呂錦記手撕雞專門店 (筲箕灣道)

Open Now

Now Closed

呢日同阿仔去西灣河文娛中心，聽兒童音樂劇，路過見到呢間手撕雞店，一向無雞不歡嘅佢，話要買返去同爸爸妹妹食，我哋一於就去試吓。入到呢間店舖，鋪面乾淨企理。見到寫住無激素、無味精、零添加，阿媽我就安心買俾小朋友食了，好過食炸雞。😅不過原來手撕雞都有好多選擇，阿媽我都揀咗一陣先揀到。懷舊原味手撕雞分量好充足嘅手撕雞，幫你撕埋一絲絲嘅雞肉好窩心。呢款手撕雞係冷食，雞肉爽脆，無乜太多調味料，食到清清淡淡嘅鹹味，雞味反而濃郁，令你越食越想食。古法蟲草花水晶雞呢個係阿媽我嘅養生之選。外賣我哋拎返屋企都要一段時間，估唔到拎到返屋企仲係暖嘅。一打開錫紙，香氣四溢，底部有好多蟲草花。隻雞雞肉嫩滑，一撕就開，食落原汁原味，雞味超濃，加埋蟲草花，簡直係健康美味之選。

今日做嘢經過港島區，見到依間手撕雞店，屋企又想加餸，一於買返去試嚇！要去依間手撕雞專門店都好方便，出地鐵站行兩三分鐘就到，如果搭電車，直頭喺對面落。入到去店舖，鋪面乾淨企理。望一望餐牌，手撕雞都有咁多款選擇，真係估佢唔到。不過我最欣賞嘅係佢無激素、無味精、零添加，即係我屋企兩個小朋友都可以食到。古法蟲草花水晶雞呢隻水晶雞，由西灣河拎到返九龍，打開包裝，仲係暖嘅，又傳出陣陣香味。外賣俾埋手套你，好貼心。隻雞一撕就開，雞肉好嫩滑，食落仲有雞汁，味道剛剛好，唔會太鹹，加埋蟲草花，養生又美味。懷舊原味手撕雞呢款用圓形大盒包裝，裏面裝滿撕好嘅手撕雞，非常足料。沒有太多調味料，味道鹹鹹香香，雞肉爽脆，雞味濃郁，健康又好食。