑼灣禮頓道13-19號地舖———————————————⠀⠀⠀⠀⠀⠀⠀⠀⠀

呢間之前食過一次因為念念不忘佢個香蒜芝士焗麵包所以最近又同朋友過嚟食我地星期五大約六點左右就去食 唔使等好耐就有得入座不過食完出番嚟之後見到大排長龍所以如果唔想排咁耐 就可以早少少去食👻